ARGIA.eus

2020ko ekainaren 01a

Geure esport , herri kirolei buruzko aldizkari berria

  • Urrezko Aizkorak tarte handia izango du aldizkarian eta hilabetean behin argitaratuko da.

Nahia Ibarzabal @NahiaIbarzabal
2018ko ekainaren 15a
Geure esport aldizkariko postada (Argazkia: Geure esport)

Luis Mari Bengoa, Gerardo Bengoa eta Jon Leunda izan dira hilabetekariaren sortzaileak eta jakinarazi dute doan banatuko dutela.

“Duela zazpi-zortzi urte egin genuen beste saiakera bat aldizkaria sortzeko”, baina orduan ez zela aurrera irten azaldu dute Berriari. Herri kiroletako proba ugari astebururo egin arren, “komunikabide gehienek tarte txikia ematen digute”, salatu du Bengoak eta jendeak jakin behar duela herri kirolak “bizirik” daudela.

Aldizkarian barnebildutako artikuluak, euskaraz zein gaztelaniaz irakurri ahal dira eta ingelesez ere laster argitaratuko dituzte zenbait testu. “Izan ere, landetxeetan eta hoteletan utzi nahiko genuke aldizkaria, kanpoko bisitariek herri kirolen berri izan dezaten”.

Geure esporten orrialdeetan iritzi artikuluak, kronikak, elkarrizketak, txapelketetako emaitzak eta hurrengo asteetarako agenda argitaratuko dituzte. “Hamasei orrialde ditu aldizkariak, baina aurrera begira baliteke gehiago izatea”.

Bengoak adierazi duenez  jendeak “oso ondo” hartu du aldizkaria. “Segitzeko animatzen gaitu herri kirolen jarraitzaileak, eta gure ilusioa izango litzateke denbora luzez jarraitzea”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Herri kirolak

Herri kirolak kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude