Aurrekontuen gaineko akordioa sinatu dute lehen aldiz Jaurlaritzak eta EH Bilduk
Abenduaren 23ko bozketan abstenitu egingo da EH Bildu. Akordioa medio, 253 milioi euroko partida eskatuko duten zuzenketak egingo dira aurrekontuetan, eta koalizioak proposatutako sei neurri politikoetatik hiru onartu dira.
"Herritarren benetako beharrei" erantzungo dien akordioa da, Eusko Jaurlaritzak eta EH Bilduren hitzetan. Plazaratutako oharrean diotenez, "hainbat esparrutan akordio zabalak behar diren honetan", bi aldeek lan egin dute "euskal gizartean eragin positiboa izango duen akordio bat lortzeko". PSEko idazkari nagusi Eneko Anduezak "albiste ona" dela adierazi du; aitzitik, PPko Carlos Iturgaiz gogor mintzatu da akordioaren aurka.
2022ko ekitaldirako EAEko aurrekontuei dagokienean, hiru ataletan barnebildu daitezkeen konpromiso politikoak eta dozena erdi neurri ekonomiko jaso ditu akordioak.
Osakidetzara 30 milioi euro bideratuko dira, Lehen Mailako Arreta Estrategia ezarri eta, "hala badagokio, hobetzen jarraitzeko, antolaketan egin beharreko aldaketak egokituz irisgarritasuna eta aurrez aurreko kontsultak bermatzeko". Etxebizitzaren alorrean, "Estatu-araudiak aukera ematen duenean", alokairu pribatuaren prezioak kontrolatzeko sistema propioa jarriko du abian Jaurlaritzak, besteak beste; eta I+G+B alorrean %10 haziko da funtsa, 77 milioi euro gehiago. Bestetik, Larrialdi klimatikoari aurre egiteko neurrien artean, 2021eko azken hiruhilekoan tokiko erakundeentzako Jasangarritasun Energetikoaren Funtsa aktibatzeko 90 milioi euro bideratuko dira.
Lana eta enpleguaren, gazteriaren eta politika sozialaren eramukoak dira gainerako neurriak.
? Eusko Jaurlaritzarekin akordioa lortu dugu: EH Bildu abstenitu egingo da EAEko aurrekontuen bozketan.
253 milioi euroko neurriak itxi ditugu aurrekontu proiektua hobetzeko: osasuna, klima larrialdia, ongizate energetikoa, politika soziala, I+G+B eta gazteria. pic.twitter.com/Ycakzj0xbe
— EH Bildu (@ehbildu) December 1, 2021
Nafarroako Gobernuak asteazken honetan onartu du 2024ko Nafarroako Aurrekontu Orokorren aurreproiektua: 6.355 milioi euro. Horietatik 520 milioi finantza gastuetara bideratuko dira (%8,18). Orain arteko aurrekontu handienak dira.
EAJko ordezkari Alaitz Zabalak adierazi du oposizioak ez duela konfiantzarik bere zuzenketetan.
2023ko atarian, 2022ko zenbakiek protagonismo berezi bat hartzen dute; izan ere, urte aldaketarekin batera, beti saiatzen gara kontagailua zeroan jartzen. Errealitate likidoen aroan, zenbakiek ere gure aditasunetik desagertzen dira ―askotan izugarrizko abiaduraz―, eta... [+]
Eskutitza osatzen duten erakundeek kontzentrazioa egin dute Nafarroako Parlamentuaren aurrean, Aurrekontu hauei ez! Pobretzearen aurrean, erreforma fiskala lelopean.
Abenduaren 22an onartuko dituzte Nafarroako Gobernuko 2023ko aurrekontuak. Navarra Sumak izan ezik, gainerako alderdiek elkar zoriondu dute Legebiltzarrean erakutsitako adostasunagatik. Historiako aurrekonturik handienak izango dira Foru Erkidegoan: 5.749 milioi euro, 2022an... [+]