Arrazakeriaren aurkako nazioarteko eguna dela eta mobilizazioak egin dira Hego Euskal Herrian
Arrazakeriaren eta xenofobiaren aurkako nazioarteko egunaren harira, hainbat mobilizazio antolatu ziren Hego Euskal Herriko hiriburuetan. SOS Arrazakeria Bizkaiak etxebizitza eskubidea jarri zuen erdigunean Bilboko mobilizazioetan eta Donostian, paperik gabeko migranteen babesgabetasuna salatu zuten.
Igande honetan, milaka lagunek aldarrikapen antiarrazistak atera zituzten Hego Euskal Herriko hiriburuetako kaleetara. Bilbon egindako manifestazioan etxebizitza eskubidea jarri zuten erdigunean. SOS Arrazakeria Bizkaiak mila pertsona baino gehiago mobilizatu zituen, “Etxebizitza denontzat, arrazakeriak etxerik gabe uzten gaitu” lelopean.
Manifestazioa Mariaren Bihotza Plazatik hasi eta udaletxe parean amaitu zen. Amaierako ekitaldiko irakurketan, kale eta auzoetan azaldutako arrazakeriaren eta xenofobiaren biktimak pertsona arrazializatuak, etorkinak eta ijitoak direla gogorarazi zuten. “Edonork merezi dituen duintasun eta errespetua haiei ez zaizkie aitortzen eta, gainera, osasuna, hezkuntza edo bizilekua edukitzea bezalako oinarrizko eskubideak gauzatzeko aukera ere ukatzen diete”.
Hain zuzen ere, azken alderdi horretan jarri zuten fokua: “Etxebizitza giza duintasuna babesteko funtsezko zutabea da, batez ere familian eta komunitatean parte hartzeko nahiz gizarteratzeko prozesuetan horrek duen garrantziarengatik”.
Gainera, arrazakeria eta xenofobia ematen diren zenbait kasu salatu zituzten: etxe agentzien eta etxebizitzak alokatzen dituztenen jarrera arrazistak, udalek erroldan sartzeko jarritako zailtasunak, auzoetako jazarpen, oldarraldi eta eraso arrazistak, etxe espekulazioa eta alokairuaren prezioaren igoera eta kalean bizi direnak indarrez lekualdatzeko jokabidea besteak beste. "Abusuaren kontra eta bizitzak esplotatzearen aurka abiatu gara, bizilekua eskuratzeko prozesuetan inor ez baztertzeko eta arrazakeria ezabatzeko", azaldu zuten amaitzeko.
Salimos a la calle para denunciar el racismo en la vivienda.
"El racismo me deja sin techo / EtxeBIZITZA denontzat."
Gaur, etxebixitzan ematen den arrazakeria salatzeko kalera irten gara. Hona hemen gure manifestua.
"El racismo me deja sin techo / EtxeBIZITZA denontzat." pic.twitter.com/F6jAFMVKSa
— SOS Racismo Bizkaia (@sosracismobiz) March 21, 2021
Beste hiriburuetako mobilizazioak
Donostian ordea, Zure papera garrantzitsua da lelopean,Trintxerpetik Bulebarreraino arrazakeriaren aurkako martxa antolatu zuten. “Paperik gabeko pertsona migranteek egunez egun pairatzen duten babesgabetasuna” salatu zuten SOS Arrazakeria elkarteak, eta martxari babesa adierazitako 68 gizarte eragilek. "Batere eskubiderik ez izatearen eguneroko infernua" bizi dutela eta pandemiaren ondorioz egoerak okerrera egin duela gogorarazi zuten. Halaber, etorkinak eskubideak dituztela eta paperik ez edukitzea delitua ez dela azpimarratu zuten "inor ez da ilegala" leloarekin.
Iruñean egindako manifestazioan, "polizia kontrol arrazisten gorakada, justifikaziorik gabeko atxilotzeak eta atzerritarren brigadaren aurrean egindako zitazio tranpak" salatu zituzten. "Gertakari horiek ez dira salbuespenezkoak, biztanleria migratzailea eta arrazializatua kontrolatzeko eta kriminalizatzeko estrategia baten parte dira" adierazi zuten. Halaber, "migrazio eta asilo politikak arrazakeria instituzionalaren adibide" direla salatu zuten, eta "mugen kontrolean, itxieran eta kanporatzean" zentratuta daudela.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
%37 genero- eta sexu-diskriminazio kasuekin loturik egon ziren, eta aporofobia %33 hazi zen. Gorroto-delituen intzidentzia tasarik altuena Nafarroan identifikatu zuten iaz.
Hainbat talde "neonazik" azkenaldian Irunen zabaltzen ari dituzten mezuak salatu dituzte asteazkenean Harrera Sareak eta hainbat kolektibok herrian. Eskuin muturreko "auzo patruilak" antolatzen ari direla salatu dute, eta hauek jendearen jatorriaren arabera... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Gasteizko hainbat auzotan ezarri dituzten “Moros fuera de España” kartel eta pegatinak ikertzen ari da Ertzaintza. Irun, Hernani, Barakaldo… Ez dira kasu isolatuak, eta “etorkinen kontura jarraitzaileak irabazi nahi dituen ideologia” ikusten du... [+]
Agharas migratzaile imazighen elkartearen txosnan pertsona batek hainbat irain arrazista egin zituen. Erasoa salatzeko elkarretaratzea egin dute igandean Barakaldon.
Artziniegako Udalak mezua zabaldu du gertatutakoa gaitzesteko eta elkartasuna adierazteko irainak jaso dituzten herritarrei.
Lintxamenduen ostean immigrazioaren aurka izan den lehen mobilizazio-saiakerak ez du jarraitzaile gehiegi erakarri, baina izu arrazistak hartu du herria.
Jazarpen arrazistak eztanda egin du Espainiako Torre Pacheco herrian, Euskal Herrian ere ezagun zaizkigun diskurtsoak hauspotuta: immigrazioa lotzea delinkuentziaren, sexu-erasoen eta segurtasun faltaren gorakadari. Baina datuek frogatzen dute gezurra direla gorroto diskurtso... [+]
Twerk klasean gertatu zen, Bilbon. Merkataritza-gune batean dago dantza eskola, eta gortinek ez dituzte kristalak erabat tapatzen. Emakumezko lau ikasleok eta irakasleak luzaketak egiten geundela, gure short labur eta top-ak jantzita, bi mutiko hasi zitzaizkigun kristalaren... [+]
