Antikapitalistak Podemosetik kanpo ikusten ditu Pablo Iglesiasek
Podemosen barruan sakoneko desadostasunak daude alderdia gidatzen duen Pablo Iglesiasen ildoaren eta Antikapitalistak antolakunde trotskistaren artean. Azken hauek ez dute argi martxo honetan Podemosen hirugarren batzar herritarrean parte hartuko duten eta Iglesiasek haustura gertu ikusten du.
Pablo Iglesiasek ziurtzat jo zuen astearte honetan Antikapitalisten korronteak alderdia utziko duela. Beraren ustez "erabakirik logikoena" litzateke eta "anaitasunetik eta errespetutik" jorratu daiteke. "Banandu behar denean, oihurik eta rollo txarrik gabe egin behar da, munduko heldutasun handienarekin", adierazi du Unidas Podemoseko buruak, Antikapitalistek Podemosen hirugarren batzar herritarrean parte hartzeko zalantzak agertu ostean.
Iglesiasek jakinarazi zuenez, joan den astean bilera izan zuen korronte horri atxikitako Miguel Urban eurodiputatuarekin eta Manuel Marirekin, joan den ostegunean, Espainiako Gobernuko Presidenteordetzaren egoitzan. "Irizpide politikoan alde handia dago antikapitalisten eta Podemosen artean", onartu zuen Iglesiasek, alderdi morea Gobernuan sartzeari buruzko ikuspegi ezberdinei erreferentzia eginez.
Testuinguru horretan, Pablo Perez Ganfornina Andaluziako Podemoseko Politika eta Komunikazio idazkariak zehaztu du ez dagoela "inolako aukerarik" Andaluziako Podemos Espainiako Estatu mailako alderditik bereizteko, eta erabaki horrek ez duela zerikusirik datorren igandean Antikapitalistek erabaki dezaketenarekin. Teresa Rodriguez da ordea une honetan Podemosen aurpegi ezagunena Andaluzian, eta Antikapitalistetako kidea da.
Lander Martínez Sumarreko bozeramaileak egintzat eman du banaketa eta Alba García alderdi horretako lehendakarigaiak ere ez du gaur gaurkoz posible ikusten koaliziorik.
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]
Euskadiko Podemosen koordinatzaile nagusi Pilar Garrido, Sumarren Gipuzkoako zerrendaburua izan zena Espainiako hauteskundeetan, koaliziotik kanpo aurkeztearen alde mintzatu da Eusko Legebiltzarreko datozen bozketei begira. “Euskadiko jendea mobilizatzeko balio du... [+]
11:30ean izan da kargua hartzeko ekitaldia Nafarroako Parlamentuan, eta gonbidatu gisa joan dira hainbat ordezkari politiko, tartean Iñigo Urkullu EAEko lehendakaria. Kontseilari berriak ere izendatu dituzte: lau Geroa Baik gidatuko ditu eta bat Zurekin Nafarroak;... [+]
Abstentzio handiko hauteskundeak izan dira, eta lehia handiena EAJ eta EH Bilduren artean izan da: lehenengoak behera egin du eta bigarrenak gora. Nafarroako Legebiltzarrean UPNk mantendu du 2019ko garaipena, eta PSNk bigarren postua. Araba eta Bizkaiko Batzar Nagusietan, EAJk... [+]