Andoaingo Baltasarren aurkako irain arrazistak salatu ditu Udalak
Andoaingo Udalak komunikatua atera du urtarrilaren 5eko Erregeen kabalgatako polemikaren harira. “Hankasartze batek pentsatzen ez genuen oihartzuna izan du”, adierazi dute.
Hizkuntza ganoraz menperatzen ez zuen gizonezko batek, eta gainera, sare sozialetan zabaldu denez bertako herritarra ez denak, antzeztu zuen Baltasar erregea pasa den larunbatean Andoaingo kabalgatan. Udaletxeko balkoira igota, ekitaldia amaitzear zela, esaldiarekin trabatu, okertu eta gidoia saltatu zuen. "Erregeak gurasoak dira" esan zuen, eta polbora bezala zabaldu eta polemika piztu zen sarean.
Gertakariaren eskutik etorri ziren aurreiritzi, komentario eta iruzkinak gaitzetsi ditu Andoaingo Udalak berriki argitaratu duen oharrean. “Tristura handia dugu eta oso kezkatuta gaude, sare sozialetan eta zenbait komunikabide ezberdinetan gaia jorratzerakoan, nagusitu diren aurreiritzi arrazista eta xenofoboek izandako lekuagatik”, adierazi dute. Andoain herri anitza dela esan, eta hala izaten jarraitu nahi dutela gaineratu dute. Horrez gain, Baltasarren funtzioa betetzeko ardura hartu zuen pertsonari eta bere senideei elkartasuna eta babesa adierazi diote.
Komunikatu osoa hemen irakurgai:
ANDOAINGO ERREGEEN KABALGATAREN POLEMIKAREN HARIRA
Larunbata iluntzetik Andoaingo herriaren inguruan sortu den polemika berri honen harira, Andoaingo Udalak bere atsekabea agertu nahi du gaiak hartu duen dimentsioagatik eta kritiken tonoarengatik eta norabidearengatik. Hizkuntza bat ez menperatzearen ondorioz egiten den hankasartze batek, pentsatzen ez genuen oihartzuna izan du. Tristura handia hartu dugu eta oso kezkatuta gaude, sare soizaletan eta komunikabide ezberdinetan gaia jorratzerakoan, nagusitu diren aurreiritzi arrazista eta xenofoboek izandako lekuagatik. Andoain herri anitza da, aniztasunean bizi da, eta horrela bizi nahi du. Baltasarren funtzioa betetzeko ardura hartu zuen pertsonari eta bere senideei gure elkartasuna eta babesa adierazi nahi diogu.
Bestalde, eskerrak eman nahi dizkiogu La Salle Berrozpe ikastetxeari, urtero erregeen magia gure kaleetara ekartzeagatik. Ehunka bolondresek egiten duten lanaren ondorioz aurrera ateratzen dena. Espero dezagun hemendik aurrera ere ilusio eta indar berarekin lanean jarraitzea.
Andoainen, 2019ko urtarrilaren 7an
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
%37 genero- eta sexu-diskriminazio kasuekin loturik egon ziren, eta aporofobia %33 hazi zen. Gorroto-delituen intzidentzia tasarik altuena Nafarroan identifikatu zuten iaz.
Hainbat talde "neonazik" azkenaldian Irunen zabaltzen ari dituzten mezuak salatu dituzte asteazkenean Harrera Sareak eta hainbat kolektibok herrian. Eskuin muturreko "auzo patruilak" antolatzen ari direla salatu dute, eta hauek jendearen jatorriaren arabera... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Gasteizko hainbat auzotan ezarri dituzten “Moros fuera de España” kartel eta pegatinak ikertzen ari da Ertzaintza. Irun, Hernani, Barakaldo… Ez dira kasu isolatuak, eta “etorkinen kontura jarraitzaileak irabazi nahi dituen ideologia” ikusten du... [+]
Agharas migratzaile imazighen elkartearen txosnan pertsona batek hainbat irain arrazista egin zituen. Erasoa salatzeko elkarretaratzea egin dute igandean Barakaldon.
Artziniegako Udalak mezua zabaldu du gertatutakoa gaitzesteko eta elkartasuna adierazteko irainak jaso dituzten herritarrei.
Lintxamenduen ostean immigrazioaren aurka izan den lehen mobilizazio-saiakerak ez du jarraitzaile gehiegi erakarri, baina izu arrazistak hartu du herria.
Jazarpen arrazistak eztanda egin du Espainiako Torre Pacheco herrian, Euskal Herrian ere ezagun zaizkigun diskurtsoak hauspotuta: immigrazioa lotzea delinkuentziaren, sexu-erasoen eta segurtasun faltaren gorakadari. Baina datuek frogatzen dute gezurra direla gorroto diskurtso... [+]
Twerk klasean gertatu zen, Bilbon. Merkataritza-gune batean dago dantza eskola, eta gortinek ez dituzte kristalak erabat tapatzen. Emakumezko lau ikasleok eta irakasleak luzaketak egiten geundela, gure short labur eta top-ak jantzita, bi mutiko hasi zitzaizkigun kristalaren... [+]
Hainbat gauez jarraian, gorrotoa eta arrazakeria hedatu eta "etorkinen aurkako ehiza" egin dute Murtziako herri batean, "Espainia garbitzeko". Kolektibo antiarrazistek ultraeskuinaren inpunitatea salatu dute.
Laba, EHE eta Harituk antolatuta, bazkaria Oko Plazako Herri Sanferminak gunean izan da. Bertan, antolaketaren zergatiak azalduko dizkiguten galderak egingo dizkiegu.