ARGIAren adierazpena, Pikara Magazine eta Faktoria Lilak pairatutako eraso faxisten aurrean

  • Denbora laburrean bigarren aldiz pairatu du eraso faxista Pikara Magazine aldizkariak. Urriaren 28an nola, azaroaren 13an ere aldizkariaren egoitzan pintaketa sexista eta faxistak egin dituzte.


2019ko azaroaren 14an - 09:24

Pikararen egoitzaz gain, aldizkari horretako kolaboratzaile Irantzu Varela kazetariak koordinatzen duen Faktoria Lilaren egoitzari ere eraso egin diote berriz; Varelak jasaten duen enegarren erasoa da honakoa, pintaketez gain telefono bidez ere jazarpenak pairatzen baititu etengabe. 

Feminismoaren esparruan egiten duten lanagatik dira ezagun Pikara Magazine zein Irantzu Varela, eta pintaketek ulertzera ematen dutenez, nabarmen da izaera feminista dela eraso faxisten motibazio: “Indarkeriak ez du generorik”, VOX alderdiak sarri errepikatutako esaldia pintatu dute aldizkariaren egoitzan; eta zakil bat 52 zenbakiaren ondoan —aipatu alderdi neonaziak Espainiako hauteskundeetan lortutako ordezkari kopuruari erreferentzia eginez— Faktoria Lilaren egoitzan.

“Eraso hau prentsa-askatasuna eta adierazpen-askatasunari mehatxu zuzena da”, adierazi du hedabide feministak. Hala dela berresten du ARGIAk ere, eta horregatik beharrezkoa iruditu zaigu ondokoak adieraztea:

  • Adierazpen eta informazio askatasuna eskubideak dira, eta irmoki defendatuko ditugu urratzen dituen ezein jazarpenen aurrean. Eskubideon kontrako eraso oro salatzen dugu.
  • Mugimendu feminista osoaren aurkako erasoa dela ulertzen dugu, jendarte berdinzale baten aurkakotasuna adierazten duena. Faxismoaren aurrean, jendarte berdinzalea eraikitzera bidean ezinbestekoak diren pentsamolde eta proiektu informatiboei ahotsa eta hauspo ematen jarraituko dugu.
  • ARGIA egiten dugun guztion partetik babes osoa helarazten diegu erasook pairatu dituzten Pikara Magazine eta Faktoria Lilari.

Kanal honetatik interesatuko zaizu: ARGIA
Harpidetzen joan-etorria

Espainiako Estatuan hedabide digitalak edota prentsa kontsumitzen dituen herritarren %66k ez du ezer ordaintzen horregatik. Orain apur bat gehiago hasi dira ordaintzen digitalak, baina ezer gutxi, %13k ordaintzen baitzuen zerbait 2022an (Digital News Report España 2023... [+]


Eguneraketa berriak daude