Azken astean jasandako polizia-errepresioa salatu dute Alconzako langileek
Berangoko (Bizkaia) Alconzako langileek 61 egun daramatzate greban, eta gaur prentsaurrekoa eman dute, azken aste honetan pairatu duten polizia-errepresioa salatzeko.
Irizar taldearen Alconza lantegitik 25 langile kaleratu ditu enpresaren zuzendaritzak azken asteotan, eta langileek greba mugagabearekin jarraitzen dute; gaur 61. greba eguna dute, eta aste honetan jasan duten polizia-errepresioa salatu dute prentsaurreko batean.
Errepresioa salatzeaz gain, kaleratutako langile guztiak lanpostura itzultzea exijitu diote zuzendaritzari; bestela, grebarekin jarraituko dutela gehitu dute: "Langileok ez dugu etsiko kaleratu dituzten lankideak berriro onartu arte", diote. Horrez gain, Alconzan lana eta egonkortasuna bermatuko duen plan industrial bat akordatzeko mahai gainean esertzea eskatu dute.
Azkenik, Irizar E-Mobility enpresan greban dauden langileei ere elkartasuna adierazi diete Alconzako langileek; izan ere, astelehen honetatik greba mugagabean daude Adunako (Gipuzkoa) Irizar E-Mobility lantegiko beharginak, hitzarmen berriaren negoziaketaren blokeo egoerarekin amaitzeko.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]