Alkate eta herritarren bide mozketak Nafarroan garraio astuna N-121A-tik A-15-era desbidera dezaten
Ostiral honetan N-121A errepidean hamaika mozketa egin dituzte herritarrek ibilbidean zehar diren alkateek deituta. Beste behin ere Nafarroako Gobernuari eskatu diote errepide horretako garraio astuna A-15 autobidera eraman dezatela.
Maria Chivite Nafarroako Gobernuko presidenteak erantzun die izaera nazionaleko errepide batez ari direla eta “Foru Gobernuko zerbitzu juridikoek ezinezkoa dela” diotela.
Ateratako agiri bateratuan, alkateek erantzun diote Zaragoza eta Logroño arteko ardatza den N-232, N-II eta N-340, Frantziatik Mediterraneora doan korridorea, eta N-240, Ebrotik Tarragonara doan ardatza, errepideak ere "nazionalak" direla, baina toki horietan egin direla antzerako desbideraketak: “Azken horietan, Errioxako eta Kataluniako gobernuek beren herrien segurtasunaren eta lasaitasunaren aldeko apustua egin zuten, kamioiei bertatik ibiltzea debekatuz”.
Alkate eta herritarren esanetan, azken hiru hamarkadetan 200 pertsona baino gehiago hil dira eta beste ehunka pertsona larri zauritu dira N-121A errepidean: “Zenbat hildako eskatzen ditu segurtasun juridikoak?”, galdetu dute.
Nafarroako Gobernuak errepide hau 2+1 motakoan bihurtu nahi du. Hau da, errepide osoa hiru karrilekoa litzateke, batzuetan bi karril norabide batean eta besteetan beste norabidean, txandatuz, eta hirugarren karrilean ez legoke aurreratzeko aukerarik. Belateko tunelek, halaber, bi karril izango lituzkete norabide bietan.
Alkateen ustez, ordea, ez da beharrezkoa gastu hori guztia egitea eta nahikoa litzateke egun Europako korridore gisa erabiltzen den errepidean trafiko astuna debekatzea eta A-15 autobidera bideratzea. Urteak dira errepide honetako tokiko erakunde eta herritarrak hori eskatzen ari direla eta ostiral arratsaldeko bide mozketak norabide horretan egindako mobilizazioak izan dira.
Hemen errepidean zehar egindako mozketetako batzuk:
Subflubialaren behin betiko proiektua onartu zuenez Aldundiak pasa den astean, eta dozenaka pertsona batu dira proiektua gelditzea eskatzeko.
Garraioaren sektorea da gaur egun Euskal Herrian berotegi efektuko isurketen erantzule nagusia (%35), energia gehien kontsumitzen duena (%47) eta petrolio kopuru handiena erretzen duena (%74). Gainera beste sektore batzuetan isuriak apurka-apurka murrizten diren bitartean,... [+]
BSHko langileek mobilizazioa egin dute larunbatean Iruñean, eta Billabesetako langileen babesa jaso dute. Billabesetako langileek manifestazioa burutu dute egun berean. BSHko langileeak enpresaren Bruselako egoitzan bilduko dira astelehenean, Europako Batzordeko Enplegu... [+]
Sanferminak ate joka, Iruñeko eta Iruñerriko garraio publikoko autobus gidariek greba mugagabeari ekin diote asteazkenean. Lanuzteak jaietan izango duen eraginaren aurrean, Iruñerriko Mankomunitateak gutxieneko zerbitzuak ezarri ditu: Sanferminak hasi... [+]
Sindikatuaren arabera Gasteizko garraio publikoko konpainiak bazekien langileak osasun arazoak zituela, eta "presioaren ondorioz" ekainaren 23an istripu larria izan zuen.
Asteartean eginiko bozketan, enpresako zuzendaritzak eginiko proposamenari uko egin eta grebari eustea erabaki dute Iruñeko garraio publikoko autobus gidariek. Iruñerriko Mankomunitateak sanferminetan %70ko gutxieneko zerbitzuak eskaintzea proposatu du.
Hilabeteetako protesten ostean, TCC enpresako zuzendaritzak ez du aurrera urratsik egin eta langileek leher egin dute. Greba mugagabera doaz, baita sanferminetako ez ohiko zerbitzuetan ere. “Enpresak erantzukizunez jokatuko balu saihestu litekeen zerbait” dio langile... [+]
Kanpaldiaren helburua "osasuna eta ingurumena arriskuan jartzen dituen eta etorkizuna hipotekatzen duen proiektu jasanezina" geldiaraztea da.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
.jpg)
Kirol ekitaldi handi xamarrak egiten diren bakoitzean, agintariek hauspotzen duten "inpaktu ekonomikoaz" edo "hiria mapan kokatzeaz" harago, ohikoa da ostatuen garestitze basatiaz, garraio publikoan daukaten eraginaz edota segurtasun kontuez hitz egitea. Ohikoa... [+]
Frantziako legebiltzarrean Errepublikanoek eta Batasun Nazionalekoek egindako zuzenketen harira dator erabakia. Zuzenketak onartu dituzte, eta, beraz, Euskal Hirigune Elkargoak emisio gutxiko eremua ezartzeko gastu ekonomikorik ez egitea erabaki du.
A-15 errepideko trafikoa N-I errepidearekin bat egiten duen tokian eraikiko litzateke lotune berria. Andoainen N-I errepidearen "afekzioak murriztu" eta ingurunean "modu hobean" integratuko dela adierazi du aldundiak. Udalak 2011ko eta aurtengo proiektuen... [+]
Apirilean zen sartzekoa araua baina atzeratzea erabaki dute. Derrigorrezkoa izanen da ibilgailuetan agiria eramatea, ez soilik hiri eta herri nagusienetan sartu ahal izateko, baita kostalde osoko errepideetan mugitu ahal izateko ere.
Kar Kar Car auto elektrikoen erabiltzaileen kooperatiba ibilgailuen flota handitzen eta bere zerbitzua Iruñerriara zabaltzen ari da.
Bizieskola ekimenaren bitartez Gasteizko Eraman kooperatiba ikastetxeetako umeak trebatzen hasi da ikasturte honetan, hirian bizikletaz segurtasunez eta modu independentean ibiltzeko. Gasteizko Udalarekin batera parte hartzen du ekimenean, eta kooperatibako kideek ikastetxeetako... [+]