ARGIA.eus

2021eko apirilaren 21a

Azkoitiko EH Bilduk salatu du kontrol eta baimenik gabeko zabortegi bat duela udalak

  • Maiatzaren 8an "herritar baten bidez Azkoitiko Udalak Izagirre-Jandalo baserriaren ondoan duen kontrol eta baimenik gabeko zabortegi baten berri izan genuen" adierazi du Azkoitiko EH Bilduk prentsa ohar bidez. Zabortegi hori ikusten izan dira EH Bilduko kideak eta udaltzaingoei deitu zieten bertan zegoen hondakinen txostena egin zezaten. Maiatzaren 11n udaletxeko hirigintzan eskatu zituzten zabortegiak beharko lituzkeen baimen eta ingurumen txostenak, "baina ezer ez dagoela esan zitzaigun". EH Bilduk salatu du urteetan beteta egon ostean, azken bi astetan dena hustutzen aritu direla udal brigadako langileak, eta bertako zaborra nora eraman duten galdetu du.

Estitxu Eizagirre @eeizagirre
2020ko maiatzaren 13a

Azkoitiko EH Bilduren oharrak azaltzen duenez, honela izan dute udalak zabortegi bihurtutako eremuaren berri: "Pasa den ostiralean, herritar baten bidez, Azkoitiko Udalak Izagirre-Jandalo baserriaren ondoan duen kontrol eta baimenik gabeko zabortegi baten berri izan genuen. Herritarrak azaldu zigunez, udal brigadako langileak ikusi izan ditu bertan lanean; eta, urteetan eremua trastez gainezka egon ostean, azken bi asteetan gunearen zati handi bat hustu egin dute". Hau dela eta, honako galdera zuzendu dio Azkoitiko EH Bilduk udalari: "Urteetan beteta egon ostean, zergatik orain guztia bi astean hustu? Bertan zegoen zaborra nora eraman da?".

"Informazioa jaso orduko bertara hurbildu ginen" adierazi du Azkoitiko EH Bilduk eta udaltzaingoari ere deitu zion, "han aurkitu genuenaren txostena egin zezan". Bertan aurkitutako hondakinak zerrendatu ditu: obra hondakinak, neumatikoak, plastikoak, metalak, materia organikoa... Azkoitiko EH Bilduk bertan ateratako argazkiak bidali ditu froga modura.

Baimenik eta kontrolik gabeko zabortegia

Maiatzaren 11n udaletxera jo zuen EH Bilduk, eta hirigintza sailean "zabortegiak eduki beharko lituzkeen baimen eta ingurumen txostenak" eskatu zituzten, "baina ezer ez dagoela esan zitzaigun". Azkoitiko EH Bilduk salatu duenez, "zabortegi bezala erabili den lur eremuak ez du inolako itxiturarik, ezta segurtasun neurririk ere, eta horrek sekulako kontrol falta eta ingurumenarentzako arriskua dakar". Udalari galdera hauek planteatu dizkio: "Non daude zabortegi hori martxan eduki ahal izateko baimenak? Nork kontrolatzen du zer eta nola botatzen den bertara? Ingurumena errespetatzeko zein berme ditu zabortegi horrek?".

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hondakinen kudeaketa Gipuzkoan  |  Azkoitia

Hondakinen kudeaketa Gipuzkoan kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude