Angela Davis Euskal Herrian da

  • Borroka sozialetan erreferentzia nagusietakoa den emakumea Loiura iritsi da ostegun eguerdian. Hiru egunez hitzaldiak eta mintegiak eskainiko ditu, eta igandean jaialdia egingo dute Bilbon bere omenez.


2016ko otsailaren 04an - 17:52

Loiuko aireportuan ongi etorria egin diote hainbat lagunek  Angela Davisi, tartean Gite-Ipes elkarteko eta Ipar Hegoa Fundazioko kideak eta Femin Muguruza kantaria izan dira. Feminismoan eta klase borroketan zaildutako ekintzailea Euskal Herrian den bitartean egitarau zabala antolatu dute.

Ostiralean Gite-Ipesen eskutik egun osoz Bilboko Bidebarrieta liburutegian egingo den kartzelak eta emakumeen inguruko jardunaldian parte hartuko du Davisek.

Larunbatean, Ipar Hegoa Fundazioak antolatuta mintegia eskainiko du Donostiako Iratzar aretoan, Herri, klase eta feminista izaeradun borrokaren ikuspegia egun izenburupean.

Igandean elkarrizketa publikoa izango da Bilboko Kafe Antzokian eta ondoren Angela Davis gure laguna da! jaialdian Euskal Herriko hainbat musikari eta kantari ariko dira Free Otegi Them All kanpainaren barruan.

Angela Davisek Arnaldo Otegi askatu eta dispertsiorekin amaitzeko eskatzen zuen manifestua sinatu zuen 2015eko martxoan, munduko beste 23 pertsona ezagunekin batera.


Kanal honetatik interesatuko zaizu: Feminismoa
Gorputz hotsak
"Filmak ez daude gorrentzat eginda; euskara ez dakitenentzat eginda daude"

Jende askorekin eta elkarrizketaz inguratuta dagoenean isil-isilik edo ohi baino isilago egoten da Irati Erauskin (Hondarribia, Gipuzkoa, 1996). Horregatik, “oso irekia” den arren lotsatia dela uste dute batzuek. Entzumen urritasuna dauka, eta batzuetan “oso... [+]


Zapi morea

Andre zahar dotorea senarraren besotik zihoan gurutzatu ginenean. Bistaz ezaguna, oker samar zegoela ikusi nuen, adinaren ajeak. Benetako señora eibartarra: perlazko lepokoa; ilea kardatuta harro-harro, ostirala izanda, ile-apaindegian goizean egon zela ezagun zuen. Gure... [+]


“Denbora deskolonizatzea metatze kapitalistari uko egitea da”

Adriana Guzmán Arroyo herri-hezitzaile aymara eta Boliviako feminismo komunitario antipatriarkaleko erreferentearekin batu eta kolonialismoa, arrazismoa, estraktibismoa, nahitaezko heterosexualitatea, familia, komunitatea, Estatua eta pribilegioak izan ditugu mintzagai,... [+]


2024-03-17 | Diana Franco
Teknologia
Zirkuitua hackeatu

Martxoaren 8a dela eta, berri eta iritzi ezberdinak irakurri ditut. Berdintasunerako bidean lan handia egiten ari da gure gizartea, eta publikoki berdintasunerako bidean feminismoa onartua den borroka bada ere, gizarteko mikrokosmosetara jaisterakoan, bada oraindik berdintasuna... [+]


Bizipoza: aniztasun funtzionala, kulturala eta sexuala bistaratzen eta lantzen

Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]


Eguneraketa berriak daude