Baionako elizbarrutian ere gutxienez 25 adin ttipiko dira sexualki erasotuak izan

  • 330.000 adin ttipikok sexu gehiegikeriak jasan dituzte 1950etik 2020ko hamarkadara, Frantziako Eliza Katolikoari lotutako erakundeen baitan. CIASE Eliza katolikoan izandako sexu abusuei buruzko batzorde independenteak ateratako txostenaren arabera garai horretan hamahiru apaiz eta elizgizonek egin zituzten sexu abusuak Baionako elizbarrutian.


2021eko urriaren 07an - 07:09
Azken eguneraketa: 09:32
Marc Aillet, Baionako apezpikua

2.900 eta 3.200 erasotzaile artean identifikatu dituzte, baina ziurrenik gehiago direla argi utziz. Elizgizonen biktimak 216.000 dira eta kopurua 330.000raino puzten da, Eliza Katolikoari lotutako ikastetxeetan, katiximan edota bestelakotan ari diren erasotzaile laikoak kontuan hartuz gero. Horra CIASE Eliza katolikoan izandako sexu abusuei buruzko batzorde independenteak ateratako txostenak plazaraturiko errealitate beltza, 1950etik 2020ko hamarkadara arteko garaiari dagokionez.

Biktimen artean daude Baionako elizbarrutikoak ere bai, gutxienez 25 adin ttipiko, hamahiru apaiz eta elizgizonen sexu erasoak jasan behar izan zituztenak. Prentsaurrekoa burutu zuen urriaren 6an Marc Aillet Baionako apezpikuak, zeinetan aitortu duen "seguruenik" ez dutela "nahiko kontuan hartu biktimen ahotsa". 

Batzorde independenteak Eliza Katolikoari eskatu dio duen ardura bere gain har dezala eta biktimei ordain ekonomikoa eman diezaiela. 548 orriko txostena irakurgai jarri du batzordeak bere webgunean.


Kanal honetatik interesatuko zaizu: Eliza Katolikoa
Zamorako apaiz kartzelako ihesa Santiago Carrillo buruzagi komunistak zapuztu zuen, lekuko baten arabera

1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]


2024-03-08 | ARGIA
Espainiako Eliza Katolikoak 1.000tik gora pederastia kasu aitortu ditu

Espainiako Eliza Katolikoak onartu du adingabeei egindako 1.057 sexu-gehiegikeria gertatu direla Elizan. Urteetan abusuak gertatu izana ukatu du edo kasuei garrantzia kendu die. Duela gutxira arte, Espainian salaketa gutxi zeudela edo salaketarik ez zegoela defendatu du Elizak... [+]


Juan Maria Uriarte hil da, Donostiako gotzain emeritua

Espainiako Gobernuaren eta ETAren arteko negoziazioetan parte hartu izan zuen hainbat urtez Donostiako gotzain izandako Juan Maria Uriartek. Larunbatean zendu zen Basaurin.


2024-01-14 | Reyes Ilintxeta
Jose Mari Esparza. Ideia trafikatzailea
"Borrokaren beharra transmititu nahi dut, zerbait berria sortuko da, beti sortu da"

Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]


Elizak matrikulatu gabeko 3.000 ondasunen jatorria ikertu nahi du Nafarroako Gobernuak

Ondasunak identifikatu ostean, erreklamazio eta berreskuratze prozesua hasiko du aurten, eta udalerriei laguntza eta babesa eskaintzeko bulegoa sortuko dute.


Eguneraketa berriak daude