Altsasuko gazteen kontrako espetxe zigorrak 9 urtera arte murriztu ditu Gorenak

  • Epaileak uste du Altsasuko liskarrean "diskriminazioa" eta "nagusitasun abusua" larrigarriak ez direla aplikatu behar, eta urtebete eta 6 hilabeteetatik 9 urte eta 6 hilabetera arteko espetxe zigorrak ezarri dizkie zortzi gazteei. Preso dauden zazpiek espetxean segi beharko dute eta erabakia kritikatu dute Altsasuko Gurasoek: "Gorenaren erabakiak injustiziari jarraipena eman dio eta gure semeak kartzelan mantendu ditu".

ARGIA @argia
2019ko urriaren 09a

Irailaren 18an aurkezturiko helegiteak aztertu ostean hartu du erabakia epaileak.

Espainiako Auzitegiak 13 urteko espetxe zigorra ebatzi zuen Oihan Arnanzentzat, 12 Jokin Unamuno eta Adur Ramirez de Aldarentzat, 9 Jon Ander Cob, Julen Goikoetxea eta Aratz Urrizolarentzat, 6 Iñaki Abadentzat eta 2 Ainara Urkijorentzat.

Orain, Gorenak honako zigorrak ebatzi ditu: 9 urte eta 6 hilabeteko kartzelaldia Oihan Arnanzentzat, 8 urte eta erdiko Jokin Unamuno eta Adur Ramirez de Aldarentzat, 7 urte eta erdikoa Jon Ander Cob eta Julen Goikoetxearentzat, 4 urte eta 2 hilabetekoa Aratz Urrizolarentzat, 3 urte eta erdi Iñaki Abadentzat eta urte eta 6 hilabetekoa Ainara Urkijorentzat.

Gazteetako batzuek 1.000 egun baino gehiago daramatzate espetxean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Altsasuko gazteak

Altsasuko gazteak kanaletik interesatuko zaizu...
Azkenak
EGILEA
Eguneraketa berriak daude