Altsasuko liskarra ez zela "terrorismoa" izan esan dute polizia txostenek

  • "Planeatutako lintxamendurik" ez zen egon, ustezko gorroto delitua da, Guardia Zibilaren arabera, ez, ordea, "terrorismoa". Bi gazteek ez dute Audientzia Nazionalera joan beharko; Nafarroan epaituko dituzte.

Euskalerria irratia @fm983irratia
2016ko urriaren 25a
Manifestazioa iragartzeko Altsasuko herritarrek eskainitako prentsaurrekoa. (Arg.: Ahotsa.info)

Ez da "terrorismoa"; izatekotan, "gorroto delitua" da. Hori dio Guardia Zibilak. Hala, baretu egiten da auzia bera, oraindik oso larria bada ere. Behintzat, bi gazteek ez dute Espainiako Audientzia Nazionalean deklaratu beharko, Nafarroan geratuko baita auzia. Dena dela, ez da makala "autoritatearen kontrako eroasoak" leporatzea: urtebete eta lau urte arteko kartzela zigorra ekar lezake, baita sei eta hamabi hilabete arteko isuna.

Guardia Zibilaren txostenak Foruzaingoaren bertsioa berretsi egin du, ondorioz. Terrorismoaren Biktimen Elkarte Covitek aldarrikatzen du terrorismo delitutzat hartzeko.

Eskuina, Barkosen iritziaren eskean

Uxue Barkos presidenteak eta Ana Ollo Herritarrekiko eta Erakundeekiko Harremanetako kontseilariak parlamentuan agerraldia egin, eta azalpenak eman ditzaten eskatu dute UPNk eta PPk; are xeheago: "erradikal abertzaleek GUardia Zibilaren bi kideri egindako erasoaldiaren inguruan" mintza daitezen nahi dute.

UPNk Olloren agerraldia eskatu du; Barkosena, PPk. Biek ala biek, gainera, zalantzan jarri dute Geroa Baik Bildurekin harremana izatea, Altsasuko erasoa "esplizituki" gaitzesten ez duenean.

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra

Kanal hauetan artxibatua: Altsasuko gazteak  |  Altsasu

Altsasuko gazteak kanaletik interesatuko zaizu...
Azkenak
EGILEA
Argia buletina
Egunaren laburpena
zure e-postan
Pribatutasun politika irakurri dut eta onartzen dut
Eguneraketa berriak daude