Apaiz pederastekin neurriak har ditzala eskatu dio NBEk Vatikanoari
NBEko Haurren Eskubideei buruzko Batzordeak ondorioztatu duenez, Eliza Katolikoak ez die behar bezala aurre egin adin txikikoen sexu gehiegikeriei. Batzordeak Vatikanoari apaiz pederastak baztertu eta justiziaren eskuetan uzteko exijitu dio.
Erakundearen txostenean Vatikanoari presioa egin dio NBEk, lehenbailehen “eraso sexualen autore zein susmagarriak beren betebeharretatik baztertu eta autoritateen eskuetan uztea” eskatu dio, “ikertuak eta auzipetuak” izan daitezen.
Pasa den hilean Ginebran egin zen konbentzioaren ostean plazaratutakoa da txosten hau. Konbentzioan giza eskubideen defentsan espezializatutako 18 kidek pederastiaren aurkako borrokan darabilten politikari buruzko galdeketa egin zieten Vatikanoko ordezkariei.
Vatikanoa konplize
Haurren Eskubideei buruzko Batzordeak argitaratutako txostenak dio Eliza Katolikoak ez duela nahikoa lan egin adin txikikoen sexu-gehiegikeriekin amaitzeko. Eta are gehiago, haurrak babesteko neurri egokiak hartu ez izanak “gehiegikeriak eta zigorgabetasuna iraunaraztea” eragin duela.
Batzordeak Vatikanoari egotzi dio sexu-abusuen biktimak babestu eta errudunak bilatu beharrean, “elizaren izen ona” zaintzeaz arduratu dela. Adin txikikoen babesa bigarren mailakotzat jotzeak Haurren Eskubideen alde Vatikanoak sinatu zuen ituna urratzea dakarrela gaineratu du.
Eliza katolikoari egozten zaio, bestalde, haurren sexu erasotzaileak parrokia batetik bestera edo beste herrialde batzuetara “transferitzea”, beren bidegabekeriak ezkutatu nahian. Praktika larri honekin gehiegikerien jarraikortasun eta zigorgabetasunaren erantzule zuzena da Vatikanoa.
Silvano Tomasi, Vatikanoak Nazio Batuetan duen ordezkariari urtarrilaren 16an egin zion elkarrizketa Haurren Eskubideei buruzko Batzordeak. Tomasik zehaztu zuen pederastia kasuak “beste jarduera errespetagarri askotan bezala” egon izan direla eliza katolikoan ere, eta kasu zehatzei buruzko galderak erantzuteari uko egin zion, “pribatutasuna” eta “errespetuaren” izenean.
Mainz (Alemania), 1454. Johannes Gutenbergek eskala handian inprimatutako lehen liburua argitaratu zuen, Berrogeita bi lerroko Biblia izenez ezagutzen dena. Gutenbergek ez zuen inprenta asmatu; dakigula, Txinan, 1040an, Bi Shengek asmatu zuen inprimatzeko lehen makina... [+]
Performance umoristiko batean gurutze batekin masturbatzen ari zarela irudikatzea delitua izan daiteke Espainiako Legearen arabera. Baina normaltzat hartu behar ei dugu, inoiz existitu ez zen norbait omentzea egurrezko panpina bihurtuta, “munduko jairik onenetako”... [+]
Espainiako Abokatu Kristauen Fundazioak Bilboko artista salatu du arrazoi beragatik, “eskarnio delitua” egin duela argudiatuta. EHZk barkamena eskatu die artistaren emanaldiak mindu dituenei, baina egoera gorrotoa sustatzeko baliatu dutenengandik “urrun”... [+]
Mariano Fazio apaiza, Opus Deiren buru izateko oinordekoen zerrendan lehena, lau hamardaketan zehar gutxienez 43 emakume esplotatu dituen sare baten parte zela ondorioztatu dute PROTEX Argentinako Pertsonen Salerosketaren aurkako Prokuradoretza eta Argentinako auzitegi batek... [+]
Donostiarra, defenda ezazu zurea leloarekin pankarta bat jarri dute, Jesusen Bihotza duen Espainiako bandera batekin batera.
Ziburuko Azokaren kari, Azokaroan aurkezturiko Gizatasun arrantzale (Euskaltzaleen Biltzarra) liburua esku artean hartuta, itsasoan –apez bezainbat arrantzale gisa– eramandako biziaz aritzea zuen xede kazetariak. Baina Maiatz argitaletxeak plazaratu berri duen Atxik... [+]
Erromako San Giovanni in Laterano plazan, errutinazko indusketa bat egiten ari zirela, arkeologoek IX.-XIII. mendeetako jauregi baten arrastoak topatu dituzte ezustean. Eta garai hartako aita santuen bizitokia izan litekeela uste dute. Bestela esanda, baliteke Patriarkatua... [+]
"Bake zubiak eraikitzeko laguntza" eskatu dio jendeari balkoitik egin duen lehen agerraldian.
Alain Esquerrek idatziriko Le silence de Bétharram (Betharramgo isiltasuna) liburuan eman du lekukotza Helene Perlantek, François Bayrouren alabak. 1980ko hamarkadan egon zen ikastetxe katolikoan ikasle eta berrogei urte luzeetan isilik atxiki ditu bertan jasandako... [+]
88 urterekin hil da Frantzisko aita santua astelehen goizean, iktus baten ondorioz. Azken boladan osasun arazoak izan zituen. Miñan liburua gomendatu zuen publikoki, migratzaileen egoera kontatzen delako.
Iruñeko artzapezpiku Florencio Rosello eta Tuterako gotzain Joseba Segura Nafarroako Elizak immatrikulatutako ondasunak itzultzeko prest azaldu dira epaitegiek hala aginduz gero, baina inmatrikulazioak legezkoak izan direla defendatu dute.
Frantziskok "Franciscomanía" zeinuarekin hasi zuen bere Aitasantutza. Fenomeno soziologiko horri esker, Vatikanoko boterearen zirrikituak aldez aurretik ezagutzen ez zituen gaztetasunaren ikono eta Elizako aldaketa-haizeen intsuflatzaile bihurtu zen.
Era berean,... [+]
Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]
Elizak 23 kasu ditu onarturik Nafarroa Garaian. Haiek "ekonomikoki, psikologikoki eta espiritualki laguntzeko" konpromisoa adierazi du Iruñeko artzapezpikuak.