Bardeetako tiro eremuak gero eta arrisku handiagoa sortzen duela salatu dute
Bardeetako natur parkea gerrarako bonben entsegu toki bezala erabiltzearen kontrako jarrera agertzeko eskatuko die Tiro Eremuaren Aurkako Asanbladak Nafarroako udalei, mozio baten bidez.
Laster egingo du Bardeetako Tiro Eremuaren Aurkako Asanbladak bere XXXII. martxa, ekainaren 3an, Gladys del Estal militante antinuklearraren heriotzaren 40. urtemugarekin bat eginez. Hori dela-eta, mozioa aurkeztuko dute Nafarroako udaletan alderdi politikoen bidez, tokiko instituzioek martxari babesa eman eta tiro eremuaren kontrako euren konpromisoa berretsi dezaten.
Bardeetako azpiegitura militarrak dakartzan kontraesan eta arriskuak nabarmendu ditu beste behin Asanbladak. Hala, diotenez, tiro eremua aspaldi geratu da txiki gaur egungo gerrarako hegazkinek erabiltzen duten munizioarentzat. Ondorioz, tiro eremua ez ezik, maniobrak egiteko Bardeetako natur parke osoa eta inguruko udalerrietako lurrak erabiltzen dituztela salatu dute, “horrek biztanleria zibilarentzat arriskuak sorrarazten ditu, eta jakina, ekintza militarrek natur guneak ere kaltetzen dituzte”.
Azken urteetan maniobrak ugaritu egin dira Bardeetan, mundu mailako tentsio militarraren gorakadaren eraginez, besteak beste. Aurkezturiko mozioan, Espainiako Defentsa Ministroari azalpen zehatzak exijitzeko eskatuko diete udalei. Horrez gain, Bardeetako Komunitateari eskatu diete tiro eremuaren erabileragatik jasotako diru edo kanona erabili dezala soilik gerrak sorturiko kalteak konpontzeko eta biktimak laguntzeko.
Ekainaren 3an, goizean tiro eremuaren atariraino joango den martxaren ostean bazkari bat ere antolatu dute. Tiro Eremuaren Aurkako Asanbladaz gain, Ekologistak Martxan, EKA eta Ejea eta herrietako Gerrari Ez plataformak ere deitu dute zitara; gizarte zibilak “berriz ere pultsua hartu” beharraz hitz egin dute aurkezpenean.
Poligonoaren Aurkako Asanbladak deituta, igandean egin duten martxan 300 pertsona inguru izan dira. Tiro praktika eremua kentzeko eskaera izan da aldarri nagusia, baina beste bi gairi lekua egin nahi izan diete beren protestan. Batetik, Palestina eta munduan gerra jasaten ari... [+]
Ezohiko irudia ikusi zen Madrileko Moncloako jauregian martxoaren 18an: estatuko industria militarraren buru nagusiak Pedro Sánchez presidentearekin eta Margarita Robles Defentsa ministroarekin bilduta. Bertan ziren ere Hego Euskal Herriko enpresa militarretako buru... [+]
1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.
Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]
Yurii Sheliazhenko Ukrainako Mugimendu Bakezaleko Idazkari Exekutiboa da, eta abuztuaren 15az geroztik preso dute bere etxean. Asteazkenean egin zuten bere aurkako lehen epaiketa eta intsumisioaren aldeko Europako mugimendua bere askatasunaren aldeko kanpaina egiten ari da.
Asteartean hasi dira gerra finantzatzeko onartzen den gastu neurrigabea salatzeko ekintzak, ‘Gastu militarrik ez’ lemapean.
"NATOtik eta gerratik ateratzeko modu bakarra euskal errepublika da", aldarrikatu du Ehun mugimenduak larunbatean Bardeetako tiro poligonoan egindako ekintzan.
Bilboko Iralako kuartel militarra eraisteko parodia egiteagatik, fiskaltzak 36 hilabeteko espetxe-zigorra eta 9.000 euroko isuna eskatu bazituen ere, Bilboko Epaitegiak bakoitzari 360 euroko isuna ezartzea ebatzi du, espetxe zigorrik gabe. Bilboko KEM talde antimilitaristak... [+]
Gerra gordina hasi zenetik urtebete bete denean, Ukrainako gatazkaren inguruko hausnarketa antimilitarista antolatu dute Donostian ostegunean Bake-Ekintza Antimilitaristak eta Centre Delàs d’Estudis per la Pauk. Gerra horri emandako erantzunetan gabezia asko ikusi... [+]