Alderdien erreakzioak DSBE legearen aldaketa proposamenen aurrean

  • Maiatzaren 31n Eusko Legebiltzarrean Gizarte Politika eta Enplegu Sailburu Beatriz Artolazabalek 15 egokitzapen eta bost aldaketa proposamen egin zituen, Diru Sarrerak Bermatzeko Errentarako. Egoeraren diagnostikoa eta herritarrei eginiko inkesta bat ere aurkeztu zituen. Oinarri horrekin, Legebiltzarrak adostu beharko du DSBE Legearen erreforma. Hurrengo udaberrira arteko prozesua izango dela aurreikusten da. Artolazabalen proposamena entzun ostean, beste legebiltzarkideek adierazpen hauek egin zituzten.

Estitxu Eizagirre @eeizagirre
2017ko ekainaren 01a

Tinixara Guanche, Elkarrekin-Podemos: "Etxe bakoitzean gehienez DSBE bakarra jasotzea barbaritatea da"

"Eskertzen da txostena prentsari baino lehen legebiltzarkideei pasatzea, nahiz eta prentsak bazituen gaur guk ez genituen detaile batzuk. Atzerapausoak iruditu zaizkit, pausoak baino ondoren etorriko den maratoia irudikatzen dutenak. Herritarrei eginiko galdeketa, sakon aztertuko dugu, bain lehen begi-kolpean biziatua iruditu zaigu. Ez dakit kontuan hartu den DSBE jasotzen duten pertsonen iritzia. Galderak tendentziosoak iruditu zaizkigu, inmigrazioa DSBErekin lotzen dutenak.

Lege on bat dago orain eta kudeaketa da arazoa, jendea atzean uzten ari gara, eta Lanbidek ez badu funtzionatzen ezinezkoa da helburuak lortzea. DSBE-z kanpo geratzen ari diren 60.000 pertsonei buruzko proposamenik ez dut ikusi. Etxe bakoitzean gehienez DSBE bakarra egotea barbaritatea da, jakinda EAEn etxebizitza lortzeko dauden zailtasunekin, bizirauteko ezinbestekoa dela etxe berean jende asko bizitzea. DSBE jasotzen dutenek diru horrekin egiten duten erabilerari buruzko neurriak entzun ditut baino hori nola kontrolatuko duzue? "Iruzurean kooperatzen dutenak" zigortzea zer zigor klase da, penala? DSBE jasotzen dutenak delinkuente bihurtzen ditu horrek eta eskubide subjektibo bat da, pobrezia kriminalizatzea da hau, zibila zibiletik arautu behar da eta penala penaletik".

Nerea Kortajarena, EH-Bildu: "DSBE aurrekontuen arabera geratuko bada, orduan bermea izateari utziko dio"

"Gaia lantzeko eta aurkezteko formato hau eskertzen dut, foko mediatikotik hurrun geratzea lortu dugu, nahiz eta filtrazio txiki bat egon den komunikabide batean. Txostena arduraz aztertuko dugu, gaiak eskatzen duen moduko balorazio bat egiteko. Gainetik begiratuta, aipamen hauek egingo nituzke:

Kontzeptualki nahiko adostasun badira, Europara begira egin diren adierazpenekin... baina bukaera aldean betiko errena agertzen da, kontrola, iruzurra... Kontrolaren inguruko zentralitatea eztabaidatik ateratzen saiatu ginen eta bada garaia Jaurlaritzak bere postura definintzeko, ze erabat antagonikoak dira bi bideak eta PPren jarrerara gehiegi gerturatzen da.

Kudeaketari ez dio heldu proposamen honek, eta errealitateak erakusten du kudeaketari oso lotutako elementuak determinatzaileak direla gai honetan. Murrizketetatik gatoz DSBEan: %7 gutxitu zen, desbinkulatu zen gutxieneko soldatatik, eta irizpideek murrizten dute jasotzaile kopurua.  59.000 pertsonak ez dute DSBE jasotzen eta sistemaz kanpo geratzen ari dira, eta ez dira horientzako neurririk proposatzen. Pobrezia errealean dauden 10etik 7k jotzen dute babes bila, besteek ez. Baldintzak betetzen dituzten jende askok ez dituzte prestazioak eskatzen. Prekarietatea eta pobrezia luzerako dugu, gero eta handiagoa da arrakala soziala. Oso egoera larrian gaude.

Badaude proposatu diren neurrien artean sentsazio ona egin didatenak, eta beste batzuk oilo-ipurdia jartzen didatenak. Horien artean, bizikidetza unitatearenak ez du errealitatearekin zerikusirik. DSBE aurrekontuen arabera geratuko bada, orduan bermea izateari utziko dio, lege honen helburua baitzen boterean zegoen taldearen borondatearen araberakoa ez izatea. Txalotzen ditut errefuxiatuei buruzko neurriak, orain falta dena da errefuxiatu horiek iristea.

Legitimitateak kezkatzen nau, Arartekoak dio ahalegina egin behar dela, imaginario kolektiboa era batera eraiki delako, erein delako irudi negatiboa eta horri buelta ematen lana dago. Gure eskuak zabalik daude elkarlanerako, Artolazabal anderea: Karramarroaren estrategian ez gaituzu aurkituko, kontrol eta iruzur faltsuan ez gaituzu aurkituko, baina babes sisteman aurrrera egiteko hor egongo gara.

 

Laura Garrido, PP: "Patxi Lopezekin aurrerapenak izan ziren eta aukera genuen EAJrekin bide horretan sakontzeko"

"Dokumentazio zabala da eta aztertu behar dugu sakon. 2016ko abenduaren 15eko akordioaren ondorio da gaurko proposamena. Berandu dator, aurreko legegintzaldian ikusten zelako dagoeneko irizpideak finkatzeko beharra eta ez delako debaterik ireki Marotok aurkeztutako 40.000 sinaduren ostean. Aurkeztutako proposamena sakon aztertu behar da adierazpenak egin aurretik, baina faltan bota ditut lanean txertatzeko politikak eta DSBEn kronifikatutako jendearen gaia. Arreta deitu dit ez-bidezko ordainketak preskribitzeko proposamenak, zergatik planteatzen da hau? Lanbidek zailtasuna duelako hauek kudeatzeko? Beste diru laguntzekin enkajeak egin behar direla esan duzuenean, pentsatzen ari zarete inkonpatibilitateak planteatzea beste administrazioetatik etorritakoekin, esaterako, udal mailakoak...? Berandu ari gara, Patxi Lopezen garaian egin genituen aldaketekin guk harago joan nahi izan genuen baina aurrerapenak izan ziren, eta aukerak genituen aurreko legegintzaldian zuekin bide horretan sakontzen joateko".

Gloria Sanchez, Talde Sozialistako Sanchez: "Nire galdera da erakunde eta elkarteekin nola egingo den hurrengo fasea, parte-hartzearena"

"Ez da fokoa jarri behar %1eko iruzurrean eta bitartean ahaztu DSBE behar duten milaka familiekin. Sozialistek espero dugu ikuspegi global honek talde guztiok dugun konpromisoa sakontzen lagunduko duela: Inongo herritarrek ez dezala jaso behar ez duen euro bat, eta euro hori behar duen herritarrak ez daitezela gelditu berau jaso gabe. Prekarietatea da gehien handitu dena, eta prekarietateak ekartzen du langile askok behar izatea DSBE, baita jubilatzen direnean ere". Positiboki baloratu ditu, banaka banaka, egin diren aldaketak. Duda bakarra aurrera begira planteatu du: "Erakunde eta elkarteekin nola egingo den hurrengo fasea, parte-hartzearena".

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: DSBE  |  Eusko Legebiltzarra

DSBE kanaletik interesatuko zaizu...
2018-10-03 | ARGIA
Lanbidek DSBE eta EPO laguntzak kendu dizkio NANa galdu zuen emakume bati

Pasaportea, poliziaren ziurtagiria eta NANaren kopia aurkeztuta ere, Lanbidek ez zizkion paperak onartu. Bazterketa sozial egoera larrian den emakumea diru-laguntza barik uzteko erabakia berrikusteko eskatu dio Arartekoak Euskal Enplegu Zerbitzuari.


2018-08-29 | ARGIA
Beheranzko joerari eusten dio Diru-Sarrerak Bermatzeko Errenta jasotzen dutenen kopuruak

2015ean jo zuen goia EAEn Diru-Sarrerak Bermatzeko Errenta jasotzen dutenen kopuruak (66.373 lagunek behar zuten orduan). Ordutik, beherantz egin du kopuru horrek eta uztailean ere hala izan da: 57.377 izan dira DSBE jaso duten pertsonak, 2012 urteko kopurua berdinduz.


2018-05-17 | ARGIA
Argilan-Esk plataformak borondate politiko falta jo du pobreziarekin amaitzea eragozten duen arrazoi nagusitzat

Diru sarrerak bermatu eta jendarte inklusiorako EAJ eta PSEk aurkezturiko Lege Proposamenak ez duela ez pobreziarekin, ez bazterketarekin, ezta Lanbideren tratu txarrekin amaituko adierazi dute plataformako kideek.


2018-03-15 | Estitxu Eizagirre
Euskal Herriko pobreenak 65 urtez gorako emakumeak dira

1.080 eurokoa izatea gutxieneko pentsioa. Zenbaki horretan jarria du duintasunaren marra Pentsionistak Martxan plataformak. Eta larunbat honetarako manifestazio masiboak espero dira. Marra horretatik urrunen emakumeak daude, EAEko pentsioen arrakala Espainiako handienetakoa baita. Hara zer dioten datuek:


2018-03-14 | Estitxu Eizagirre
"Pobreziarik eta bazterketarik gabeko herri bat" exijitu diote Jaurlaritzari gizarte eragileek

Pobrezia eta bazterketarik gabeko herri baten alde manifestua plazaratu dute gizarte eragileek martxoaren 14an, Bilboko La Bolsa gizarte zentruan. Diru Sarrerak Bermatzeko Oinarrizko Errentaren erreformak ekar ditzakeen murrizketei aurre egiteko elkarretaratzea deitu dute martxoaren 21ean, 10:30ean Jaurlaritzaren Bilboko egoitza aurrean (Gran Via 85). Bertan, manifestua Iñigo Urkullu lehendakariari eta Beatriz Artolazabal Enplegu arduradunari bidaliko diete, Eusko Jauralitzaren... [+]


2018-03-05 | Estitxu Eizagirre
"Lanbideren aurrean biluzik" ekintza egin dute Barakaldon, emakumeen egoera salatzeko

@EcuadorEtxea-ren bideoan ikus daitezke emakumeak "biluzten" Lanbidek Barakaldoko Beurko auzoan duen bulegoaren aurrean, martxoaren 5 goizean. Berri-Otxoak taldeak eta Argitan Emakumeen Etxeak deitu duten ekintza honekin salatu dute emakumeek pairatzen dituzten prekarietatea, pobrezia eta murrizketak.


Eusko Legebiltzarra berriz ere gauza bera egitera doa

Argilan-ESK Bizkaia sindikatuko kide modura idatziriko iritzia. (Erredakzioan itzulia)


2017-07-04 | Estitxu Eizagirre
Prebarikazioagatik salatu ditu Lanbideko zuzendari nagusia eta prestakuntza zuzendaria herritar batek

Jasotzen zuen Diru Sarrerak Bermatzeko Errenta eteteko prozeduran prebarikazioa, dokumentu bat faltsutu eta estali izana egotzi die herritarrak Borja Belandia eta Juan Ibarretxeri.


2017-06-25 | Juan Mari Arregi
Eusko Jaurlaritzak bere buruari jartzeko moduko DSBE bat

Diru-sarrerak Bermatzeko Errenta (DSBE) jasotzen duten EAEko 62.924 pertsonek laster ikus dezakete euren prestazioa murriztuta –634 euro inguru pertsonako– EAJ-PSEren gobernuak PPren babesarekin sustaturiko erreforma dela-eta. Horixe salatu du berriki Euskal Herriko Eskubide Sozialen Kartak, Lanbideren Bilboko egoitza aurrean; babes sozialeko sistema publiko bat ere eskatu du mugimenduak.


Eguneraketa berriak daude