Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki, baina ez guztiz. Irmo, baina ez irmoegi. Zuzen, baina ez zuzenegi. Haserretzen dena haserretu dadila lau mila karaktereak irakurri ostean behintzat. Ironia ere bere puntuan. Arma, tiro, pun.
Eta badakit argi, zehatz, soil, polit, elegante eta egoki idatzi arren, batek baino gehiagok esango duela kontatzera noan hau neurrigabeko wokismoaren albo-kaltea baino ez dela, mozteko buru bila dabiltzan Robespierre postmodernoen odol-gosea. Bakean dagoena bakean utzi eta kontatu zure arazoak burkoari, edo horrelako zerbait. Beste batzuk hori bera pentsatuagatik ez dute ezer esango.
Ez dut ulertzen eta ez dut partekatzen.
Haserretik eta beldurretik kontzientzia sortu, kontzientzia politiko bat. Eta helburu bat finkatu. Hori egiteko bidea? Asanblada. Gasteizko Letren Fakultatean egin dute, Leioan ere ari dira.
Logela askotako burko askok istorio asko entzun dituzte jada. Nik ez dakit ezer noski, baina imaginatzen dut urteotan egon direla Gasteizko Letren Fakultateko irakasle baten ingurukoak entzun dituzten zenbait burko. Bulego antzu batean birjina ote zaren galdetzen dizun zurrumurru bat, Nabokov-en Lolita irakurri bitartean eskua hankartean izan dezazula dioen beste bat. Begirada inozoak eta irribarre salatariak, baina hemen ez da ezer gertatu.
Leioa aldean ere egongo dira Zientzia Fakultateko irakasle baten ingurukoak entzun dituzten burkoak. Tutoretza bat eskatu eta zita erromantiko bat eskaintzen dizunetakoa omen da hori, fisika eta fisikoa nahasten dituen sinpatiko bat askoren ustez. Begirada inozo eta irribarre salatari gehiago, baina hemen ere ez da ezer gertatu.
Eta erdian gu, hogei urte inguruko emakume gazteak, ikasleak, berrogeita hamar zentimetroko altueran dagoen ikasgelako eszenatoki txikiak zehazten duen botere harreman baten mende, jasaten ditugunak burkoari kontatuz. Baina arazoa da burko batek ez duela erantzuten, ez duela arakatzen eta ez duela problematizatzen. XX. mendeko literaturaz mintzo zaizun horrek gerria ukitzen dizun aldiro beldurra sentituko duzu, ezinegona, amorrua akaso. Ezer gutxi lor daiteke ordea sentimentalera mugatuz gero, abiapuntu bat baden arren.
Nola baliatu sentiarazten digutena? Erantzuna ez da horren konplikatua, borondate politikoaren faltan gauzatzea bereziki zaila izan badaiteke ere. Sentimenduak arrazionalizatu beharra dago, gertatu zaizun hori kasu isolatu batetik haratago doan zerbait dela argi izan, marko teoriko batekin lotu, partekatu. Haserretik eta beldurretik kontzientzia sortu, kontzientzia politiko bat. Eta helburu bat finkatu. Hori egiteko bidea? Asanblada.
Gasteizko Letren Fakultatean egin dute, Leioan ere ari dira.
Eta noski, agertu dira irakasle horiek defendatzen dituzten beste irakasle batzuk, eta ikasleren bat ere bai. Bla, bla, bla. Ezagutzen dut eta ez luke inoiz horrelakorik egingo. Bla, bla, bla. Gauzak bere lekutik ateratzen ari zarete. Bla, bla, bla. Hau onartezina da. Esperientziak erakutsi digu EHUk horrelako kasuen kudeaketa ez daramala bereziki ondo.
Baina tira. Euria ari du eta hasi dira zizareak lurpetik irtetzen. Guk, hogei urte inguruko emakume gazteok, ikasleok, hartu ditugu katiuska horiak eta hasi gara lokatzetan saltoka. Belaunetaraino zikinduko gara agian, baina gure plastikozko zoletan bukatuko dute zizareek, zimu-zimur eginda.
Eta orduan bai, orduan baga, biga, higa, arma, tiro, pun, txispun.
Bizkaiko Lurralde Auzitegiak hamahiru urte eta sei hilabeteko kartzela zigorra ezarri ostean, zigorra berretsi du EAEko Auzitegi Nagusiak. Lópezek helegitea aurkeztu zuen sententziaren aurka, haren errugabetasun presuntzioa eta defentsarako eskubidea urratu zirela... [+]
Salatu dute 69 urteko gizonak hogei urtean egin zituela erasoak. Donostian bi gizon atxilotu dituzte, adingabe bat bortxatzea leporatuta; beste bi gizon ere ikertzen ari dira, talde bortxaketako parte izan daitezkeelakoan. Salaketa jarri duen adingabea Gipuzkoako gizarte... [+]
2023ko abenduan notizietara salto egin zuen Gernika-Lumok: bertako saskibaloi entrenatzailearen kontrako salaketa bat zegoen sexu eraso jarraituak egitearren. Sare Feministaren izenean, zurrunbilo mediatikoan murgildu zen Apraiz.
Gipuzkoako auzitegi baten arabera 2016 eta 2018 urteen artean bost aldiz bortxatu eta beste hainbat sexu eraso zein tratu txar egin zizkion, neskak 12-14 urte zituenean. Gizonari hamasei urte eta hiru hilabeteko kartzela zigorra eta kalte ordainetan 50.107 euro ordaindu beharra... [+]
Hemezortzi hilabeteko kartzela zigorra ezarri dio epaitegiak, baina ez du zigorra bete beharko. Azken hamarkadan, dozenatik gora emakumek salatu dute aktore frantziarraren sexu erasoen biktima izan direla. 2021ean Les volets verts filmaren grabaketan eraso ziela salatu zuten bi... [+]
Epaiak dio 2001ean Sorzabalek egindako autoinkulpazioa "tratu txarren ondorioa" izan zela, eta beraz, "baliogabea" dela. 1995ean Irunen lehergailu bat jarri izanagatik atxilotu zuten 2001ean, eta bost egunez inkomunikatuta atxiki zuten, gogorki torturatuz.
Alain Esquerrek idatziriko Le silence de Bétharram (Betharramgo isiltasuna) liburuan eman du lekukotza Helene Perlantek, François Bayrouren alabak. 1980ko hamarkadan egon zen ikastetxe katolikoan ikasle eta berrogei urte luzeetan isilik atxiki ditu bertan jasandako... [+]
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
Hamaika eraso Uztaritzeko (Lapurdi) San Frantses Xabierko ikastetxe katolikoan gertatu ziren, beste biak Domintxaineko (Zuberoa) ikastetxe katolikoan eta Angeluko (Lapurdi) San Josepe ikastetxe publikoan. Uztaritzeko ikastetxean ikasitako bost gizonek beren testigantzak eman... [+]
Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]
11 adin txikikori sexu erasoak egiteagatik 85 urteko kartzela zigorra galdegin du Gipuzkoako fiskaltzak. Astelehenean hasi da epaiketa eta gutxienez martxoaren 21era arte luzatuko da.
Elizak 23 kasu ditu onarturik Nafarroa Garaian. Haiek "ekonomikoki, psikologikoki eta espiritualki laguntzeko" konpromisoa adierazi du Iruñeko artzapezpikuak.
15 urteko emakume bati egin dio eraso Izarra klubean jarduten zuen pilota entrenatzaile batek.
Lestelle-Betharramgo (Biarno) ikastetxe katolikoko indarkeria eta bortxaketa kasuen salaketek beste ikastetxe katoliko batzuen gainean jarri du fokua. Ipar Euskal Herriari dagokionez, Uztaritzeko San Frantses Xabier kolegioan pairaturiko indarkeria kasuak azaleratu dira... [+]
Neska adingabeari sexu abusuak era jarraituan egin zizkiola frogatutzat jo du Bizkaiko Lurralde Auzitegiak.