ARGIA.eus

Itzulpen automatikoa / Machine translation

Bardea bonbardatzen segitzeko Defentsa Ministerioak bikoiztu egin du diru-partida

  • Urtarriletik eta 2028. urtera arte urtero 14 milioi euro bideratuko dizkio Defentsa Ministerioak Bardeako Batzordeari; orain arte urtero 7 milioi izaten ziren. Kontratu bidez blindatua du aireko armadak maniobretarako eremua.

Artikulu hau CC BY-SA 3.0 lizentziari esker ekarri dugu.

2018ko abenduaren 10an - 12:14

Diru bidez ziurtatu nahi du Espainiako Defentsa Ministerioak Bardeako Tiro Poligonoaren erabilera. Aurten lau aldiz erabili dute Bardea benetako bonbekin ariketa militarrak egiteko eta bide horretan segitu nahi dute. Urtarriletik aurrera eta 2028ra arte 14 milioi urtero jasoko ditu Defentsa Ministerioarengandik Bardeako Batzordeak; orain arte zazpi milioi euro jaso zituen urtero. Alokairua da modu horretan ordaintzen dutena Tiro Poligonoko 2.244 hektarea erabiltzearen truke. Espainiako Armadarena eta NATOren artean erabiltzen dute eremu hori maniobra militarrak egiteko. Aurten amaitzen da abian den kontratua eta automatikoki berrituko da urtarrilaren 1ean eta 2028ko abenduaren 31ra arte izanen da martxan. 

Espainiak du agintea Bardean

Armadarentzat baldintza berberak mantendu dituzte kontratu berriarentzako. Aldaketa nabarmenena diruan datza: bikoiztu eginen du Defentsa Ministerioak ordaintzen duena urtero Bardeako Tiro Poligonoaren erabileragatik. Hala, zazpi milioi ordaintzetik hamalau milioi euro ordaintzera pasako da. Azken urteotan asko izan dira tiro poligonoaren aurka azaldu diren taldeak. Gogoratu dute besteak beste babestutako ingurumen eredua dela. 

Albiste hau Euskalerria Irratia-k argitaratu du eta CC-by-sa lizentziari esker ekarri dugu ARGIAra.


Kanal honetatik interesatuko zaizu:: Bardeetako tiro eremua
Benetako bonbekin maniobra militarrak egiten ari dira Bardean

Bardeak Ya plataformak salatu du ostegun iluntzean "bi eztanda handi" entzun zirela Tuteran eta Zaragozako zenbait herritan. Benetako munizioa erabiltzen ari da Espainiako Armada ariketa militarrak egiteko. "Bisitariei ohartarazten ari zaizkie laser armak ere... [+]


Bonbardaketa praktikak Bardean, hamabost egunez

Benetako armak erabili dituzte eta ostirala arte ariko da Espainiako Armada parajean bonbak botatzen.


Espainiako Armadak lau eguneko bonbardaketa hasi du Bardean

Espainiako Defentsa Ministerioak ez du argitu benetako sua erabiltzen ari diren ala ez. Aurreko astean erabili zuten, herritarrak abisatu gabe.


Bardeako tiro poligonoan maniobra berriak egiten ari direla salatu dute

Tiro poligonoaren aurkako asanbladak salatu du Bardean maniobra militar berriak egiten ari direla, eta litekeena dela benetako suarekin egiten aritzea. Kritikatu du pandemia garaian zergak gerretarako maniobrak probatzera bideratzea. 


Eguneraketa berriak daude