Eudel EAEko udalen elkarteak ez ditu onartu Jaurlaritzak kultura, festa eta aisialdiko ekintzetarako proposatutako irizpide gehienak. Osasun berme handiagoak behar direla argudiatu du, eta Jaurlaritzak ezarritako irizpide gutxi batzuk bakarrik onartu ditu; horien artean, udalekuak bertan behera uztearena.
Bigarrenez egin die uko Eudelek Eusko Jaurlaritzaren irizpideei. Azkeneko batzarrean Eusko Jaurlaritzak ekainaren 1a proposatu zuen “Euskadiko uda kulturala” hasteko egun bezala. Orduan museoak, gune kulturalak, liburutegiak, irakurketa gelak, zineak eta ekintza kulturalak egiten hastea aurreikusi zuen. Horretarako Osasun sailak garatutako txosten bat aurkeztu zuen, ekintza horiek “segurtasuna eta osasuna zaintzen zuten baldintzetan” gauzatu zitezen. Irizpide komunak onartuz gero, erakunde bakoitzeko arduradunen esku utzi zuen erabakiak hartzea.
Eudelek osasun txosten sakonago bat eskatu zuen eta asteartean jaso zuen. Hala ere, nahikoa ez dela eta irizpide gehienak atzera bota ditu. Ostegunean egindako bileran ezezkoaren alde agertu ziren Eudel osatzen duten udalerrietako alkate gehienak: EH Bildukoek eta PSEkoek, guztira zazpi, eta EAJko batzuek ere irizpideen aurka egin zuten. Maila horretako erantzukizuna udalen esku ez dagoela argudiatu zuten.
Hala ere adostasuna lortu zuten eta zenbait neurri onartu zituzten. Hala nola, irailaren 15a bitarte antolatzen diren kultur ekintza guztietan 250 pertsonako muga jartzea, eserita eta gutxienez 1.000 metro karratuko leku batean antolatzea. Udalekuak ez egitea aho batez onartu zuten, eta liburutegiak eta auditoriumak izan ezik, gainontzeko udal azpiegitura guztiak itxita mantentzea. Dena den, berrikusteko aukera izatea onartu dute.
Horrez gain, udal teknikari batzuen artean lantalde bat eratzea ere onartu dute; horiek Eudeleko zuzendaritzarekin batu eta proposamenak egiteko. Oraindik ez dute datarik jarri lantaldea eratzeko edo bilerarako.
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.
Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.
Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.
Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.