Bardean ariketa militar berriak salatu dituzte

  • Otsailean entrenamendu militarrak egin dituzte bertan europako zazpi herrialde ezberdinetako armadak. Bardea Libre kolektiboak salatu duenez, martxoaren 5etik 9ra jarduera berriak eginen dituzte bertan militarrek, hain zuzen "ingurune natural horretan bizi diren hegaztiek habia egiten duten garaian".

Artikulu hau CC BY-SA 3.0 lizentziari esker ekarri dugu.

2020eko martxoaren 3a - 08:41
Zure babesik gabe independentzia ezinezkoa zaigu

Industrialde horretako jarduera militarra handitzea NATOren eskakizunekin, AEBen gerra-politikarekin eta armagintzaren industriak dituen negozio handiekin lotuta dago, Bardea Libre elkartetik adierazi dutenez. Euskal Herrian urtean milioika euro fakturatzen dituzten armagintzaren negozioan diharduten 100 enpresa inguru daudela gogorarazi dute. "Erreserba natural honen erdian frogatzen da armategi militar guztia", azpimarratu dute.

Ariketa berri horiek salatzeko eta tiro-poligonoa desegiteko eskatzeko, elkarretaratzeak egingo dira Ejea de los Caballerosen (martxoaren 5ean) eta Iruñean (martxoaren 6an, ostirala, 19:00etan, Gobernu ordezkaritzaren aurrean).


Bardeetako tiro eremua kanalean gehiago
2026ko ekainaren 9
Istripuen kronologia
Hegazkin zatiak zerutik behera

Eguneraketa berriak daude
Kontsultatu Hemeroteka berria
1919tik gaur arteko aldizkari guztiak online
150.000 orrialdetik gora dira, euskaraz eta Euskal Herriari idatziak. Mende bat baino gehiagoz, Euskal Herriko historiaren lekuko eta euskal kazetaritzaren eragile izan da ARGIA. Ondare hori euskal komunitate osoaren zerbitzura jarri dugu lizentzia libreekin.