EAJk "kolaborazioa eta kooperazioa" eskaini dio Espainiako presidenteari, baina ez "irentsi beharreko" erabakiekin bat egitea. Espainiaren "berreraikitze sozial eta ekonomikoa" adosteko bildu nahi ditu Sánchezek alderdiak. EH Bilduk ezetz esan du. Kongresuan egindako bilkuran alarma egoera apirilaren 26ra arte luzatzeko bermea lortu du Espainiako Gobernuak.
Sánchezek Espainiako Kongresu kasik huts batean eskatu die, ostegun honetan, ordezkaritza duten alderdiei Espainiaren "berreraikitze sozial eta ekonomikoa" adosteko bildu daitezela datorren astean: "Batasunak izan behar luke gure bandera", adierazi du. Proposamenak, baina, ez du arrakasta handirik izan, ez eskuineko alderdien artean, ezta ezkerreko independentisten artean ere.
EAJ biltzearekin ados dago, baina oraingo instituzio eta bideak erabiliz, eta ez 1977ko Moncloako Paktuen antzeko ezer sortuz: "Ez dugu irentsi beharreko ezer nahi", adierazi du Aitor Estebanek. EH Bilduk, aldiz, hasieratik ezezko borobila eman dio proposamenari. Oscar Matute, koalizio abertzalearen bozeramaile da: "Gu ez gara egongo Moncloako beste akordio batean, birzentralizazio eta neurri neoliberal gehiago kamuflatzea bilatzen delako".
Alarma egoeraren beste luzapen batzuk
Kongresuko bilkuran, Sánchezek nahikoa berme lortu du koronabirusaren krisiagatik ezarritako alarma egoera apirilaren 26ra arte luzatzeko, eta hortik aurrera, Espainiako Gobernuak deskonfinamendurako nola jokatuko duen argibide lausoak eman ditu.
Azaldu duenez, exekutiboa egoera ezberdinei aurre egiteko "plan bat" diseinatzen ari da, baina ohartarazi du balitekeela hamabost egun barru alarma egoeraren beste luzapen bat eskatu behar izatea. Nolanahi ere, astez aste koronabirusak utzitako gaixo eta hildakoen datuen arabera normaltasunera itzultzeko urratsak emango direla azaldu du, baina ez dela "orain arte ezagutu dugun normaltasuna" izango. Normaltasun erabatekoa txertoak ekarriko duela ziurtatu du espainiar presidenteak.
Orain Senatura bidean joango da legea, han PPk ahal duen neurrian atzeratuko du –bi bat hilabetez– eta gero berriz itzuliko da Espainiako Kongresura azken onarpena izan dezan.
Egungo Espainiako Gobernua osatzea ahalbidetu zuten alderdi gehienek onartu dute EAJk hirugarrenez aurkezturiko proposamena Espainiako Kongresuan, baina zalantzak daude hemendik aurrera PSOEk hartuko duen jarreraren inguruan, beste aldietan sozialistek ez baitute urrats gehiago... [+]
Espainiako Kongresuan egiten ari diren eztabaidan oihartzuna izan du Iruñeko alkatetza aldatzeko PSNren eta EH Bilduren arteko akordioak. Alberto Nuñez Feijóok esan du "akordio enkaputxatu" bat dela. Patxi Lópezek, berriz, ukatu egin du... [+]
Espainiako Kongresuan hizkuntza gehiago mintzatu daitezke joan den astetik: euskara, galiziera eta katalana, aldibereko interpretazioarekin norabide bakarrean. Asturierak eta aragoierak, estatus txikiagoa erdietsi dute: diputatuek erabil ditzakete, itzulpena jarraian ematen... [+]
11:30ean izan da kargua hartzeko ekitaldia Nafarroako Parlamentuan, eta gonbidatu gisa joan dira hainbat ordezkari politiko, tartean Iñigo Urkullu EAEko lehendakaria. Kontseilari berriak ere izendatu dituzte: lau Geroa Baik gidatuko ditu eta bat Zurekin Nafarroak;... [+]