AHTren kontrako mugimenduaren “kriminalizazioa” salatu dute PSNren egoitza aurrean
Abiadura Handiko Trenaren obrak gelditzeko aldarria egin du beste behin Mugituk eta PSNri eskatu dio esku hartu dezala Espainiako Gobernuan. Azken asteetan poliziak egindako atxiloketak eta mugimenduaren kontrako “kriminalizazioa” ere salatu dituzte Iruñean, larunbatean egindako elkarretaratzean.
Irailaren 11n Espainiako poliziak zazpi lagun atxilotu zituen: “Bizitza publikoa eta normala egiten ari den jendea da, eta poliziak agindu judizialik gabe atxilotu du etxean bere erabakiz. Larria da, beldurra sartu nahi dute, ez AHTren kontrako mugimenduan bakarrik, herri mugimendu osoan baizik”. Halaxe adierazi zuen Mugituko kide batek larunbatean, Sarasate pasealekuan PSNren egoitza aurrean egindako elkarretaratzean.
Atxilotu horiez gain, beste hainbat lagun ere ikertzen ari da polizia –tartean bi kazetari, azaldu dutenez–; funtzio publikoak usurpatzea, dokumentuak faltsutzea eta derrigortzea egozten diete, abuztuaren 13an Alesbes eta Azkoien arteko AHTren zatiko obrak antzerki baten bidez modu sinbolikoan gelditu ondoren. Aurretik beste hiru lagun atxilotu zituzten Espainiako Gobernuaren Nafarroako Ordezkaritzan kateatzeagatik.
Larunbateko elkarretaratzean mugimendu desobedientearen jazarpena salatu dute prentsaren aurrean pertsona ugarik. Horretarako hainbat sindikatu eta eragile sozialen babesa ere izan dute. PSNri eskatu diote interpelatu dezala PSOEren esku dagoen Espainiako Gobernua, jazarpena amaitu eta obrak gelditzeko.
Mugituk gogorarazi du azkenaldian AHTren bideragarritasuna oso zalantzan jarri duten txosten eta ikerketak argitaratu direla. Esaterako, Airef Erantzukizun Fiskaleko Agintaritza Independenteak abuztuan kaleratutakoa, edo Sustrai Erakuntzak joan den astean Nafarroako Parlamentuan aurkeztutakoa, abiadura handiko trenean salgaiak garraiatzea “oso zaila” izango dela azalduz.
AHTren lanek aurrera jarraitzen dute Nafarroako korridorean, baina azkenaldian zailtasun ugari izaten ari dira eta gutxienez bi zati gelditu egin behar izan dituzte Erriberrin eta Tafallan; AHTren kontrako mugimenduak abuztuaren amaieran jakinarazi zuenez makinak ez daude martxan eta beharginik ere ez lanean. ADIFek eta enpresek ez dute argibiderik eman geldialdi horren inguruan.
NAFARROAKO AHTAREN AZPITARTEEN ERDIA, GELDIRIK
Lanean ari ziren lau azpizatietatik bi gelditu egin dituzte. Zehatzago esanda, Erriberri-Tafalla 7,6 km-ko azpizatian eta Tafalla-Tafalla 7 km-ko azpizatian ez dago ez makinarik ez langilerik lanean.
Argazkiak eta idazkia 👇👇 pic.twitter.com/qvb5LLwDoO
— AHT Gelditu! (@ahtgelditu) August 31, 2020
Mugituren ustez, enpresak isilpean egiten ari direna, AHTren aurkako ekintzaileek publikoki egin zuten abuztuan, obretako lanak sinbolikoki geldiaraztean. Erdialdea Trenaren Alde plataformaren aburuz, “Nafarroako jendartearen gehiengoak pentsatzen duena irudikatzeagatik” jazarri dituzte mugimenduko kideak.
Galdera deseroso bat Nafarroako Parlamentuan: “AHT zertarako?”
Sustrai Erakuntzak ere alderdi sozialistak momentu honetan duen ardura azpimarratu zuen Nafarroako Parlamentuan, Nafarroako eta Espainiako gobernuetan egonik “beraiek direlako erabakiak hartu behar dituztenak”.
Egungo trenbidearen defentsa egin zuen erakundeak joan den astearteko agerraldian, salgaiak garraiatzeko gai delako, besteak beste: “AHTk ez du inoiz salgairik eramango, ez diogu guk, beste erakunde ofizial batzuek baizik”, esan zuen Pablo Lorente Sustraiko kideak.
Hala, AHTren obrak eragiten ari diren ingurumen “txikizioak” zerrendatu eta gero, galdera deserosoa utzi zuen airean: “Eta hori guztia zertarako? Orain daukagun trenak egin dezakeen ezer gehiago ez egiteko?”.
Azaroaren 15ean kalera irtetera dei egin dute, PSN, EH Bildu eta Geroa Baik “ezarritako arrabolari erantzuteko”. Frankismoaren biktimak gutxietsiak sentitzen dira Iruñeko Udal Gobernuaren partetik.
1985ean Guardia Zibilak Mikel Zabalza bahitu, torturatu eta hil zuela 40 urte dira aurten. Hori dela-eta, ekimen berezia antolatu dute hainbat eragilek: autobus ibiltari batek erakusketa eramango du herriz herri, kasuari buruz oraindik erantzunik gabe dauden galderak... [+]
Hilabeteetako aldarrikapena izan da, haur eta gazteentzako psikiatria zerbitzua bertan behera geratu zenetik Donostiara joan behar izan baitute Bidasoaldeko familiek, eta Donostiako zerbitzua gainezka zegoela salatu dute behin baino gehiagotan.
Iruñeko Hirugarren Zigor Auzitegiak 5.850 eta 9.450 euro arteko zigorrak ezarri dizkie Baztango Aroztegiko zazpi auzipetuei, derrigortze edo bortxa delituagatik. Baztertu egin du, ordea, talde kriminala osatzen zutela.
Urriaren 4tik 19ra iraganen da Nafarroako arte eszeniko komunitarioen jaialdia Iruñean, nazioartekotza eta kritika soziala ardatz harturik.
Ikerlariek ez dute erromanizazio zantzurik atzeman Burdin Aroko kokaleku horretan. Adituen arabera gunea suntsitu gabe abandonatu zutela erakusten dute arrastoek.
Idatzi duen eleberriko pertsonaia mirestera heldu da Juan Luis Larraza Lakuntza (Etxarri Aranatz, 1950), eta, beharbada, mitifikatu ere egin du. Han eta hemen, eta, oroz gain, Nafarroako Artxibategiko agirietan Luis L(e)izarraga kapitainari buruzko datu bakanak bildu, Pello... [+]
Enpresa batzordeak neurria errefusatu du eta "deslokalizazioa" dela salatu du. Europan dituen lantegietara bideratuko du ekoizpena Saint-Gobainek. Administrari eta komertzial taldeak mantenduko dituzte.
Iruñera heldu da igandean Ibaitik itsasora Palestinaren aldeko martxa, mezu argi batekin: Israelekin harreman ekonomiko guztiak eten. MTorres-en hasi da ibilaldia eta enpresa horrek Israelgo armagintzarekin dituen loturak salatu dituzte. Noainen harrera egin ondoren,... [+]
Bada Garde. Urrutira gabe hor dago, urrutieneko mugaren guardan. Umetan ezagutu nuen Garde, ez dut gogoan zenbat urte nituen, baina landatuta geratu zitzaidan han ikusi nuena.-
Artzain gisa hirugarren kanpaina du aurtengoa Koldo Vicente Eseberrik. Familia Otsagabikoa izan arren, Iruñean bizi izan zen txikitatik, baina abeltzaintzaren munduarekin harreman estua izan du beti. “Osaba artzaina zen, haragitarako ardiak zituen hemen, eta txikitan... [+]
Valle de Odietako epaiketa epaiaren zain geratu da ostiral honetan Iruñeko Justizia Jauregian akusatuek deklaratu eta akusazioek eta defentsak haien ondorioak azaldu eta gero. Ez da aldaketarik egon alde bakoitzak egindako eskaeretan.
Palestinak pairatzen duen genozidioa salatzeaz gain, sionismoaren "konplizeak" seinalatzea ere du helburu Ibaitik itsasora deitu martxak. Palestinarekin elkartasunean aritzen diren hainbat eragilek elkarlanean antolaturiko ekimena irailaren 20an bururatuko da Hendaian... [+]
CaixaBank Researchek egindako ikerketak agerian eman du Nafarroako etxebizitza merkatuaren egoera. 2007-2008 arteko higiezinen burbuilaren garaian baino %3,7 garestiagoa dira etxebizitza eraiki berriak Nafarroan.
