Alconzako langileek Irizar Taldearen “kudeaketa negargarria” salatu eta grebara joko dute
Berangoko Alconza enpresako zuzendaritzak lantaldeko 38 lagun kaleratzeko espedientea zabaldu duela-eta, langileek grebara joko dute astelehenetik aurrera. Salatu dute Irizar Taldeak 2013an enpresa bereganatu zuenetik lan-baldintzak prekarizatu baino ez dituela egin.
"Urteak daramatzagu lanpostuak eta lan baldintza duinak bermatuko dituen negozio bideragarri bat eta plan industrial bat erreklamatzen Irizar Taldeari", azaldu dute Alconzako langileek; baina euren esanetan itsasontzientzako motorrak egiten dituen Berangoko enpresarentzat iragarritako "berrekite plana" aitzakia bat baino ez da, "lanpostuen suntsiketa" ekarriko duena.
Alconzako zuzendaritzak 38 langilerentzako Enplegua Erregulatzeko Espedientea (EEE) aurkeztu du, gaur egun lantaldea osatzen duten 98 langileen herena baino gehiago da hori. Sei urtez galerak izan ondotik, neurriak hartu nahi ditu hiru urte barru errentagarri izaten hasteko.
Aitzitik, errentagarritasun hori beste modu batean aurkitu du Irizar Taldeak langileen ustez: euren bizkar. "2013an erosi zuen Alconza taldeari balio erantsi bat eman ziezaion. Irizar Alconzan sartu zenean 250 langileko enpresa zen, merkatuan erreferente eta errentagarritasun handikoa. Baina egindako kudeaketa negargarriak egun bizitzen ari garen egoerara ekarri gaitu", azaldu dute.
Hala, euren esanetan, langileen lan-baldintzak prekaritzatu dituen bitartean –2020an soldatak %15 jaistea proposatu zuen, esaterako–, enpresa bereganatzekoan aurkitu zituen 10 milioi euroen adina mozkin banatu ditu Irizarrek mozkinetan: "Alconza erosi zuenean zer bilatzen zuen Irizar Taldeak?", galdetu dute.
Langileek adierazi dute ez dutela onartuko lanpostuak suntsitzen dituen plan industrialik, eta otsailaren 28tik aurrera greba mugagabeari ekingo diote.
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]