Alemanian merkantzien garraioa arriskuan jarri du Rhin ibaiko lehorteak

  • Europako ibairik garrantzitsuenetakoa da garraioari dagokionez, baina ur-maila baxuak itsasontzien pasabidea zaildu egin du. Alemaniako hainbat fabrikak haien produkzioa gutxitu edo gelditu beharko dute merkantzia faltagatik. Aditu batzuen arabera, baliteke Europako lehen potentzia den Alemania atzerapenean sartzea.


2022ko abuztuaren 22an - 10:52
Rhin ibaia lehortzen ari da. / Argazkia: Tomás A. 0'Rorke @Bruce_Rambo

Alemaniako Industria Konfederazioak (BDI) adierazi du “lehorteak eta ibaien ur-maila baxuak industriarentzako hornigaien segurtasuna mehatxatu” egiten duela eta “enpresak okerrenerako prestatzen” ari direla. Ekonomilarien arabera, atzerapena gertatzeko aukera handitu egin da, hala adierazi du El País hedabideak.

BDIaren arabera, “denbora kontua da industria kimikoko edo siderurgikoko lantegiak deskonektatu behar izatea, olio mineralak eta eraikuntzako materialak ez iristea beren helmugara, edo karga astuna duten garraio batzuk ezin egin izatea”.

Alemaniak atzerapena jasango duela argi dago aditu batzuen ustez, horren froga da azken 23 urteetan izan duen superabit komertzial txikiena izan duela aurten, petroleo eta gasaren garestitzeagatik, hain zuzen ere. Hainbat arazo daude Alemanian ekonomiari lotuta, besteak beste, inflazio altua, etenaldiak energia-horniduran eta botila-lepoa (produktu edo zerbitzu baten eskaria eman daitekeena baino handiagoa denean) beharrezkoak diren ondasunetan. Horri guztiari lehortearengatik ibaiek duten ur-maila baxuak gehitzen bazaizkio, hainbat materialen garraioa oztopatzen ari dena, Alemania krisian sartzen ari delakoan daude hainbat ekonomilari.


Kanal honetatik interesatuko zaizu: Alemania
Sabotaje ekintza batek geldialdian utzi du Teslak Alemanian duen fabrika alimalea

Ehundaka milioi euroko galtzeak eragin ditu sabotajeak, enpresako zuzendariaren arabera. Fabrikak oraindik geldirik segitzen du. Vulkan Gruppe –Talde Bolkanikoa– izeneko ezker muturreko taldeak bere gain hartu du ekintza.


Ahanzturaren gaixotasuna

Frankfurt (Alemania), 1901. Alois Alzheimer psikiatra eta neurologoak Auguste Deter pazientea ikusi zuen lehen aldiz. 51 urteko etxekoandre alemaniarra kasu arraroa zen. "Pazientea eserita dago eta babesgabe dirudi" jaso zuen Alzheimerrek idatziz: "Nola duzu... [+]


10.000 urteko harresia

Mecklenburgeko golkoan, Baltikoko uretan, ia kilometro bateko harrizko egitura bat identifikatu zuten arkeologoek 2021ean. Orain diziplinarteko ikerlari talde batek harresiari buruzko ikerketa argitaratu du PNAS aldizkarian.

Egiturak 10.000 urte inguru ditu eta gizakiak egina... [+]


2024-02-15 | Gedar
Armak modu masiboan ekoiztera deitu du Europa Alemaniako kantzilerak

"Errusiaren mehatxua" aitzakiatzat hartuta, arma ekoizpena areagotzea eta azkartzea jo du beharrezkotzat Scholz sozialdemokratak: "Ez da bake-garaia". NATOk berriki esan du Errusiaren kontrako "erabateko gerra" bat leher daitekeela hurrengo 20... [+]


Christine Lamberty. Sistema eraitsi
"Orain mundu guztiak izan nahi du feminista, baina emakumeen aurkako indarkeriak ez du etenik"

Pasa den urrian Euskal Herriko hainbat lekutan ibili zen Christine Lamberty aktibista, Baskale elkarteak gonbidatuta, Frauen Bildet Banden (Emakumeak, osatu taldeak) dokumentala aurkezten. Filmean Rote Zora hiri-gerrillaren gainekoak kontatzen dira, baina baita 1970eko... [+]


Eguneraketa berriak daude