LABek haur eskoletako lan hitzarmena adostu du, bi greba egunen atarian
16 urteren ostean, Eusko Jaurlaritzak eta Haurreskolak Partzuergoak akordioa erdietsi dute astelehen iluntzean lan-hitzarmena berritzeko. Greba deituta zegoen asteazken eta ostegun honetarako, eta indarrik gabe utzi dituzte bi deialdiak. STEILAS akordioarekin ezkor agertu da, baita ELA ere: "Gehiago lor zitekeen; aukera galdu da".
aurre egingo dieten hedabide independenteak
"Borroka sindikalak merezi izan du", adierazi du LAB sindikatuak astelehen arratsean ohar bidez, eta jakinarazi akordiora iritsi direla sindikatu horrek gehiengoa –kideen erdia baino gehiago– duen Haurreskolak Partzuergoa eta Eusko Jaurlaritza. "Azken urteetan hamaika greba eta mobilizazio burutu ostean, azken biak pasa den urtarrilean eta eskola publikoko greba ziklo honen otsaileko bi greba egunen atarian, Eusko Jaurlaritza posturaz aldatzera behartu dugu", esan du LABek.
Gauzak horrela, ohar horrekin adierazi du bi greba deialdiak bertan behera uzteko borondatea, baita STEILAS sindikatuak ere bere aldetik, adosturiko puntuek erabat asetzen ez badute ere. ELA sindikatuak asteartean baloratuko du akordioa.
Langile gehiago eta ordu gutxiago
Hamasei urteren ostean, Haurreskolak Partzuergoak lan-hitzarmen berria izango du 2026ko urtea amaitu bitartean. LAB sindikatuak jakitera eman duenez, "osotasunean" berritu dute hitzarmena, eta, besteak beste, lan zama arintzeko neurriak hartuko dira, urteko lanaldian 100 ordu jaitsi eta sei jai egun gehiago izatearekin batera.
Erosahalmena berreskuratzeko, bestalde, haurreskoletako kudeaketa alorreko langileen soldatak administrazio orokorrekoekin parekatuko dira, LABen esanetan, gizarte- eta formakuntza-funtsak berritzearekin batera. Horrez gain, langileen baimen eta lizentziak ere igo egingo dira Hezkuntza saileko hezitzaileen pareraino.
Lanpostuak, aldiz, handitu egingo dira: 64 gehiago. "Behin-behineko kontratu kopuru hori estrukturala bilakatzea lortu dugu", LABen arabera: "Behin-behinekotasun tasa %5era mugatzea jasotzen da hitzarmenean, eta hurrengo oposizio eredua negoziatu eta adostea".
"Eduki nahikorik ez", ELAren eta STEILASen esanetan
"Akordio hobea merezi zuen greba dinamikak", adierazi du ELA sindikatuak astearte goizean, eta greba dinamika "gehiago" eta "indartsuagoen" premia aldarrikatu du. "Grebetan eskatutako eduki nagusiak ez ditu jasotzen akordioak; horrela, erosahalmena berreskuratzeko neurririk ez dago, lan zamak modu eraginkorrean arintzeko ratio hobekuntzarik ere ez, ezta enplegua bermatzeko eta egonkortzeko neurririk ere", adierazi dute.
"Aukera galdu da" STEILASen esanetan, adosturiko edukiek ez dituztelako grebara eraman dituzten aldarrikapenak asetzen; besteak beste, plantillak esleitzeko irizpide diren ratioak geroago negoziatuko direla seinalatu du.
"Gure eskaera argia da: momentu oro bi hezitzaile egotea gelan, eta prestakuntza eta koordinazio orduak ordezkatuko dituen lanpostuak sortzea; azken esaldi hori berme juridikorik gabeko terminologian proposatu dute, eta ez guk eskatzen genuen zilegitasunarekin", adierazi du STEILASek.
Jaurlaritza: "Elkarrizketaren emaitza izan da"
"Akordio hau aspaldi landutako negoziazioen emaitza da", esan du Begoña Pedrosa Eusko Jaurlaritzako Hezkuntza sailburuak, eta pozik egoteko akordioa dela: "Oso berri ona da, haurreskolen zerbitzua hobetuko dugulako, eta etorkizunerako kalitatea ere bai".
Aurrera begira, Pedrosaren esanetan, plantillak esleitzeko irizpideak negoziatzeko egutegia adostuko du Jaurlaritzak sindikatuekin batera. "Giza-baliabideen banaketa zuzena eta efizientea" beharko direla seinalatu du.
Aurrekoan idatzitako Irakasleon figura artikuluaren harira, kontu esanguratsu bat landu nahiko nuke. Artikulu horretan aipatu bezala, jende askoren ahotan dabil irakasleon lan karga baxua dela (gehienbat hezkuntza publikokoena), eta ditugun pribilegioak gehiegizkoak direla. Ez... [+]
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Palestinan bideratzen ari den genozidioa salatu dute Euskal Herriko Unibertsitateko ordezkariek. Hainbat neurri hartuta ditu EHUk eta tartean, batzorde bat sortzeko proposamena egina dio errektoretzak Palestinaren aldeko unibertsitate mugimenduari, aurretik ere unibertsitateak... [+]
DBH, Batxiler eta Lanbide Heziketan irakasle izateko ez dela zertan irakaskuntzan formakuntzarik jaso, aski dela ikasgai horretako edukiak menperatzearekin. Hori legeztatzeko eskatu diote Espainiako Gobernuari hainbat erkidegotatik, eta gaia lehen planora ekarri berri du ELGAk,... [+]
Ikama ikasle antolakundeak deituta, ikasleak Palestinaren alde mobilizatu dira astearte honetan, Hego Euskal Herriko hainbat ikastetxe eta unibertsitatetan. “Denon erantzukizuna da egoerari buelta emateko salaketa egin eta mobilizatzea”.
Aintzane Mariezcurrena Afan elkarteko psikologoak nabarmendu du “oso garrantzitsua” dela txikitatik alzheimerrari loturako zalantzak argitzea eta gaiaz hitz egitea, haurrek beldurrik izan ez dezaten.
DBHko 4. mailan eremuka irakastea planteatzen duen curriculum agindua bertan behera utzi du Kataluniako Auzitegi Nagusiak, aurrez Batxilergoan egin zuen gisan. Eremukako proiektuen aurkako salaketa Aspepc DBHko irakasle katalanen sindikatuak jarri zuen.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Hilotan, euskara sarritan izan dugu albiste. Txarrerako, euskaltzaleon artean nagusi den aldarte ezkorra ikusita. Baina euskararen egoera txarra dela ez da kontu berria, datuen bitartez beste zerbait iradoki den arren.
Har dezagun, adibidez, hizkuntzak irabazi ei dituen... [+]
Irailaren 1ean hasi dute ikasturtea Ipar Euskal Herrian, euskarazko eskaintzari dagokionez, hainbat berrikuntzarekin. Esaterako, Sohüta eta Luhusoko haur eskola publiko banak euskarazko murgiltze eredua eskainiko dute, eta Hazparneko Armand-David laborantza lizeoak euskaraz... [+]
Gordin esan dute Aiaraldeko ikastetxeok: euskalduntzea “arriskuan dago” eta ikastetxeek, bakarrik, ezin diote aurre egin “egoera larriari”. Autokritika egin, eta hamar konpromiso hartu dituzte, hezkuntza komunitateek praktikara eramatekoak. Era berean,... [+]
UEUk eta BadaLabek ikertzaile gazteei zuzendutako diziplinarteko ikerketa-proiektuen II. deialdia egin dute. Honen helburuak dira ikertzaile euskaldun gazteen arteko harremanak sendotzea eta ezagutza-arlo ezberdinetako ikertzaileak elkarlanean aritzea. Irailaren 22ra arte... [+]
Testuliburuen mailegutza, berrerabilera edota bigarren eskuko azokak ugaritu badira ere, ikasmaterialak gastua izaten jarraitzen du etxe askotan, dirulaguntzak dirulaguntza. Eskola-itzulerak batez beste 400 eta 500 euro arteko gastua ekarriko du Hego Euskal Herriko etxeetan,... [+]
Bost sexologoren formazioa jasoko dute Nafarroako hamabi ikastetxetako irakasleek: sexualitatea ikasleekin lantzeko edukiak eta proposamen pedagogikoak eskainiko dizkiete. Skolae programaren segida izango da, nolabait.