Negoziazioek huts eginda, hezkuntza sindikatuek bost greba egunetarako deia egin dute
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
Deialdia heldu da EAEko ikastetxe publikoetako sukalde eta garbiketako langileentzat akordioa lortu eta berehala. ELA, LAB, STEILAS eta CCOO sindikatuek unibertsitatez kanpoko hezkuntza publikoko 27.000 irakasleri egin die deia, martxoaren 25ean, 26an eta 27an, eta apirilaren 1ean eta 2an greba egiteko.
Martxoaren 17ko astean, hainbat egunez, Eusko Jaurlaritzako Hezkuntza Sailarekin bildu ziren sindikatuak negoziazio mahaian, greba deialdia iragarri eta gero. Aste horretako bilkuren harira, ELA sindikatuaren ustez “proposamen onargarrietatik urrun” zegoen Hezkuntza Saila. LABek “zehaztasun eta borondate falta” nabarmendu zituen negoziazio mahaietatik.
Azken proposamena
Hezkuntza Sailaren azken proposamena berriz, astelehen honetan bertan eztabaidatu dute, greba baino egun bat lehenago. Luze aritu dira, zazpi ordu baino gehiagoz egon baitira bilduta sindikatuetako eta Hezkuntza Saileko ordezkariak, goizeko 2:30 aldera arte, eta hurbilketak egon diren arren, azkenean ez dute lortu hitzarmen berri bat hezkuntza publikoko irakasleentzat, beraz greba mantentzea erabaki dute sindikatuek.
STEILASek Berrian adierazi duenez, “esfortzu guztiak egin ondoren, jarritako neurriak ezeztatu dituzte ordu luze hauetan, eta onartutzat ematen zena bertan behera utzi dute”.
Hezkuntza Sailak, bere aldetik, oharra kaleratu du, sindikatuen jarrera gogor salatuz. Greba "arrazoirik gabea, neurriz kanpokoa eta arduragabea" dela dio.
Mobilizazioen xehetasunak
Martxoak 25: 11:30ean manifestazio zentralizatua Bilbon, Lurralde Ordezkaritzatik.
Martxoak 26: 11:30ean manifestazioak lurraldeka, Bilbon (Arriaga plazatik), Gasteizen (Bilbo Plazatik) eta Donostian (Bulebarretik).
Martxoak 27: 11:30ean manifestazio zentralizatua Donostian, Bulebarretik.
Apirilak 1: 11:30ean manifestazioak lurraldeka Bilbon (Arriaga plazatik), Gasteizen (Bilbo Plazatik) eta Donostian (Bulebarretik).
Apirilak 2: 11:30ean manifestazio zentralizatua Gasteizen, Europa jauregitik.
Ipar Euskal Herriko ikastolen aldeko bestaren 42. edizioa iraganen da maiatzaren 11n Senperen.
Ikaslea zenbat eta adinez txikiagoa izan, orduan eta feminizatuagoa da irakasle lana: Haur Hezkuntzan, 10 irakasletik 9 baino gehiago emakumeak dira munduan, Lehen Hezkuntzan %67a eta DBHn %54a. “Kuriosoa da, zaintza oinarri duten beste lan batzuetan (erizainak, erizain... [+]
EAEko Auzitegi Nagusiak agindu ostean eskola kirolaren aurkako epaia berehala betetzeko, Gipuzkoako Diputazioak jakinarazi du erabakia "onartu eta errespetatu" egingo duela, helegiterik ez duela aurkeztuko, eta aurrez Espainiako Auzitegi Gorenean jarritako kasazio... [+]
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Gipuzkoako sorrera prozesuari buruzko bere doktore tesia aitzindaria izan zen, lurralde historikoen bilakaera ulertzeko. Deustuko Unibertsitateko irakaslea, historialari askorentzat eredu izan da bere lan egiteko eta irakasteko modua. Igande honetan hil da Elena Barrena Osoro... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Hirugarren greba zikloa iragarri dute Steilas, ELA, LAB eta CCOO sindikatuek maiatzaren 12tik 16ra bitartean, hezkuntza publikoa indartzearen alde. Azaldu dute Hezkuntza Sailak helarazitako azken proposamenak ez diela euren aldarrikapenei erantzun egokirik ematen.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Garai kuriosoak bizi ditugu eta bizi gaituzte, zinez. Hezkuntza krisian dela dioten garaiak dira eta, gutxien-gutxienean, aliritzira, ba aizue, 2.361 urte ditu gaurgero boladatxoak.
Ez zen ba debalde joan Aristoteles bere maisu maite Platonen akademiatik lizeo bat muntatzeko... [+]
Lehengai anitzekin papera egitea dute urteroko erronka Tolosako Lanbide Heziketako Institutuko kimika industrialeko ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota eskoletan kiloka... [+]
“Ba al zenekiten testuliburu gehienetan ia ez dela aipatzen armen industriak egungo gatazketan duen rola? Edo oso gutxitan jartzen dela zalantzan gerra ezinbestean gertatu behar dela esaten duen narratiba?”, dio Gerrarik Ez Araba elkarteak. Bestelako narratibak,... [+]
UEUren 53. Udako Ikastaroak izango dira aurtengo udakoak. Zein jardunaldi eta ikastaro izango diren jakinarazi berri dute. Matrikulazioa aurrerago, maiatzean.
“Etapa berri baten hasiera” eta “historikoa” moduko hitzekin aurkeztu du Eusko Jaurlaritzaren Hezkuntza Sailak Euskal Eskola Publikoa Eraldatzeko I. Plan Estrategikoa, Eusko Legebiltzarrean. Edukiak oraindik ontzeko eta zehazteko daudela, plana hamar... [+]