Diskoa 180 gramoko biniloan berrargitaratuko dute, birmasterizatuta eta diseinuari dagokionez zenbait moldaketarekin. Iragarri dituzten kontzertuei dagokionez, Gorrotoaren ahotsa diskoko abestiek protagonismoa izango dutela adierazi dute. Kontzertuen data eta tokiak laster ezagutaraziko dituzte.

Euskal Herri mailan, trash musika estiloari dagokionez, erreferentea da Anestesia taldea. 30 urteko ibilbidean bi maketa, EP bat eta sei disko kaleratu dituzte, hainbat bildumatan parte hartzeaz gain. Gorrotoaren ahotsa, Amasako (Gipuzkoa) IZ estudioan Kaki Arkarazorekin grabatutako lana, ibilbide horretan “mugarria izan den diskoa” dela adierazi du taldeak.