Altsasuko gazteen alde apirilaren 14an deitutako manifestazioa berotzeko laguntza eskatu dute

  • Altsasuko Gurasoek eta Altsasukoak Aske taldeek apirilaren 14an 17:30ean Iruñeko Golem zinema-aretoetatik abiatuko den manifestazioko kartela aurkeztu dute. "Ziur gaude manifestazio horrek injustizia salatzeko eta askatasuna eta eskubide demokratikoen alde aldarrikatzeko inflexio-puntua ezarriko duela", adierazi dute.

ARGIA @argia
2018ko martxoaren 06a

Altsasukoak Aske Plataformak eta Altsasu Gurasoak taldea osatzen duten familiek gonbidapena luzatu dute apirilaren 14an egingo den manifestazioaren aldeko ekintzak antolatzeko Euskal Herrian.

"Gauzatu ahal izango den toki guztietan eta horretarako prest dauden pertsona guztiendako da deialdia. Gure proposamena irekia da eta tokian tokiko ideietara egokitu daiteke: elkarretarazteak direla edo herri-bazkariak, auto-ilarak, kontzertuak edo pankartak… beti ere, manifestazioaren deialdian aldarrikatu bezala, aniztasunetik eta herritarrok biltzeko asmoz", adierazi dute. 

Martxoaren 16, 17 astebururako "Ez da posible! ¡No es posible! It's not possible!" lelopean gauzatu nahi dute babes ekimenez beteriko asteburua.

"Azpimarratu nahi dugu asteburu hori tokian tokiko baldintzetara egokituko dela, ez dela zertan derrigor egun horietan gauzatu beharrik; den-denak ongi etorriak eta estimatuak izango direla, ederra izango bailitzateke gure lurraldea ekintzez jostea eta egutegia betetzea".

Gonbidapen hau luzatzen dizuegu gu ailegatzen ez garen bazterretara iritsi ahal izateko, eta horretarako, beste behin, zuengana jotzen dugu horrenbeste txokotatik jasotzen ari garen laguntza eta elkartasun eske. Mila esker aunitz!

Apirilaren 14ko manifestaziorako deialdia zabaltzen laguntzeko prest dagoenarentzat materiala igo dute lotura honetara.

Bertan daude apirilaren 14ko manifestazioaren deialdirako kartela, ekimenak deitzeko kartel mutua, manifestaziora gonbidatzeko testua, pankartak egiteko ereduak, apirilaren 14rako autobusak antolatzeko orria, informazio-txostena (manifestu desberdinak, informazio juridikoa…), eta abestiak: “Aurrera Altsasu” … musikari eta artista desberdinek sortuak.

Eskatu dute argazkiak eta deialdiak ezdaposible.altsasu@gmail.com helbidera bidaltzeko.

"Ziur gaude, manifestaziora deitu genuen egunean adierazi bezala, jende asko dagoela bat datorrena ideia honekin: ez direla gure gazteak soilik aulkian eser araziko dituztenak. Jendartearen etorkizuna dagoela jokoan, askatasuna eta eskubideetan eragiten duen nagusikeria gauzatzen denean, ezerk ez baitu bermatuko beste inori ez ote dion eragingo. Horretan esperientzia handia dugu".

Hemen kartela.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Altsasuko gazteak

Altsasuko gazteak kanaletik interesatuko zaizu...
2018-11-11 | Adur Larrea
Ez hanka ez buru
Irudi batek mila hitz

Utzi Altsasu bakean

Eskuin muturreko España Ciudadana plataformaren deialdiari erantzunez, Espainiako Estatuko txoko askotatik etorritako ehunka lagun elkartu ziren Altsasuko  plazan –Foruzaingoa eta Guardia Zibilak gotorleku bilakaturikoa–.


2018-11-09 | ARGIA
Lehen irudiak: honela jo zituzten kanpaiak Altsasun eskuin-muturraren ekitaldian

Azaroaren 4ko Altsasun España Ciudadanaren ekitaldia oztopatzeko hainbat gazte elizako kapandorrera sartu eta kanpaiak jo zituzten. Polemika eragin du ekintza horrek eta orain Mozal Legeaz zigortu nahi ditu Foruzaingoak. Altsasu Faxismoaren Kontra herri plataformak prentsaurrekoa antolatu du azaroaren 10ean 13:00etan Altsasuko plazan, eta horren harira bideoa zabaldu dute.


2018-11-06 | Ahotsa.info
Altsasu Auziaren inguruko jardunaldiak antolatu dituzte azaroaren 16 eta 17an Iruņean

Altsasukoak Aske eta Altsasu Gurasoak taldeek antolatu dituzten jardunaldietan eztabaidak eta hitzaldiak izanen dira eta Gaztelu Plazan eginen den elkarretaratze batekin amaitu dira. Katakrak liburudendan ospatuko dira.


2018-10-30 | Iņigo Igartua
"Utzi Altsasu bakean" lemapean manifestazioa egingo dute larunbatean

Eskuin muturreko alderdiek herrian egin nahi dituzten ekimenei aurre egiteko antolatu dituzten mobilizazioen xehetasunak eman ditu Altsasuko Herri Batzarrak prentsaurreko batean.


Albert Riveraren azken probokazioa: Altsasun egingo dute ekitaldia azaroaren 4an

Ciudadanos alderdiak bultzatzen duen España Ciudadana plataformak ostegunean jakinarazi du hurrengo ekitaldia Altsasun egingo dutela, azaroaren 4an, igandea. "Ekitaldiak egiten ari gara Espainia osoan. Madrilen hasi ginen, Malaga, Mallorka, Bartzelona, Sevillan... eta hurrengoa leku garrantzitsu eta berezia da, Nafarroan izango da, Altsasun", adierazi du Riverak.


Defentsek bi epaile arbuiatu dituzte, Altsasuko liskarretik bi urtera

Jada 700 egun daramatzate preso Adur, Jokin eta Oihanek, eta preso dauden zazpiei omenaldia egin zaie asteburuan. Gazteen defentsaren abokatuek apelazio helegitea  aztertu behar duten hiru epaileetatik bi errekusatu dituzte, besteak beste, Guardia Zibilak kondekoratuak direlako.


2018-09-25 | Guaixe .eus
88 guardia zibil eta 27 ibilgailu azken 4 atxiloketak egiteko

“Ihes egiteko arrisku nabarmena” zegoelako, Espainiako Auzitegi Nazionaleko Lehen Sekzioko agindua bete eta garagarrilaren 5ean Guardia Zibilak Altsasuko auziagatik epaitutako Aratz, Iñaki, Jon Ander eta Julen atxilotu zituen.


Valentziatik Altsasura, elkartasun murala preso dauden gazteekin

Valentziatik etorritako ‘A tiro echo’ kolektiboko Elias Taño eta Carla Chillida artistek murala margotu dute Altsasuko udal frontoiaren fatxadan, Koxka tabernako liskarrengatik atxilotutako gazteen alde. Altsasuko bizilagunen laguntza izan dute zeregin horretan. Haien ustez, “botere judizialak, militarrak eta status quo-ko politikoak antolatutako injustizia” da gertatutakoa.


Altsasukoak askatzeko eskatuz elkarretaratzea egin dute espetxe aurrean

Gaur hasiko dira festak Altsasun eta Iruñeko espetxean izan dira herritar zenbait preso diren gazteen askatasuna aldarrikatuz. Herriko jaietan herrian nahi dituztela adierazi dute.


Azkenak
EGILEA
Eguneraketa berriak daude