Altsasuko bi gaztek herrira itzuli ahalko dute hirugarren gradua jaso ondoren

  • Iñaki Abad eta Aratz Urrizola Altsasuko gazteek hirugarren gradua jaso dutela jakin da astearte honetan. Horri esker, bi gazteok Altsasura itzuli ahal izango dute.


2019ko abenduaren 18an - 09:18
Altsasuko gazteen aldeko manifestazioa 2018ko ekainean Iruñean (argazkia: Dani Blanco).

2016an Koxka tabernako gertakariengatik kartzela zigorrak betetzen ari diren gazte altsasuarretatik bik hirugarren gradua jaso dute, eta kartzelatik ateratzen hasteko aukera izango dute.

Iturri batzuen arabera, baliteke ostiral honetan gertatzea, baina Altsasu Gurasoak elkarteak baieztatu baino ez du egin gazteek lehen irteera-baimena jasoko dutela, eta ez du datarik zehaztu, xehetasun guztiak izan arte.

Iñaki Abadek lau urte eta bi hilabeteko zigorra zuen Gorenaren epaiaren ostean, eta Aratz Urrizolak hiru urte eta sei hilabetekoa. Biek ia bi urte daramatzate kartzelan. Zigortuetako beste hiruk dagoeneko gainditu dituzte hiru urte presondegian: Oihan Arnanz, Jokin Unamuno eta Adur Ramirez de Alda.

Hain zuzen ere, hiru horiek dituzte zigorrik handienak; izan ere, urrian Espainiako Auzitegi Gorenak emandako epaiaren ostean, 8,5 eta 9,5 urte arteko kartzela-zigorra ezarri diete. Jon Ander Cob eta Julen Goikoetxeari 7 urte eta erdiko zigorra ezarri zieten. Abad eta Urrizola ziren hurrengoak jasotako zigor-urteen kopuruan eta zortzigarren kondena Ainara Urquijorena izan zen –urte eta erdi, Gorenaren berrikuspenaren ondoren–, kartzelan sartu ez zena.


Kanal honetatik interesatuko zaizu: Altsasuko gazteak
Altsasu antzezlana ikusi dute Madrilen, Vox-en boikotaren gainetik

Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.


2022-01-19 | ARGIA
Altsasuko gazteen eskakizuna atzera bota du Estrasburgoko Auzitegiak

Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.


2021-11-10 | ARGIA
Auzitegi Nazionalak dio Altsasu auziko Guardia Zibilaren tenientea ez dela terrorismoaren biktima

Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.


Eguneraketa berriak daude