ARGIA.eus

2022ko maiatzaren 25a
Baserriko Plaza

Alarma egoeran tokiko baserritarren produktuak eskuratzeko webgunea

  • Koronabirusaren ondorioz merkatu eta plaza asko itxi diren honetan, baserritarren egoera samurtzeko webgune bat sortzea proposatu zien Ana Juadristi informatikariak. EHKOlektiboko kideekin harremanetan jarri eta baserritarrei produktuak internetez erosteko gunea sortzeari ekin zioten. Martxan da webgunea: baserrien fitxak sortzen ari dira orain, katalogoa definitzen, baserritarrekin prezioak adosten... Sistemak ongi funtziona dezan hamaika hari daude oraindik lotzeko, eta horretan laguntzeko jendea behar dute.

Garazi Zabaleta @tirikitrann
2020ko martxoaren 26a

Koronabirusaren hedapena saihesteko alarma egoera ezarri eta gutxira audio mezu bat jaso genuen gutako askok mugikorrean: “Mezu hau bidaltzen dugu egoera berezi honetan elkartu garen baserritar eta hainbat arlotako eragileek, martxan jarri nahi dugun ekimen baten berri emateko. Asmo zehatz bat dugu: tokiko baserritarron elikagaiak jendartearengana iritsaraztea”. EHKOlektiboko kide baten mezua zen, baina egitasmoa Euskal Herriko baserritar guztiei zabaldu diete. Jada martxan dago eta badu izena: Baserriko Plaza.

Azoka sarean: baserrikoplaza.eus

Ana Juaristi Olalde informatikariak sortu du baserrikoplaza.eus webgunea, software librearen munduan diharduten beste kide batzuekin elkarlanean. “Josebe Blanco ekoizlearen txio bat ikusi nuen: merkatu eta plazak itxi diren honetan genero asko alferrik galtzen ari zela eta baserritarrak gaizki zebiltzala zioen”. Hori ikusita, baserritarren egoera samurtzeko bere ekarpena egin zezakeela pentsatu eta webgune bat sortzeko proposamena egin zien Olaldek. EHKOlektiboko kideekin harremanetan jarri eta baserritarrei produktuak internetez erosteko gunea sortzeari ekin zioten.

Webgunea martxan dute dagoeneko. Baserrien fitxak sortzen ari dira orain, katalogoa definitzen, baserritarrekin prezioak adosten eta sortzen ari zaizkien lan guztiak kudeatzen. “Egokiena litzateke herri guztietan bolondres taldetxo bat sortzea hau guztia bere inguruan antolatzeko, produktuak fisikoki banatzeko mugimenduak mugatuak ditugun honetan hori ere elkarlanean antolatu behar genuke eta”. Momentuz, kudeaketa horiek antolatzen ari dira, eta herrietako zaintza sareekin ere kontaktuan daude.

Txarretik gauza onak ateratzeko aukera

Herrietan bertako ekoizle txikien produktuak zabaltzeko lanean ari direnentzat tresna berri eta erosoa da Baserriko Plaza. Urgentziazko egoera honetan sortu bada ere, Juaristik ez du baztertzen baserritarrentzako tresna egokia bada eta ongi funtzionatzen badu aurrera begira ere mantentzeko aukera: “Beraiek nahi duteneraino irits daiteke, baserritarrek ikusi beharko dute tresna honek balio dien, gerora erabiltzen jarraitu nahi duten... Dena dela, egia da momentu honetan helburu nagusia krisialdi honen kurba ahal den moduan txikitzea dela”.

Erreminta honek funtziona dezan nahitaezkoa da Euskal Herriko eskualdeetako ekoizle eta baserritarrak bertan egotea, eta herritarrei proiektua ezagutaraztea. Bestetik, sistemak ongi funtziona dezan hamaika hari daude oraindik lotzeko, eta horretan laguntzeko jendea behar dutela dio Juaristik: informatikariak, baserritarrei webguneko fitxak betetzen lagunduko dietenak edota herrietako banaketak antolatzeko jendea... baserrikoplaza@gmail.com helbidea, 688 867020 telefonoa edo webgunean jarri duten fitxa dira harremanetarako bideak.

 

Kanal hauetan artxibatua: Baratzetik mundura  |  Euskal Herria  |  Koronabirusa

Baratzetik mundura kanaletik interesatuko zaizu...
2022-05-19 | Garazi Zabaleta
Izpiliku kosmetika naturala
“Kosmetikan ere, produktuen jatorriari gero eta gehiago erreparatzen zaio”

Orendaingo familia bat dago Izpiliku kosmetika naturalaren atzean. Jarduerarekin modu ofizialean berriki hasi badira ere, proiektuaren erroak duela zazpi bat urte kokatzen ditu Naiara Lizarribar Garmendia kideak: “Amak azaleko arazo asko izan ditu, eta dermatologo batetik... [+]


2022-05-13 | Garazi Zabaleta
Baratzan Blai
“Kontsumitzaile-ekoizle harremana kooperatiboago egitea da gure asmoa”

Bizitza proiektu kolaboratiboa da Artiedako “Arterra Bizimodu“ eta bere baitan bada baratzeari eta elikagaien ekoizpen agroekologikoari begirako egitasmo bat: Baratzan Blai. 2016an abiatu zuen ekoizpena Adrian Aretak, Arterrako kideei eta bertako jangelari elikagaiak... [+]


2022-05-12 | Garazi Zabaleta
Balerdipeko Erleak
“Erlezaintza modernoa landuz honetatik bizitzea da gure erronka”

Inaxio Arin eta Mattin Jauregi gazteak daude duela urtebete inguru jaio zen Balerdipeko Erleak proiektuaren atzean. “Duela lauzpabost urte nire kasa erlauntza pare bat jarri eta erlezaintzaren inguruko ikastaroetan izena eman nuen”, azaldu du Jauregik. Arin laguna... [+]


2022-04-29 | Garazi Zabaleta
Azoka ibiltaria
Hasi da Nafarroako Mendialdeko ekoizle eta artisauen plaza bira

2019an abiatu zen Nafarroako iparraldean Mendialdeko Azoka Ibiltariaren lehen edizioa. Aurtengoan, hirugarrena abiatu berri da, apirilaren 24an Atallun (Araitz) egin zen lehen azokarekin. Cederna Garalur Landa Garapenerako elkartea, eskualdeko hamar udal, Habelarte baserritar... [+]


2022-04-19 | Garazi Zabaleta
Herri lurrak eta bertako basoa berreskuratzeko proiektua Bergaran

Pandemia dela eta ez dela, gero eta jende gehiago ari da hurbileko mendietara jotzeko ohitura hartzen, eta dirudienez, gure basoen egoeraren inguruan hausnartzeko aukera ere ematen ari da. “Pinuaren gaitzak zuhaitzok hondatu edo egoera oso kaxkarrean utzi ditu, eta... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude