'Azken otsoa' euskarazko film laburra Zinebi jaialdian lehiatuko da
Nazioarteko 52 film izango dira ikusgai azaroaren 9tik 16ra bitartean, tartean euskara hutsean ekoitzitako Iker Maguregiren Azken Otsoa fikziozko lana eta beste bost Euskal Herrian grabatutakoak. Bilboko Golem zinemetan proiektatuko dira.
Bihar arratsean emango zaio hasiera hirurogei urte betetzen dituen Zinebi jaialdiari. Bilboko Arriaga antzokian izango da irekiera ekitaldia, eta bertan Mariano Llinos zinemagile argentinarra omenduko dute, “sorkuntzarako duen erradikaltasun estetikoa” goraipatuz.
Ekitaldian Ohorezko Mikelaldia emango diote. Lan berria ere aurkeztuko du Llinosek, 14 ordu irauten dituen La Flor filma –hiru egunez jarraian proiektatuko dute Azkuna Zentroan, azaroaren 11tik 13ra, arratsaldeko bostetan–. Itxiera ekitaldian bestalde, bigarren Ohorezko Mikelaldi bat emango da, Apichatpong Weerasethakul zinemagile thailandiarrari. Honen “errealitatea eta fantasia naturaltasunez uztartzeko duen gaitasuna” omenduko da.
124 herrialdetako 3.770 lanek egin zuten eskaera Zinebiko Sari Ofizialean lehiatzeko, eta horietatik 52 aukeratu zituen epaimahaiak. Tartean Euskal Herrian ekoitziak diren seik, eta euskara hutsean grabatua den batek; hori da Iker Maguregiren Azken otsoa film laburra. Honakoak dira lehiatuko diren eta gurean ekoitziak diren lanak: Bodgar Muresanuren Cadoul de cracium; Maria Elorzaren Ancora lucciole; Maider Fernandezen Amor siempre; Richard Sahagunen Il dolce far; eta Teresa Sendagortaren It is All Right Here. Orotara, 22 fikziozko film, animaziozko hamaika eta 18 dokumental ikusi ahal izango dira.
Aurten hirugarren aldiz ZIFF Zinebi First Film lehiaketa ere egingo da: opera prime-i bideratutako nazioarteko lehiaketa. Bost film izango dira lehian, hauek azpimarragarrienak: Andrea Bussman zinemagilearen Fausto (Kanada, 2018) eta Lousie Donschenen Casanovagen (Alemania, 2018).
Euskal Herriko zinemagintzari eskainitako Bertoko Begiradak saila ere ikusgai izango da. 19 film labur eta dokumental emitituko dira –tartean Sail Ofizialean lehiatuko direnak– Bilboko BBK aretoan, hilaren 12tik 15era.
Larunbatean, Euskal Zinemaren Eguna
Euskal Herriko zinemagintzaren “iragana, oraina eta etorkizuna omentzeko” prestatu dute egun hau. Solasaldiak eta tailerrak egingo dira, baina horrez gain, Sail Ofizialean lehiatuko duten euskal film laburren emanaldia izango da Azkuna Zentroko auditoriumean, arratsaldeko bost t’erdietan, eta horren ondoren euskal zinemagileak omenduko dituzte Bilboko Arte Ederren Museoan.
Ohorezko Mikeldi Bereziak banatuko dituzte bertan, azken 60 urteetan zinemagintzan jardun diren hainbat lagunen artean; besteak beste, Jose Antonio Sistiagak, Jose Angel Rebolledok, Anton Marikaetxeberriak eta Ramon Bareak jasoko dute garaikurra.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Mila galdera ditu borborka antropologiarekin maiteminduta dagoen Artzibarko gazteak. Horietako bat Itoizko urtegiarekin lotua:
nola bizi daiteke bertako jendea zazpi herri eta hiru natura-erreserba ito zituen ur baltsa erraldoiaren ondo-ondoan?
Otsailaren 9an eta 10ean estreinatuko du Kukai dantza taldeak Realarekin elkarlanean sortutako ikuskizuna, kultura eta futbola uztartuko dituen Korner jaialdiaren baitan.
Urte berriaren ailegaera, jabetza publikora arte-lan berriak igaroko diren seinale izan ohi da. Europako herrialde gehienek, 70 urteko epea dute egilea hiltzen denetik bere obra jabetza publikora igaro arte.
Camarade-curé / Ez, ez dut nahi Pierre Prouvèze zuzendariaren filma da. Filmak Collette Magny frantziarraren Camarade curé kanta du abiapuntuan. Magnyren kanta Julen Lekuona zenaren Ez, ez dut nahi kantak inspiratuta dago. Filma urtarrilaren 17an, ostegunean, 19:00etan emanen da, Donibane Lohizuneko Le Sélet zineman.
Lumafobiaren aurrean, “bakoitza nahi duen modukoa izatea eta nahi duen moduan, nahi duen lekuan adieraztea” aldarrikatuko du aurten Zinegoak Bilboko Gaylesbitrans Zinema eta Arte Eszenikoen Jaialdiak. “Luma izatearen harrotasuna” jarri dute erdigunean, konbentzionalismoetatik aske eta gustura sentitzea helburu.
Lope Agirre zenari buruzko fikziozko film herrikoia egin zuten iaz Oñatin. Urtarrilaren 1az geroztik, sarean dago ikusgai, eta, aitzakia baliatuta, Anjel Lera zuzendariarekin hitz egin dugu.
Bart banatu dira Urrezko Globoak. Green Book filmak hiru sari jaso ditu, eta bina beste biek.
Asko dira zinemaren historian mugarri diren Stanley Kubricken (1928-1999) filmak: Spartacus, 2001: A Space Odissey, The Shining, A Clockwork Orange… Mimoz eta obsesioz zaindutako xehetasunekin eraikitako unibertso autonomo bana dago haietako bakoitzean. Xehetasun horiek eta Kubrick bera ezagutarazteko asmoa duen erakusketa antolatu dute Bartzelonan, CCCBn.
Bide zuzenak, ibilbide okerrak lana abenduaren 28an aurkeztuko dute, Jimmy Jazz aretoan.
