Euskal Herritik Madrilera anbulantzian, Ibon Iparragirre eta Manu Azkarateren bila

  • Ekimena egin du goizean Sarek Alcalá-Meco (Madril) espetxearen aurrean. Anbulantzian joan dira larri gaixo dauden euskal presoen bila.

Andoni Mikelarena @andonimik
2017ko azaroaren 14a
Arg: EH Bildu

Bart Ondarroatik abiatu eta gaur heldu dira Madrilgo Alcalá-Meco espetxera. Anbulantzia batean iritsi dira espetxearen atarira eta bertan ohatilak hartuta espetxera sartzeko saiakera egin dute. Horrela, larri gaixo dauden Ibon Iparragirre eta Manu Azkarate euskal presoen egoera salatu dute.

Espetxearen atarian zain zeuden Unai Urruzuno eta Julen Arzuaga EH Bilduko legebiltzarkideak, Marian Beitialarrangoitia eta Jon Iñarritu EH Bilduko diputatuak, Teresa Jordá ERCko diputatua, Eduardo Santos Unidos Podemoseko diputatua eta Zunbeltz Bedialauneta Ondarroako alkatea.

Gurasoez gain bi mediku ere joan dira Alcalá-Mecora eta Ibon Iparragirreren eta Manu Azkarateren osasun egoera larriaz ohartarazi dute. Fase terminaleko gaixoei dagokien zaintza eman ahal izateko Iparragirre askatu dezatela eskatu dute.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Gaixo larriak

Gaixo larriak kanaletik interesatuko zaizu...
Orain Presoak dinamika
"Salbuespen legedia alde batera utzi behar du Espainiako Estatuak"

Sara Majarenas (1980, Donostia) eta Felix Arrietarekin (1982, Donostia) bildu gara. Sarek bultza duen Orain Presoak dinamikan parte hartzen ari dira. Lehena preso ohia eta indarkeria matxistaren biktima, orain bi hilabete askatu dute; bigarrena, Deustuko unibertsitateko irakaslea da. Lau aldarrikapen zehatzen inguruan babesa bilatzen ari dira eta urriaren 20rako manifestazioa deitu dute Bilbon. Espainiako Estatutik aldaketaketor litezkeela sumatzen den egunetan mintzatu gara beraiekin.


2018-01-17 | ARGIA
Ibon Iparragirre euskal presoa Arrasatera bidean da, Aita Menni zentroan artatu dezaten

Berriak argitaratu duenez, larriki gaixo dagoen euskal presoa Arrasateko Aita Menni zentrora eramango dute aurki.


2017-12-18 | ARGIA
Ibon Iparragirreren egoera salatu dute Donostian pankarta erraldoi batekin

Hiesa daukan eta Espainiako Alcalá-Meco espetxean preso daukaten Ibon Iparragirreren egoera salatu dute ostiral arratsaldean Donostian.


2017-12-05 | Hala Bedi
Gaixo larri dagoen Ibon Iparragirren askatasuna eskatu dute HIESAren aurkako egunean Gasteizen

Ibon Iparragirre HIESa duen euskal preso politikoa da, larriki gaixo dago eta bere osasuna okerrera doa. Eraso epileptikoak ditu noizean behin; hori gutxi balitz, ez du ia ikusmenik.


2017-11-14 | Andoni Mikelarena
Larri gaixo dauden presoak askatzeko eskatu dute Nafarroako sindikatuek

Iragan ostegunean Nafarroako Parlamentuak egindako adierazpenarekin bat egin dute sindikatuek. Foro Sozialak bultzatu du ekimena.


Preso gaixoei indarrean dagoen legedia aplikatzeko eskatu du Nafarroako Parlamentuak

Geroa Bai, EH Bildu, Podemos-Ahal Dugu, PSN eta I-Eren aldeko botoak jaso ditu ebazpenak. UPNren eta PPNk aurkako botoa eman dute.


2017-10-23 | Miren Osa Galdona
Ibon Iparragirre aske uzteko eskatu dute Ondarroan milaka lagunek

Presoaren egoera “larria” salatzeko, manifestazioa egin dute milaka lagunek igande eguerdian Ondarroan, Bizkaian. HIESA dela eta, defentsak oso baxu ditu Iparragirrek; azken mediku txostenaren arabera, hogeiraino jaitsi zaio defentsa maila – ohiko egoeran 700ean dute pertsona osasuntsuek –  eta egoera “muturrekoa” da. Pasa den astean senideek adierazi zutenez, mendekuaren ondorioz dago Iparragirre egoera honetan.


2017-10-19 | Miren Osa Galdona
Mendekua alboratu eta Iparragirre berehala askatzeko eskatu dute senideek

Ibon Iparragirre presoaren egoera oso kritikoa dela adierazi dute, beste behin, bere senitartekoek. Bilbon egindako agerraldian, gorrotoan eta mendekuan oinarritzen diren espetxe politikek “Ibon hilko dutela” adierazi dute. Berehala aske utzi dezaten eskatu dute, gaixo larrien kasuetan egin ohi den bezala. Mobilizazioak iragarri dituzte preso gaixoen egoera salatzeko.


2017-10-13 | ARGIA
Ibon Iparragirreren bizitza kinka larrian dagoela salatu dute

Preso ondarrutarrari egin dizkioten azken analisietan 20 defentsa baino ez dituela, eta beraz, hilzorian dagoela salatu du Iparra Galdu Baik plataformak. Presoak beste pneumonia bat harrapatuz gero hil egingo dela esan du forenseak, Lea Artibaiko Hitzak zabaldu duenez.


2017-07-05 | ARGIA
Espetxe politika garai berrietara egokitzeko eskatu diote sindikatuek Espainiako Gobernuari

ELA, LAB, UGT, Steilas, ESK, Hiru, EHNE eta Etxaide Mugimenduak agerraldi bateratu bat egin dute asteazkenean Bilbon, Foro Sozial Iraunkorraren babesean, Madrilgo Gobernuari espetxe politika alda dezala eskatzeko.


Azkenak
EGILEA
Eguneraketa berriak daude