Antidepresiboen preskripzioak gora egin du pandemiaren ondorioz
Antidepresiboen kontsumoa aztertuta, Euskal Autonomia Erkidegoan COVID-19aren pandemiak sintoma depresiboen intzidentzia handitu zuela ondorioztatu du ikerketa batek. Halaber, azterlanak nabarmendu du herritarren osasun mentala arazo fisikoekin batera artatzearen garrantzia, bai eta osasun sistemak horren arabera egokitzearena ere. Euskal Herriko Unibertsitateko eta Nafarroako Unibertsitate Publikoko ikertzaileek parte hartu dute ikerketan, eta Healthcare aldizkarian argitaratu dute.
aurre egingo dieten hedabide independenteak
2018ko martxotik 2024ko otsailera bitartean Euskal Autonomia Erkidekoan egin ziren antidepresiboen preskripzioak aztertu dituzte, bi urteko hiru alditan banatuta: pandemia aurrea, pandemia eta pandemia ostea. Ikusi dute pandemiaren bi urteek eragin nabarmena izan zutela antidepresiboen preskripzioan, batez ere 40 urtetik beherako emakumeen artean. Ikertzaileek nabarmendu dutenez, pandemian emakume gazteek ongizate emozionalean pairatutako inpaktu handiagoa izan liteke zaintzailearen rolaren ondorio, eta osasun sektoreko zaintza zereginen feminizazioaren ondorio, karga emozional handiagoa dakartelako. Frantzian ere antzeko emaitzak izan dituzte: antidepresiboen preskripzioen gorakada pandemian emakumeen artean, pandemia aurreko aldiarekin alderatuta.
Ikertzaileen arabera, emakume gazteek ongizate emozionalean pairatutako inpaktu handiagoaren atzean rol zaintzailearen ondorio izan daiteke
Bestalde, ikusi dute, COVID-19aren pandemia neurri handi batean atzean utzi ondoren, adin talde guztietako gizonek eta emakumeek (20 urtetik beherako gizonak izan ezik) sintoma depresiboen intzidentzia handiagoa izan dutela. Ikertzaileen arabera, analisiak detektatu du pandemiaren epe luzerako inpaktua handia izan dela biztanleriaren osasun emozionalean, hainbat faktoreren ondorioz. Litekeena da herritar gehienek nozitu zuten bakartasun sozial luzeak ondorio iraunkorrak eragin izana pertsonek elkarreragiteko duten moduan eta besteekin konektatuta sentitzeko eran. Gainera, pandemiaren inpaktu ekonomikoak (hala nola lana galtzea edo finantza segurtasunik eza) jarraitzen du eragiten pertsona askoren osasun mentalean.
Bestetik, ikertzaileek gaineratu dutenez, pandemian etengabeko estres egoeran egon izana izan liteke epe luzera biztanleriak nozitutako sintoma depresiboen intzidentzia handiago horren arrazoi nagusietako bat.
Azterlanaren muga bat ere aitortu dute egileek: antidepresiboen preskripzio berriak ez zaizkiela egiten bakarrik sintoma depresiboak dituzten pazienteei, eta farmako horiek agintzen direla bestelako kasu batzuetan ere, hala nola antsietatean, insomnioan edo min kronikoan.
Maiatzaren 27an Frantziako Estatuko Legebiltzarrak onartu zuen heriotzarako laguntza baimentzen duen legea. Askok aurrerapen humanistatzat jo arren, lege berri honek kezkak piztu ditu pertsona ezinduen eskubideen aldeko mugimenduetan. Gaur egungo gizarteak ez badizkie pertsona... [+]
Hautaketa prozesuetako kudeaketa “geldirik edo kaosean murgilduta” dagoela diote elkarretaratzearen deitzaileek.
Osasungintza publikoaren aldeko Olatu Txuria plataformak deituta, osasun etxe duin baten eta osasungintza publikoaren aldeko manifestazioa egin dute Martuteneko, Txomiñeneko eta Loiolako bizilagun ugarik, auzo horietako kaleetan zehar. Hiru auzoetako eta hiriko beste auzo... [+]
Berrehun lagun hurbildu dira Baztango Osasun Plataformak deituriko elkarretaratzera eta bizikleta martxara.
Osasungintzako 501 langilek bat egin dute zortzi eskaera zehatz dituen manifestuarekin. Helburua, osasun arreta euskaraz eskaini, eman eta bermatzea, “edonon eta edonoiz, maila guztietan eta ahoz zein idatzizko harremanetan”.
Faltan Botatzen Dugu plataformak eman du gertakariaren berri, eta zaintza aringarrien zerbitzuaren "egoera kritikoa" salatu du. Medikuak haren kontakizuna argitaratu du sare sozialetan, eta jakinarazi du lana utzi duela denbora batez: "Ezinezkoa zait baldintza... [+]
Debekua uztailak 1ean sartuko da indarrean hainbat espazio publikoetan, hondartzak edo parkeak kasu. Araua errespetatzen ez duten herritarrei 135 euroko isuna jarriko diete.
Aspaldian Irunen ikusi den manifestaziorik jendetsuenetakoa izan da larunbatekoa, Bidasoako ospitaleko zerbitzuak desegitearen aurka. Besteak beste, larrialdi pediatrikoak, haur eta gazteentzako psikiatria zerbitzua eta urologia ezabatu dituzte, eta agerikoak dira ondorioak... [+]
Nafarroako Farmazialarien Elkargo Ofizialak (COFNA) eta Nafarroako Gobernuko Lurralde Kohesiorako Sailak programa bat abiatu dute landa eremuko jendeak behar bezala hartzeko medikazioa.
Ilusioz mintzo da Shrabani Aranzabe-Pita (Orissa, India, 1999) musikari, ikerlari eta pedagogoa. Alkizan (Gipuzkoa) hazi eta hezi da. Pandemian minbizia izan zuen, eta prozesu onkologiko horretatik Naturaren Doinuak jaialdia eta proiektua sortu du. Aurtengo jaialdia ekainaren... [+]
Intxaurrondoak ekainean emango du bere fruitua. Lan bikaina egin du, esfortzuak merezi izan du. Lehen beroaldiekin zirkulazioak eta bihotzak zaintza bereziak behar dituzte. Garrantzitsua da hidratazioa mantentzeko neurriak hartzea –ura, infusioa eta saldak– eta fruta... [+]
Irailetik mediku euskaldunik gabe daude Elizondoko (Nafarroa) herritarrak. Horrez gain, udan medikurik gabe geratzearen beldur da Baztango Osasun Plataforma. Ekainaren 4an, bizikleta martxa egingo dute herrian.
Sare sozialetako argitalpen baten bidez, otsailaren 23an, Ane Santesteban txirrindulariak (Errenteria, Gipuzkoa, 1990) endometriosia daukala iragarri zuen. Diagnostikoak lagundu egin dio ulertzen zergatik batzuetan gaizki sentitzen den bizikletan: “Kisteak aldaka okertzea... [+]