'Argala' hil zutela 40 urtera, oroimen ekitaldia egin dute Arrigorriagan

  • Jose Miguel Beñaran Argala ETAko buruzagi historikoa, bere autoaren azpian jarritako lehergailu batez hil zuen Batallon Vasco Español erakunde parapolizialak.

I˝igo Igartua @igartua19
2018ko abenduaren 26a
Arrigorriagako oroimen ekitaldia. Argazkia: @Mikel_Gorri

Argalaren heriotzaren 40.urteurreneko oroimen ekitaldia antolatu zuen Sortuk Arrigorriagan pasa den igandean. Ehunka lagun bildu ziren, “Ezin izan zena, izango da” lemapean.

EAJ, PSOE eta PP alderdi politikoei, Euskal Herriko “indarkeria eta sufrimenduaren erantzukizunaren dagokien zatia beren gain hartzeko” eskatu zien, Arkaitz Rodriguez Sortuko idazkari nagusiak.

“Gertakarien inguruko gure ikuspegia inori inposatzeko asmorik ez dugun era berean, guk zer esan, pentsatu eta sentitu behar dugun inork esaterik ez dugu onartuko”, gaineratu zuen Rodriguezek.

Alderdi independentistako kideak Euskal Herriko eta Kataluniako burujabetza prozesuekin bat egiteko deia luzatu zien Espainiako alderdi politiko ezkertiarrei, “Espainiako Estatua demokratizatu eta eredu sozial justu bat eraikitzeko aukera bakarra” dela azpimarratuz.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Oroimen historikoa  |  Arrigorriaga

Oroimen historikoa kanaletik interesatuko zaizu...
Azkenak
EGILEA
Eguneraketa berriak daude