60.000 pobre eta bazterturen erreskatea
Bizitzeko Gutxieneko Diru-sarrera onartu du Espainiako Gobernuak, EAEn eta Nafarroan lehendik ere daude DSBE eta Errenta Bermatua zeuden. Hala ere, milaka dir halako errentarik gabe geratuko direnak, desberdintasun sozialak maila asko baititu: generoan, nazionalitatean, enpleguan, soldatetan… eta gizarte-prestazioetan ere bai.
Espainiako Gobernuak Bizitzeko Gutxieneko Diru-sarrera (BGDS) onartu du eta 2,5 milioi pertsona bizi diren 850.000 etxetan jasoko dute laguntza. BGDSk Espainiako Estatu osoari eragingo dio, baita Hego Euskal Herriko lurraldeei ere, non jadanik Diru-sarrerak Bermatzeko Errenta (DSBE) eta Errenta Bermatua baitaude. EAEn, pertsona bakarrarentzako DSBEa 693,7 eurokoa da, eta Nafarroan 623,23koa. BGDS 462 eurokoa izango da pertsona bakar batentzat. Hego Euskal Herrian, lehendik beste errenta horiek jasotzen dituztenek –80.000 pertsona inguru– orain arte bezala kobratzen jarraituko dute. Horrela, EAEko eta Nafarroako gobernuek milioika euro aurreztuko dituzte, BGDSren errentaren eta ordaintzen ari zirenaren arteko aldea bakarrik ordaindu beharko bailukete.
Lakuaren Pobrezia eta Desberdintasunei buruzko Inkestaren arabera, ordea, milaka pertsona dira DSBE edo antzeko errentaren bat jasotzen ez dutenak –EAEn 60.000 lagun–. Ondorioz, ezer baino lehen, administrazioek formulak bilatu beharko lituzkete behartsuen eta sozialki baztertuak daudenen multzo horrek errenta-motaren bat jaso ahal izan dezan; errenta hori BGDSk ahalbidetzen dien aurrezkiarekin finantzatu ahal izango litzateke.
Era berean, ez da ahaztu behar DSBEak handiagoa izan beharko lukeela 2008ko Legea bete izan balitz, baina gaur egunera arte %26ko murrizketak izan ditu. Murrizketa horiek orekatzeko ere erabili ditzake administrazioak BGDSaren aurrezkiak, betiere aldez aurretik lortzen badu sozialki baztertuta dauden behartsu horiei errentaren bat bermatzea.
Desberdintasun sozialak maila asko ditu: generoan, nazionalitatean, enpleguan, soldatetan… eta gizarte-prestazioetan ere bai. Sistema kapitalistak sortu du eta, zuzenketa kosmetikoak eginda, mantentzea interesatzen zaio.
ESK sindikatuaren Argilan plataformak, Berri Otxoak plataformak eta Euskal Herriko Etxebizitza Sindikatu Sozialistak helegitea jarriko diote DSBEaren araudi berriari, prestaziorako sarbidea mugatu eta "eskubide gehiago murriztuko" dituelako euren esanetan.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]
Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]
Diru Sarrerak Bermatzeko Errenta kobratzen hasi aurretik ere, prestazioa eskatu duen jendearen etxeak arakatzen ari da Ertzaintza: “Prebentzioaren izenean, egunero-egunero ari dira etxeetan sartzen; astakeria da eta jendea beldur da, modu oldarkorrean ari direlako,... [+]