B.A.L.A. jaio da, Gasteizko hainbat bollerez osatutako kolektiboa
Ikusgarritasun Lesbikoaren egunean eman dute ezagutzera kolektibo berria: "Bollera izatea ez dugu aukera edo orientazio gisa ulertzen, sistemaren baitan arrakala edo haustura bat suposatzen duen identitate iraultzaile gisa baizik". Maiatzaren 3an aurkeztuko dute publikoki B.A.L.A., Gasteizko Gaztetxean.
Apirilaren 26an, Ikusgarritasun Lesbikoaren egunean, B.A.L.A kolektiboa jaio da Gasteizen. Eragile berri hau Gasteizko hainbat bollerek sortu duten kolektiboa berria da, “gure bizipenak eta gorputzak, hau da, gure izana borroka politiko-feministatzat dugun bolleron sarea”. Hortik haratago, izen honen atzean marimutil, lodi, migrante, friki, maketak… daude, margen desberdinetatik etorri arren bollera izateak elkartu dituena.
Lehenik eta behin, Hala Bedi-ri igorritako ohar batean garbi utzi nahi izan dute bollera izatea identitate politikotzat dutela eta, beraz, borroka subjektutzat ere bai. “Ez dugu aukera edo orientazio gisa ulertzen, sistemaren baitan arrakala edo haustura bat suposatzen duen identitate iraultzaile gisa baizik. Bollerak gara, hegemoniatik kanpo utzi gaituztelako, guretzako diseinatua zegoena hautatzeari uko egin diogulako, margenetan utzi gaituztelako eta horien baitan eraiki dugulako gure izana. Bollerak gara nahi genuena jakin gabe, nahi ez genuenetik eraiki dugulako gure praktika”.
Era berean, argi dute “ikusezin eta infantilizaturik” jarraitzen dutela. “Moda bat izango bagina bezala, esperientzia puntual bat, inongo ikusgarritasun eta aitortzarik gabeko kolektibo bat”. Horregatik egin dute euren artean saretu eta antolatzeko hautua: “Homosexual emakumeak soilik izango bagina beti bigarren plano batean egongo ginatekeelako: horregatik gara bollerak”.
Bollera munduan egoteko beste modu bat bezala ulertzen dute B.A.L.A.-ko kideek, emakume kategoria zabaltzeko edo beste kategoria bat sortzeko subjektu bat. “Gure identitatea era kolektiboan ulertzen dugu, norbanako bezala ditugun esperientzia eta bizipenak zapalkuntza komun batetik datozelako baina baita ere proiektu politiko komun bat dugulako”.
Sistema iraultzeko hautua
Gaur egungo sistemak ezartzen dituen harreman sozialak iraultzeko identitate bat direla uste dute, haiek sortzen dituzten botere harremanen eta gorpuzten ditugun pribilegioen hausnarketatik hasiz. Ez dute uste, beraz, “emakumeak maitatzeagatik” soilik zapaltzen dituenik sistemak, horrek dakarren eraldaketagatik baizik, sistema bera kolokan jartzea: “Erregimen heterosexual monogamoak egituratzen baitu sistema bere osotasunean. Garbi dugu gaur egungo sistema irauli ezean, aske bizitzeko eta beraz maitatzeko inork ez baitu izango aukerarik”.
Egun, ordea, “ofentsiba neoliberala” bolleren identitatea asimilatzen dabilela uste du jaio berri den eragileak, beste identitate disidente batzuen artean. “Bollera izateak duen indar eraldatzailea deuseztatzen saiatzen da sistema kapitalista, hetero-patriarkatuaren disidentzia garen gorputzok kapitalismoan lekua izan dezakegunaren falazia sinestarazi nahian, bi sistema hauek era independentean jardungo balute bezala”.
Proiektu politiko komun batek batzen dituela esaterakoan, sistema kapitalistaren kontsumo harremanei aurre egingo dien harreman horizontaletan sinesten dutelako da, “gure borroka ez delako “normaren” baitan lekua topatzea, “normatik” kanpotik zentroa bera lehertu dezakegulakoan baikaude”.
Zentzu honetan, bollera izateak bere baitan komunitate bat dakarrela azaldu dute: laguntasunaren eta harreman horizontalen aldeko borroka. “Bollera identitatea, berez feminismotik, klase ikuspegitik eta antiarrazismotik antolatu daitekeen harreman eredua da; sare bat gisa, kolektibotasun bat, antolakuntza bat ; finean zaintza erdigunean jartzeko apustu irmo bat”.
Maiatzaren 3an, aurkezpena
Ikusgarritasun Lesbikoaren egun hau eragile berria aurkezteko aprobetxatu duten bezala, aurkezpen publikoaren data eta lekua zehaztu dituzte: maiatzaren 3an izango da hau, ostiralean, 21:00etan Gasteizko Gaztetxean.
B.A.L.A.-ko kideek argi dute: “Kontzientziak astintzeko eta heteroarauari gerra deklaratuz sistema guztia zalantzan jartzeko jaio gara”.
Albiste hau Hala Bedik argitaratu du eta CC-by-sa lizentziari esker ekarri dugu ARGIAra.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Holandako LGBT mugimenduak bultzaturik, 1987an inauguratu zen Amsterdamen Homomonument izeneko oroigarria, nahiagotasun sexualagatik jazarpena jasan duten gay-trans-lesbianen omenez. Naziek kontzentrazio-esparruetan ustezko homosexualak markatzeko erabiltzen zuten hiruki arrosa du oinarri. Hiruki arrosa da gaur ere mundu osoko LGBT mugimenduaren ikurretako bat, ortzadarraren ikurrina baino borrokalariagoa ere badena, nolabait esatearren.
Harrez geroztik, munduko beste hainbat lekutan eraiki... [+]
Nekane Txapartegi maiatzaren 22an deklaratzera deitua zuen Espainiako Auzitegiak. 200 lagun elkartu ziren Bernako auzitegi aurrean elkartasunez. Bideokonferentziaz ere ez deklaratzea erabaki zuen, "Estatu Espainiar eta Suitzarraren arteko joko horretan ez sartzeko". Nazioartean elkartasuna pizten doa eta hurrengo aste-hilabeteetan bi estatuek erabakiko dutenaren zain egon beharko du euskal errefuxiatu politikoak. Hala Bedi irratian egindako elkarrizketan adierazi duenez, "Kausa... [+]
Ostirala, hilak 24, Bakearen eta Desarmearen Aldeko Emakumeen Nazioarteko egunean, elkarretaratzeak egingo dira Hego Euskal Herriko hiriburuetan.
Ile bat transgresorea da berez, izatez; errebeldea, intsumisoa, bihurria, apurtzailea, ausarta. Tokiz kanpo egon ohi da gehienetan. Deserosoa da sarri. Arrain zoparen platerean, luxuzko hoteletako perfumedun izara zurietan, bainerako ura urmaeltzen duen buxatutako hoditerian, bibote izatera iristen ez den nerabearen ezpain gaineko esparru minatuan, maitale kartsuaren ahoan, edozein emakumeren gorputzean… Traba egiten du ia beti.
Besapeetakoak politizatzen asmatu du zenbaitek... [+]
Euskal Herriko hainbat txokotan mobilizazioak deitu dira ostiralean, LGTBIfobiaren aurkako egunaren harira.
Duela urte batzuk, eraso matxisten inguruko tresna eta adostasunen beharretik prozesu kolektibo bat abiatu genuen Joxemi Zumalabe Fundazioan. Indarkeria matxistei aurre egin,gaiaren inguruan eztabaidatu eta euskarri bat sortzea fundazioaren azken urteotako lehentasun bat izan da, eta bide gorabeheratsua izan den arren lortu dugu erronka honi heltzea.
Argia-n agertu da elkarrizketa interesgarria, eztabaidagarria dena. Madrilgo emazte musulman ezagutua denarekin: Amanda Figuerasekin.
Soilik azken urtean hamahiru kasu jasotzen ditu Lumagorri HAT-k landutako txostenak; Gasteizko Udaltzaingoak, berriz, ez du salaketarik jaso.
Sorginlore Gizarte Elkarteak matxismoari aurre egiteko estrategiak bildu ditu bideo honetan. 80 emakumeri egindako elkarrizketetan bildu dituzte egoera matxistak, eta Gregoretak jasotako egoera horien aurrean erantzuteko dauden aukerak azaldu ditu.
