Espainiako Osasun Ministerioak eta autonomia erkidegoek martxoaren 22an egindako bileran erabaki dute txerto hau berriz ematen hastea eta 65 urte artera gehitzea jasoko dutenen adina (orain arte 55 urtera artekoei eman baitiete).
AstraZeneca txertoa jarri izan diete orain artean "beste osasun langileak" taldean sailkatu dituzten fisioterapeuta, podologo, hortz sendagile, logopeda eta abarri, baina "lehentasunezko" izendatutako lanbideei ere: poliziak, larrialdi sailetakoak, irakasleak... Orain arte 18-55 urte bitartekoei jarri diete, baina aurrerantzean ofizio hauetako 55-65 urte bitartekoei ere jartzeko atea zabaldu da.
Nafarroako Gobernuak iragarri du martxoaren 22an Espainiako Gobernuarekin adostutako erabakiak aldaketak ekarriko dituela adinaren araberako txertaketa antolatzerakoan: aurrera begira 55-65 urte arteko herritar orori AstraZeneca txertoa jartzea izan daiteke estrategia, eta aldiz, orain arte 80 urtez gorakoei jarri zaien Pfizer eta Moderna 70-80 urte artekoei jartzea aurreikusten du.
EITBk emandako berriaren arabea, Jaurlaritzak ere asteazkenean ekingo dio AstraZeneca txertoa berriz emateari: "beste osasun langileak" eta "lehenatasunezko" izendatutako taldeetako pertsonei.
Aurreko astean etenda egon da AstraZeneca txertoaren kanpaina, tronbo kasuak direla-eta. Hitzordua bertan behera geratu zitzaien pertsonei deituko diete lehenik, ematen hasteko.
Sendagaien Europako Agenziak martxoaren 18an ebatzi zuen AstraZenecaren txertoak bere ustez seguruak direla.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]