Ertzaintzak Aitor Esnaola presoari emaniko tratu txarra salatu dute
Aita hil eta gero, Legorretako presoak sendiarekin egoteko baimena eskuratu zuen. Lagunen esanetan, behin herrira helduta bost orduz izan zuten polizia autoaren barruan loturik, eta senideekin bost minutuz bakarrik egoteko aukera izan zuen.
Aitor Esnaola euskal preso politikoaren lagunek Ertzaintzak legorretarrari emandako tratua salatu dute Berriari bidalitako gutun batean. Duela egun batzuk, presoaren aita zendu zenez, Esnaolak hurbileko senideekin egoteko baimena eskatu zuen. Espainiako Auzitegi Nazionaleko Espetxe Zaintzak eskaera onartu zuen.
Ohiko prozedurari jarraiki, Esnaola Arabako Zaballa espetxera ekarri zuten lehenik. Presoaren lagunen esanetan, behin Zaballan, "Epaile Zentralak ebatzitako autoa bere osotasunean betetzea Eusko Jaurlaritzaren Segurtasun Sailburuaren ardura da".
Auto hori betetzean Esnaolaren eskubideak urratu zituztela salatu dute lagunek: “Astelehenean Aitor bere aitaren hileta elizkizunetara ekarri ez eta kotxe barnean bost orduz gatibu izan zuten, loturik, herriko bazter batean. Eusko Jaurlaritzak eta bere Ertzaintzak ez zituzten Aitorren eskubideak bermatzeko behar ziren neurriak behar bezala hartu eta, ondorioz, Aitor bost minutuz bakarrik egon zen bere senitartekoekin”.
Esnaolaren lagunen irudiko, Eusko Jaurlaritzaren portaerak berez “ankerra” den sakabanaketa politikaren “ondorio lazgarrienak agerian utzi ditu”. Gisa horretako jarrerek normalizazio politikoa oztopatzen dutela ere salatu dute.
Maiatzean bisitatu zuen aita Esnaolak
Esnaolaren aita aspaldi zegoen gaixorik. Maiatzaren amaieran, familiaren baserrian aita bisitatzeko aukera izan zuen presoak. Gainontzeko senide hurbilak ere agurtzeko aukera izan zuen. Bisitatik bueltan, errepidea oztopatzen zuen ardi artaldearekin egin zuten topo Ertzaintzaren autoek. Ertzaintzak sirenak piztuta saitu ziren bide egiten, eta zenbait herritar identifikatu zuten.
Jende askori iritsi zaizuen bideoan ikusita, ertzainek sirenak piztu zituzten ardiak albo batera aldentzeko asmotan, baina alperrik izan zen eta beste behin sekulako iskanbila sortu zuten eta identifikazioak ere egon ziren. pic.twitter.com/XyC4rgChMr
— joseba permach (@jpermach) 2019(e)ko maiatzaren 26(a)
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]