Emakumeak borrokan

Argilan-Esk plataformak borondate politiko falta jo du pobreziarekin amaitzea eragozten duen arrazoi nagusitzat

  • Diru sarrerak bermatu eta jendarte inklusiorako EAJ eta PSEk aurkezturiko Lege Proposamenak ez duela ez pobreziarekin, ez bazterketarekin, ezta Lanbideren tratu txarrekin amaituko adierazi dute plataformako kideek.

ARGIA @argia
2018ko maiatzaren 17a

Iragan apirilaren 27an aurkeztu zuten EAJ eta PSEek diru sarrerak bermatu eta jendarte inklusiorako Lege Proposamena. Argilan-Esk plataformak asteazkenean eman duen prentsaurrekoan adierazi duenez, proposamenak ez dio erantzuten urteetan zehar eskatu duten Diru-sarrerak Bermatzeko Errentaren errotiko erreformari, eta horrek DsBEaren gabeziek bere horretan jarraitzea ekarriko duela salatu dute. Are gehiago, plataformako kideen arabera, Lege Proposamenak pobrezia gehiago ekarriko du.

Etxebizitza bakoitzeko bizikidetza unitate bakarra onartzea, DsBEren murrizketak, DsBEa Lanbideen Arteko Gutxieneko Soldatatik (LaGS) behin betiko bereiztea, eta pertsona jasotzaileei Lanbidek ezartzen dizkien kontrola eta jazarpena mantendu eta areagotzeak gabezia moduan identifikatu dituzten pobrezia, bazterketa eta Lanbideren tratu txarrak areagotu egingo direla azaldu dute.  Lege Proposamenak zenbait bizikidetza unitateri (hiru pertsona baino gehiagokoak edo gurasobakarrak direnei) onurak ekarriko dizkion arren, honek ez du eragotziko askoz gehiago izatea kaltetuta aterako direnen kopurua.

Lege Proposamenak jendartearen beharrizanei erantzuten ez diela eta gabeziak bere horretan dirautela kontutan hartuta, Argilan-Esk plataformak pobreziarekin amaitzeko egin beharreko zenbait aldaketa zerrendatu ditu: DsBE eta Etxebizitzarako Prestazio Osagarria jaso ahal izateko erroldatuta egon beharreko denboraldia urte batera jaistea, elkarrekin bizi diren pertsona guztien biziraupenaren beharrak bermatuz DsBE eta EPO jasotzeko eskubidearen indibidualizazioan urratsak ematea, edota huts burokratiko txikiak egin dituztenak prestazioen galerekin zigortzeari uztea, besteak beste.

Mobilizatzera deia

Plataformak jakinarazi du datorren ekainaren 5ean DsBEren gaineko asanblada informatiboa egingo dutela Bilboko La Bolsa eraikinean, eta bertatik jendartea gonbidatuko dute murrizketen aurrean mobilizatzera.

Adierazi dute, baita ere, Euskal Herriko Eskubide Sozialen Kartak bultzatuta “eskubide sozialen aldeko” sinadura bilketa bati ekingo diotela laster. Ekimenak “bere mugak dituela” jakin arren interesgarritzat jo dute berau babestea, Eusko Legebiltzarrean onartua izanez gero Euskal Herriko jendartearentzako aurrerapauso handia litzatekeela baiteritzote.

“Jendarte bezala pobreziarekin amaitzeko eskubide eta aukera dugu eta Eusko Legebiltzarra posible egiteko betekizuna, egungo DsBE/EPO/GLL legeen erreformari ekinez, aditzera ematen ari garen hobekuntzak onartuz; exijitu ditzagun kaleetan”, mobilizatzeko gonbidapena luzatu diote jendarteari.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: DSBE  |  EAE

DSBE kanaletik interesatuko zaizu...
2019-04-09 | ARGIA
Marvel Kapitaina eta SuperGirl, Lanbideren ateetan gaizkia borrokatzen

Indarkeria matxista pairatu duten emakumeei dagozkien diru-laguntzen aurrean, Lanbidek ezartzen dituen trabak eta murrizketak salatu dituzte Barakaldoko Beurko auzoko Lanbideren bulegoan.


2019-03-14 | ARGIA
Lanbidek indarkeria matxista jasan duen emakume bati languntzak ukatu izana salatu dute Barakaldon

Aipatu kasua kasu isolatua izatetik urruti dagoela azpimarratu dute, eta Lanbidek indarkeria matxista pairatu duten emakumeekiko duen jarrera okerra salatu.


2019-02-14 | Hamaika Telebista
Komunean, pobreziaren eta murrizketen kontra

Elkarretaratzea egin dute Eusko Jaurlaritzaren Bilboko delegaritzaren aurrean pobrezia eta murrizketen aurka. Gaur goizean aurkeztu da diru-sarrera bermatzeko errentaren proiektua bozketara.


Pobreziari aurre egiteko eztabaidari EAJ-PSE-PPk atea itxi izana salatu dute kalean

Pobreziari eta bazterketa sozialari aurre egiteko 51.000 herritarrek sinaturiko proposamena atzera bota zuten EAJ, PSE eta PPk joan den astean, Eusko Legebiltzarrean. Bizitza duina aldarrikatuz eta eztabaida publikoari aterik ez ixteko eskatuz, manifestazioa egin dute Bilbon.


2019-01-27 | Z. Oleaga
Pobreziaren Aurkako eta Diru Sarrerak Bermatzeko Errentaren Aldeko Herri Ekimen Legegilea
Pobrezia bukatzea Eusko Legebiltzarraren esku

“Ikusten genuen hazkunde ekonomikoko fase batean egonik ere pobrezia eta bazterketa gora doazela”, dio Eskubide Sozialen Kartako kide Bea Martxuetak. Honen aurrean, 2018ko martxoan abiatu zuten Babes Sozialeko Sistema Publiko eta Kalitatezko Baten Aldeko Herri Ekimen Legegilea (HEL) Gasteizko legebiltzarrean, eta urrian hura babesten duten 51.000 herritarren sinadurak aurkeztu zituen Kartak. Talde politikoek proposamena otsailean eztabaidatu eta bozkatuko dutela aurreikusten da... [+]


2018-11-21 | ARGIA
Lanbidek emakumeekiko daukan jarrera salatzeko elkarretaratzea egin dute Bilbon

Eusko Jaurlaritzaren Bilboko ordezkaritza aurrean batu dira hainbat hiritar, “Gure prekarietatea, haien negozioa” lemapean. Bereziki indarkeria matxista pairatu duten emakumeak kaltetuz, Lanbidek darabiltzan praktika okerrak eta murrizketak izan dituzte jo puntu.


2018-10-03 | ARGIA
Lanbidek DSBE eta EPO laguntzak kendu dizkio NANa galdu zuen emakume bati

Pasaportea, poliziaren ziurtagiria eta NANaren kopia aurkeztuta ere, Lanbidek ez zizkion paperak onartu. Bazterketa sozial egoera larrian den emakumea diru-laguntza barik uzteko erabakia berrikusteko eskatu dio Arartekoak Euskal Enplegu Zerbitzuari.


2018-08-29 | ARGIA
Beheranzko joerari eusten dio Diru-Sarrerak Bermatzeko Errenta jasotzen dutenen kopuruak

2015ean jo zuen goia EAEn Diru-Sarrerak Bermatzeko Errenta jasotzen dutenen kopuruak (66.373 lagunek behar zuten orduan). Ordutik, beherantz egin du kopuru horrek eta uztailean ere hala izan da: 57.377 izan dira DSBE jaso duten pertsonak, 2012 urteko kopurua berdinduz.


2018-03-15 | Estitxu Eizagirre
Euskal Herriko pobreenak 65 urtez gorako emakumeak dira

1.080 eurokoa izatea gutxieneko pentsioa. Zenbaki horretan jarria du duintasunaren marra Pentsionistak Martxan plataformak. Eta larunbat honetarako manifestazio masiboak espero dira. Marra horretatik urrunen emakumeak daude, EAEko pentsioen arrakala Espainiako handienetakoa baita. Hara zer dioten datuek:


Azkenak
EGILEA
Eguneraketa berriak daude