Bake ponentzia, standby
EAJ eta EH Bildu bakarrik joango dira bihar Eusko Legebiltzarreko Bake Ponentziaren bilerara eta alderdi jeltzaleak, Iñigo Iturrate legebiltzarkidearen bidez aurreratu duenez, ponentziarekin jarraitzeko “baldintzarik ez dagoela” adieraziko du.
EAJk aurreratu duena kontuan izanda beraz, euskal gatazka armatuari buruzko gutxieneko akordioak bilatzea helburu zuen ponentzia ez aurrera eta ez atzera geratuko dela aurreikus liteke.
PSE-EEk berriki iragarri du ponentzia utziko duela, EH Bilduren jarreran “inboluzioa” antzemanda. PPk eta UPyDk lehenago uko egin zioten.
Dena den, Iturratek adierazi du EAJk lanean jarraituko duela Legebiltzarreko taldeekin, “ahalik eta lasterren” ponentziako bilerak berriz martxan jartzeko.
Era berean, PSE-EEri eskatu dio azal dezala otsailetik hona ezker abertzalearen zein jarrera aldatu diren azaltzeko, orduan ponentzia sortzearekin bat egin baitzuten sozialistek.
