Auzi eta erronka ugari izango dituzte gogoetagai Amikuzeko Otsail Ostegunetan
Otsailaren 6an hasi eta 27ra bitarte, lau ekitaldi antolatu dituzte Donapaleun. Lehena herriko etxean iraganen da, eta ondokoak Bideak gunean.
Zabalik elkartearen eskutik 1997an abiatu zen ekimenak, bere moldeari atxikita eta euskara hutsean, edizio berria izango du 2025eko otsailean. "Euskara hegemonikoa den toki eta une bat sortzea da motibatzen gaituena", adierazi du Zabalik elkarteko kide Mattin Irigoienek Kazeta-n. Mintzagaiak, dena dela, ez dira hizkuntzari soilik loturik egongo, baizik eta "herritar gisara hunkitzen gaituzten auziak" izanen dira.
Programazioari hastapena emango dion hitzaldia izan da aurtengo Otsail Ostegunei izenburua eman diena: Palestinako egunerokotasun odoltsua. Hitzaldi formatuan, begirada historikoa eta geopolitikoan sakontzeko asmoz, bi zatitan planteatuko dute saioa: lehenik, 1917tik hona lurralde palestinarrek jasandako kolonizazio eta erasoaldiez mintzatuko dira, eta tartean lekukotasunak jasotzeko parada ukanen dute bertaratzen direnek; eta bigarrenik, 2023ko urriaren 7az geroztik Israelek abiaturiko ofentsiba hartuko dute ardatz, herri palestinarrari sostengua emateko lanean ari diren taldeetako kideen testigantzak jasota.
Otsailaren 13an, bestalde, agroekologiari eta lurraren defentsari loturiko gai bat hartuko dute mintzagai. Tokiko hazien berreskuratzearen erronka goiburua du hizketaldiak. Bi hizlari gonbidatuko dituzte: Niko Mendiboure, Hazia sareko kidea, eta ARGIArekin eta Bizi Baratzearekin Haziak liburua argitaratu duen Marc Badal. Bost bat multinazionalek munduko hazien gehiengo zabalaren jabetza haienganatu dute, ARGIAko erreportaje honetan kontatzen zen gisara, eta horrek duen eraginaz hausnartuko dute, baita Hazia sarearen helburu eta bilakaerari buruz ere.
Otsailaren 20an, berriz, Peio Berterretxe izanen da gonbidatua: Kabalkaden egiteko motibazioak hartuko dituzte aipagai, eta Berterretxek berriki argitaratutako master amaierako lana aurkeztuko du jendartean. ARGIAn eman genuen horren berri iazko urte amaieran. Berterretxek hainbat kabalkada, libertimendu edota gela-antzerki gidatu eta aztertu ditu azken urteotan.
Otsailaren 27an, azkenik, kezka iturri den beste gai bati helduko diote: Itsas korronteak eta klima aldaketa. Ozeanografian tesia egin berri duen Paul Moal Darrigadek emango ditu azalpenak. Donapaleuko ikerlari gazte horrek Mediterraneo itsasoko korronteen bilakaera eta horiek beste itsaso edo ozeanoetan dituzten eraginak aztertu ditu.
Memoria eta aldarrikapen eguna izan da larunbatean Amikuzeko hiriburuan. "Sekulan baino gehiago, gure izanetik aurkitu indarraz, bihar gu girena hazi", izan dira Zabalik elkarteko presidentearen hitzak, Nafarroa Bizirik eguneko ekitaldi ofizialean.
Larunbat honetan egun osoko egitaraua antolatu dute Zabalik elkarteak, Nabarraldek eta Hernani Errotzenek, gogorarazteko 1523an Nafarroako Erresumak Donapaleun ezarri zuela hiriburua eta bere egiturak mantendu zituela.
1523ko abuztuaren 18an, Henrike II.a Nafarroako erregeak Estatu Nagusiak deitu zituen Donapaleun. Gaztelaren eraso eta konkistaren ondoren, Nafarroa Behereko lurraldera mugaturik geratu zen erresumak bere egiturak bizirik mantentzeko azken saiakera izan zen hura. 500 urte... [+]
Berriki, Amikuzeko ikastolak 50 urte bete ditu [1971-2021]. Karia horretara, ikasle ohi batzuek gaur egungo eta atzoko erakasle, langile eta buraso batzuk elkarrizketatu dituzte haien garaiko testuingurua, gogoetak, eztabaidak, lorpenak eta huts egiteak kontatzeko. 23... [+]
Lorea Agirre Dorronsoro eta Idurre Eskisabel Larrañagak euskalgintza eta feminismoaren inguruan Donapaleun eskainitako hitzaldia duzue honakoa.
Hizkuntza eta generoa gurutzatzen diren leku hori aztertu dute. Emakume edo gizon izendatzearen balditzapen sozial eta... [+]
'Otsail Ostegunak' hitzaldi zikloaren baitan Michel Oronozek "Ezinezko egunsentia" bere liburu berria aurkeztu zuen Donapaleun eta hemen duzue Kanaldudek eginiko bideoa.
Otsailaren 6an Bidarraiko plaza hartu ostean, Donapaleun ospatuko da igande honetan Amikuzeko Libertimendua.
Kanpoan hazten diren hegaztiak hiltzea da Frantziako Gobernuak darabilen estrategia, hegazti gripeari aurre egiteko. Euskal Herriko Laborarien Batasunak (ELB) ohartarazi du estrategia hori antzua dela eta etxalde txikiek ez dituztela kudeaketa txarraren ondorioak pairatu behar... [+]
Etorkinen aldeko elkartasuna handia da Euskal Herrian. Donapaleun adibidez mazedoniar familia bat Herriko Etxearena den apartamendu batean bizi da. Baxe Nafarroan nola integratu diren azaldu diete Sinbad eta Albina senar-emazteek Kanalduderi, eta Elkartasuna Amikuzen... [+]
Amikuze eskualdeko ehun gaztek Amets Arzallusen eta Ibrahima Balderen Miñan (Susa, 2019) liburuaren irakurketa publikoa egingo dute Donapaleuko zineman larunbat goizean, 9:00etatik eguerdira arte. Migrazioaren inguruko kantaldi bat eta hitzaldi bat ere antolatu dituzte.
Kitzikatzank, Iruski eta Burgaintzi elkarteek antolaturik, usaiako libertimendu arrakastatsuak egin ziren Amikuzen. Luhuso-Makea-Lekorneko gazteek filmatu ikusgarriaren laburpen bat proposatzen dauku Martta Irigoien amikuztarrak.
Donapaleuko frantziskotarren etxeak garrantzia berezia du herritarrentzat, baina Euskal Herriko kulturgintzan eta herrigintzan ere esanguratsua da. Herriko etxeari saldu ziotenetik, ordea, erabat hustu dute, bertako jarduera guztiak kanporatuz eta ondarea ezabatuz. Esaterako,... [+]
2019ko apirilean sortu zuen Mutturfin proiektua Donamartiriko Guilhem Marrimpoey sukaldari gazteak. Herri batetik bestera mugitzen duen sukalde ibiltaria da Mutturfin, baina badu berezitasun bat: hurbileko ekoizleen produktuak dira nagusi bertan. “Aski gauza sinpleak... [+]
Luis Martinez Garate historialariaren hitzaldia Donapaleun urriaren 3an.
Nabarralde Fundazioak, Zabalik Elkarteak eta Hernani Errotzenek 1620, Nafarroako Lo(r)aldia programa antolatu zuten urriaren 3an Donapaleun. Urte hartan Nafarroako eta Frantziako erresumak bateratu... [+]
Alvaro Adot historia ikerlariaren hitzaldia Donapaleun urriaren 3an.
Nabarralde Fundazioak, Zabalik Elkarteak eta Hernani Errotzenek 1620, Nafarroako Lo(r)aldia programa antolatu zuten urriaren 3an Donapaleun. Urte hartan Nafarroako eta Frantziako erresumak bateratu zituen... [+]