Aitor Esteban EAJko presidente berriak batasunerako deia egin du alderdiaren IX. Batzar Nagusian
Kargua "ohore handiz, erantzukizunez eta apaltasunez" hartuko duela adierazi du Atano III.a pilotalekuan, 1.800 lagunen aurrean. Aberri Batzarrak Euskadi Buru Batzar berria osatuko duten zortzi kideak ere hautatu ditu.
aurre egingo dieten hedabide independenteak
Hamabi urte alderdiko buru gisa egin ostean, Andoni Ortuzarrek Aitor Estebani eman dio EAJren Euskadi Buru Batzarreko aginte makila. Buruzagitza zentrala aukeratzeko prozesuan izandako eztabaiden ostean, batasunerako deia egin die Estebanek alderdikideei: "Gure ibilbidearekin eta Euskadi eraikitzen jarraitzeko, batasuna, eredugarritasuna, eta apaltasuna eskatzen dizkizuet". 1.800 lagun elkartu dira igandean alderdiaren IX. Batzar Nagusian, Donostiako Atano III.a pilotalekuan.
Aberri Batzarreko ehun kideek aho batez hautatu dute Esteban EBBko presidente, eta honek eskerrak eman dizkio Ortuzarri Batzar Nagusian egin dituen lehen hitzetan, "Euskadiren alde pasioz egindako lanagatik". Kargua "ohore handiz, erantzukizunez eta apaltasunez" hartu du 62 urteko bilbotarrak, eta EAJren barne prozesuan edukitako gorabeherak baztertzeko asmoz, alderdian ez daudela "bi arima" argitu du, baizik eta "aldi berean taupaka" ari diren 22.000 alderdikide.
Hain zuzen, Estebanek azpimarratu du "azpijokoak eta desleialtasunak" ez dutela lekurik alderdian, eta alderdikideei eskatu die EAJren porrota helburu gisa dutenei ez laguntzeko. EAJren zuzendaritza berriak dituen zereginei dagokionez, EBBko presidenteak azaldu du alderdia osatzen duten organoen arteko koordinazioa eta elkarrizketa hobetzea dela presa gehien duena, baita erakundearen egitura birmoldatzea eta "egungo errealitatera" egokitzea ere.
Amaitutzat eman dute alderdiko barne prozesua
Estebanen kargu hartzearekin batera, azaroan ekin zioten EAJko barne prozesuari amaiera bateko, Aberri Batzarrak Euskadi Buru Batzar berria osatuko duten zortzi kideak hautatu ditu: Joseba Díez Antxustegi, Andoni Busquet, Maitane Ipiñazar, Miren Martiarena, Ion Gambra, Javier Ollo, Markel Olano eta Manu Tejada. Horiei, Batzorde Exekutibo Nazionalaren parte ere izango diren lurralde kontseiluetako buruak batuko zaizkie: Iñigo Ansola (Bizkaia), Maria Eugenia Arrizabalaga (Gipuzkoa), Jone Berriozabal (Araba), Unai Hualde (Nafarroa) eta Peio Etxeleku (Iparraldea).
Kargua pozik utziko du Ortuzarrek
Estebanen ondoren, Ortuzarrek hitza hartzeko unea heldu da. Karguan egon den hamabi urteetan "zorionekoa eta zoriontsua" izan dela adierazi du, eta "elkarrekin alderdia handiagoa" egin dutela: "Gure armarrian daramagun zazpiak bat horretarantz pauso berriak eman ditugu, eta gure ikurrina eta gure anagrama gorenean jarri ditugu. Ezin dut gehiago eskatu". EBB berriari eta Estebani zortea opatu die. Hitzaldia bertso batekin amaitu du EBBko presidente ohiak, Oskorriren Aita-semeak doinuarekin eta "inork ez beza inoiz ahaztu / batasuna da indarra" azken puntuarekin.
Gasteiz edo Ezkio?
Larunbatean ekin zion EAJk IX. Batzar Nagusiari, Alderdia gara lelopean. Ekitaldian zehar aipatu diren gai garrantzitsuenetako bat AHTaren lotunea izan da. Unai Rementeria Bizkaiko ahaldun nagusi ohia mintzatu zen horren inguruan larunbatean: AHTari buruzko ebazpena "lehenbailehen" adostu behar dela adierazi bazuen ere, ez zuen iragarri lotunea Ezkion edo Gasteizen egitea defendatuko duten. Izan ere, Eneko Goia Donostiako alkateak eta Ramiro Gonzalez Arabako ahaldun nagusiak ika-mika izan zuten aurreko astean, Goiak Gonzalez "berekoitzat" jo baitzuen honek Gasteizko lotunea babesteagatik.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Marijo Louis paristarra da sortzez, 1977an heldu zen Miarritzera Euskal Herriko borrokek erakarrita. Josetxo Otegi zizurkildarrak 1983an pasa zuen muga Gipuzkoatik Lapurdira, Poliziatik ihesi. AEK-ko irakasle eta ikasle zirela ezagutu zuten elkar. 1986an, GALen atentatuen,... [+]
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
3.600 pertsona aurkeztu dira ertzain edo udaltzain izateko lan eskaintza publikoko deialdira, eta 2.800 hautagaiek ez dute proba psikosoziala edota atal teorikoa gainditu. Segurtasun sailburuak defendatu egin du Polizia izateko "exijentzia maila".
Boliviako ezkerreko militante historikoa da Nila Heredia, bi aldiz Evo Moralesen Osasun ministro izandakoa. Abuztuan hauteskunde orokorrak izango dituzte, eta herrialdearen egoera politikoa aztertu du elkarrizketa honetan.
Eskuin muturreko sekta erlijioso bateko kideek, Deierrin bizi direnek, 1986an erbesteratuen aldeko ekintza batean Hernanin hil zen Fernando Ros Abartzuzako gaztearen omenezko ekitaldiko bidea oztopatu zuten igandean.
Ur azpian utzitako herrietatik joan behar izan ziren 600 pertsonen omenez jarri dute oroigarria urtegiaren begiratokian, "ez ditugu inoiz ahaztuko urperatutako bizitzak", adierazi du Arabako ahaldun nagusiak.
Astearte honetako gobernu bileran onartuko dute PSOEk eta Sumarrek, akordioa iragarri baitute. Neurria "berehala" ipiniko dela indarrean jakinarazi dute.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
1962ko udan, CNT Francisco Franco diktadorea hiltzen saiatu zen Donostian, ETAren laguntzarekin. Octavio Alberola anarkistak koordinatu zuen ekintza, baina huts egin zuten.
GKSk eta Etxebizitza Sindikatuak salatu dute Ertzaintzak eta Gasteizko Udaltzaingoak gogor kargatu zutela "giro lasaian" egiten ari ziren ekimenaren aurka. Lau atxilotu, 11 identifikatu eta hamarnaka zauritu utzi zituzten Poliziaren esku hartzeari buruzko bestelako... [+]
Egun EH Bilduren esku dagoen udalak ia milioi bat euro itzuli beharko lioke foru erakundeari, duela hamairu urte, EAJ agintean zenean, diru-laguntza bat ez zelako behar bezala erabili, baizik eta iruzurra egiteko, EAEko Justizia Auzitegi Nagusiak berretsi duenez. Eskaerak erabat... [+]
Eusko Jaurlaritzako Ogasuneko Kontrol Ekonomikoko Bulegoak barne txosten bat egin zuen Ertzaintzak jaso dituen 300 BMWen esleipen kontratuaren hainbat baldintza kritikatzeko. Ezarritako baldintzak zehatzegiak eta murriztaileegiak zirela salatu du ogasunak, eta horrek enpresa... [+]
Bi aste barru hasiko diren hiriko jaietan txosna jartzen utzi ez dietela salatzeko kanpaldia egin nahi zuten Gasteizko GKSk eta Etxebizitza Sindikatu Sozialistak, Andre Maria Zuriaren plazan. 20:30ak aldera, ertzainak oldartu egin dira kanpaldian zeudenen aurka, eta bi... [+]