Armak erabiltzeko baimena eskatu diote udaltzainek Arrasateko udal gobernuari
Legearen arabera udaltzainek armak erabili ditzakete, baina horretarako tokian tokiko udal gobernuen oniritzia behar dute. Hala, 2018ko urtarrilean egin du eskari ofiziala udaltzainen zuzendaritzak, eta alderdiek eta sindikatuek horren inguruan hausnartzeko sei hilabeteko tartea ezarri dute alkate-ebazpen bidez. Erabakia hartzeko, azken bost urtetako kriminaltasunari buruzko txostena eskatu du alkateak.
aurre egingo dieten hedabide independenteak
Ez da berria Arrasateko udaltzainen zuzendaritzaren eskaera hau. Azken urteetan, modu ez ofizialean, hainbat aldiz jarri dute gaia mahai gainean, eta azkenaldiko gertakari kopuruaren harira, lehen aldiz egin dute eskaera ofiziala 2018ko urtarrilean. Bertan, erabakia "ahalik eta azkarren" hartzea eskatzen diete politikariei, "gure segurtasunerako eta herritarren segurtasunerako".
Udaltzainen eskaera ofizialaren harira, Maria Ubarretxenak alkate ebazpen bat egin zuen otsailaren 2an, eta asteartean eman dute horren berri komunikabideetan. Ebazpenean aipatzen denez, "badirudi udaltzain guztiak ez daudela eskaerarekin ados", eta hori ikusirik, azken bost urteetako Arrasateko kriminaltasunaren eboluzioari buruzko txostena egitea eskatu du, alderdi politikoek eta sindikatuek gaiaren inguruan erabaki bat hartu dezaten. Udaltzaingoak sei hilabeteko epea izango du txosten hori egiteko, eta behin epe hori amaituta, Udaleko pertsonal batzordean hartuko litzateke armen erabileraren inguruko erabakia.
Alderdi guztien babesik lortzen ez badu eskariak ez du aurrera egingo, Arrasateko udal gobernuak adierazi duenez
Duela gutxi, Erne sindikatutik ere oharra helarazi dute komunikabidetara, Arrasateko politikariei gaiaren inguruan erabaki bat hartzeko eskatuz. Baina, Arrasateko udaltzainen ordezkaritza sindikala ez dagokio Erne-ri, Udaleko enpresa batzordeari baizik.
Udaltzainen zuzendaritzak bezala, enpresa batzordeak bat egiten du agenteen artean segurtasun falta dagoela adierazteko orduan. Baina euren ustez, konponbidea ez da armen erabilera, giza baliabide gehiago jartzea baizik. Batez ere, gaueko txandan. Hala adierazi zuten Etxaluzen zauritutako udaltzainari elkartasuna adierazteko kaleratutako oharrean.
Armak erabiltzeko prozesua
Alkate ebazpenean jasotzen denez, armak erabiltzeko oniritzi politikoa jasoz gero, udaltzainek azterketa bat gainditu beharko lukete Arkauten. Horrez gain, urtean bi aldiz tiro galeriara joan beharko lukete.
Pilota politikarien teilatuan
Aurrez esan bezala, politikarien oniritzia beharrezkoa da, nahiz eta legeak armen erabilera onartzen duen. Zinegotzien gehiengo sinplea nahikoa izango litzateke horretarako, baina Udal gobernuak aurrez esana du Udaleko alderdi guztien babes gabe ez duela erabakirik hartuko. Alkate ebazpeneko hirugarren puntuan, alkateak erreferentzia egiten dio kontsentsu horri: "Bideratze honekin lortu nahi da pertsonal batzordean gaia aztertzea, eta sindikatu eta gainontzeko alderdi politikoen adostasuna lortzea, gaiaren garrantzia ikusita ahalik eta kontsentsu zabalena izatea ezinbestekotzat jotzen baita".
Kontsentsu osoa lortzea ez da erraza izango, jada armen erabileraren aurkako iritziak agertu direlako. Publikoki bere iritzia adierazi duen lehen alderdia EH Bildu izan da. Zera adierazi dute euren Twitter kontuan Erne sindikatuak aterako oharraren harira: "Ez dugu bat egiten Ernerekin. Argudioz eta arrazoiz defendatuko dugu Udalean gure iritzia".
Albiste hau Xabi Gorostidik argitaratu du Goienan eta CC-by-sa lizentziari esker ekarri dugu ARGIAra.
Eusko Jaurlaritzako Segurtasun Sailaren arabera, hainbat pertsonen arteko borroka bat zela eta bertaratu dira larunbat gauean ertzainak Ordiziara (Gipuzkoa), eta liskarrak izan dira. Bi ertzain ospitaleratu dituzte: bat lepauztaia apurtuta eta masailean ukabilkada bat jasota;... [+]
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
Nafarroako Barne Sailak araudia aldatu du Foruzaingoak taser pistolak erabiltzen hasteko hurrengo urtean. Pistola elektrikoen erabilera poliziek daramatzaten kamerek kontrolatuko dute.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Xabier Lertxundi alkateak adierazi du istiluak leku eta ordu ezberdinetan gertatu direla, eta haien artean ea loturarik dagoen ikertzen ari dira. Udaltzaingoak laguntza eskatu dio Ertzaintzari 03:30 aldera, eta haiek oldartzean hainbat lagun zauritu dituzte. Segurtasun Sailak... [+]
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
Erasoa Bilboko kale horretako ile apaindegi batean egin zuten maiatzean. Erasoa grabatua izan zen eta auzokideek salatu zuten.
Emaitza positiboa eman zuen iragan abuztuan egindako testak, baina Polizia Zientifikoaren laborategira bidali baino lehen Ondarroako komisariatik desagertu zen frogen poltsa.
Guillermo Garcia eta Ioseba Pagola “giza eskubideen urraketen biktima” izan zirela aitortu du gobernuak. Egiaren Garaia Da plataformak “positiboki” baloratu ditu beste bi aitortza hauek.
Beste 20 pertsonarekin batera, Guardia Zibilaren esku zegoenean pairatu zituen torturak aitortu dizkio Nafarroako Gobernuak. Urrats honetara heltzeko Torturatuen Saretik egindako lan kolektiboa azpimarratu du Euskalerria Irratian. Ziklo baten itxieratzat hartu du aitortza... [+]