ARGIA.eus

2020ko uztailaren 06a
Jon Irazu

"Aizkora, beste kirol guztiak bezala, nahiko ilun dago"

  • "Herriko festa guztiak-eta bertan behera geratu dira. Hortxe ikusten genituen lau sosa gastuei aurre egiteko, herri kirol erakustaldiak-eta eginez, eta momentuz ez da ezer izango, eta ez dakit zer gertatuko den".

ARGIA @argia
2020ko ekainaren 04a

Ataria Irratiko Desafioa herri kirol saioan elkarrizketatu du Joxe Anjel Sarasolak Jon Irazu aizkolari zizurkildarra. Irazuren hitzetan, herriko festetako emanaldiak "entrenatzeko aitzakia" izaten dira, "baita aurkariekin konparatzekoa" ere. "Gauza askotarako balio izaten du, eta aurten hori ere ez da izango. Aizkorarako ilusiorik gabe gaude".

"Txapelketek gastu handia dute, egurrak asko kostatzen dira, eta aurrera ateratzeko lagungarria izaten da udalek ematen duten laguntza, dio Irazuk. "Euskadiko Federaziotik esan zuten ez zekitela ezer. Gu ere hortxe gaude, ez dakigula dena emanda entrenatzen hasi edo zer egin behar dugun. Txapelketa jokatzeko egurra eta aizkora erostean, hiru-lau mila euro joateko ez da ezer ere behar". Ez badute entrenatzen eta gero txapelketa antolatzen bada, mailarik ez du izango aizkolariak. Baina entrenatzen badu dena emanda, eta gero txapelketarik ez bada, galerak pilatuko ditu. "Pilotari bat geldirik badago, gero kantxara ateratzen denean, ikusten zaio erritmo falta, kantxan pixka bat galduta dagoela", dio ildo horretan Irazuk. "Aizkolariei ere berdina pasatzen zaigu".

"Ikusten dugu futbola eta beste kirol batzuk ateak itxita jokatuko direla; ez dut uste herri kirolak gaitasuna duenik ateak itxita aurrera ateratzeko", jarraitu du aizkolariak. Apustuak aukera bat izan daitezkeen galdetuta, jenderik gabe apustuak egitea zaila dela dio. Ondo prestaturik egotea komeni da gainera: "Txapelketan ez baduzu aurrena egiten, ez da ezer gertatzen, egun txarra duzulako edo zorte txarra izan daiteke. Apustua ez baduzu irabazten, galtzailea zela, eta niri pertsonalki askoz serioagoa iruditzen zait".

Aizkorak bizi duen egoerari errepaso ederra egin dio Irazuk Atarian. "Herri kirolak hemengo kulturaren parte dira. Baina uste dut kultura hori asko galtzen ari dela", esan du. "Lehen saiatzen zen ekitaldia oso polita jartzen, maila bereko aizkolariekin. Orain herri askotan egiteagatik egiten da, eta beste toki batzuetan egiteari utzi zaio".

>>> Entzun elkarrizketa osoa (25:37)

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Herri kirolak  |  Zizurkil  |  Koronabirusa

Herri kirolak kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude