Baionako autobus zerbitzuko gidari bat garuneko heriotza egoeran, eraso bat pairatu ostean
Igande arratsaldean gertatu zen erasoa. Langileek hiriguneko autobus zerbitzua gelditu dute lankideari elkartasuna adierazi eta erasoa salatzeko. Segurtasun neurri gehiago eskatu dituzte.
58 urteko gidaria garuneko heriotza egoeran dago ospitaleratua Baionan bertan. Zabaldu den informazioaren arabera, Balinchon auzoan gertatu zen ezbeharra. Gidaria autobusaren atzealdera mugitu zen pertsona talde bat “lasaitzera”, eta bere postura bueltatzen ari zela egin zioten eraso. Igande arratsaldean bertan 34 urteko pertsona bat atxilotu du Poliziak Baionan, eta iturri ezberdinen arabera gaur beste hiru edo lau pertsona gehiago atxilotu ditu.
Langileek zerbitzua eten dute lankideari babesa adierazteko eta erasoa salatzeko. Bihar arte behintzat jarraituko du Baionak hiriguneko autobus zerbitzurik gabe. Astelehen goizean Chronobus enpresan ordezkaritza duten sindikatuak – GT, FO eta CFDT–, Jean Rene Etxegarai Euskal Elkargoko lehendakariarekin eta Claude Olive garraio politikarako lehendakariordearekin bildu dira. Erasoak eta gutxiespenak aspaldikoak direla eta azkenaldian ugaritu egin direla salatu dute langileen ordezkariek, eta segurtasun neurri gehiago eskatu dituzte.
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Gaueko tren bidaia arruntak desagertu egin ziren duela urte batzuk ia Europa osoan, airezko garraioaren mesedetan. Baina larrialdi klimatikoak hegazkin kutsagarriak alboratzera eraman du jende asko orain, eta ordu txikitako tren sarea berriz ere martxan jarri nahian ari dira... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Hasiera batean alderdiak garestitu egin nahi zituen Barik txartel anonimo eta aldi baterako abonuak, baina azkenean atzera egin du. Beherapena berriz otsailaren bigarren erdialdean indarrean sartuko dela aurreikusten du.
