Ahotsa.info ostiralean aurkeztuko dute

  • Ahotsa.info herri komunikabide berria aurkeztuko dute bihar Iruñean. Nafarroan sortu nahi duten eraldaketa sozialera bidean “herriari ahotsa” emango dion tresna izan nahi du proiektu komunikatibo berri honek.


2014ko otsailaren 20an - 00:00
Azken eguneraketa: 2015-02-26 13:37:33
Ahotsa.inforen aurkezpen jaialdiko kartela (Argazkia: euskalerria.info)

Espainiako Auzitegi Nazionalak Ateak Ireki webgunea itxi ondoren abiatu zuten “Ahotsa behar dugu” dinamika, eta horren ondorioz sortuko da Ahotsa.info egitasmoa.

Proiektua aurrera atera ahal izateko Crowfounding sistemaz baliatu dira, herritarren borondatezko diru ekarpen txikiak izan dira Ahotsa.info-ren finantziazio iturri bakarra.

“Herri mugimenduaren bozgorailu” izateko asmoz jaio den proiektuko kideek adierazi dute oraindik ez direla finkatutako gutxieneko helburu ekonomikora iritsi, eta herritarrei dei egin diete ahal den neurrian diru ekarpenak egin ditzaten.

Erredakzio taldea herri mugimenduan lanean ari diren pertsonek eta komunikazio proiektu ugaritatik datozen kideek osatuko dute. Herrialde osoan kolaboratzaile sarea osatzeko asmoa dute gainera, eta gaurkotasuna izango da Ahotsa.inforen ardatza.


Kanal honetatik interesatuko zaizu: Hedabideak
Euskara lehenestea eskatu diote Jaurlaritzari eta EITBri Gasteizko kaleetan

Ehunka herritarrek hartu dute parte Aldatu Gidoiak deitutako manifestazioarekin, larunbat arratsaldean. Kulturan eta ikus-entzunezkoetan euskararen aldeko politikak eta bitartekoak exijitu dituzte. Kulturako eta euskalgintza hainbat kidek hartu dute hitza amaierako ekitaldian.


Al Jazeera debekatu du Israelek, Gazan dagoen nazioarteko hedabiderik handiena

Hamasen tresna izatea leporatuta ezarri du debekua estatu sionistak. Al Jazeerak akusazioak ukatu ditu eta ahots kritikoak isilarazi nahia salatu du. Nazioarteko hainbat elkartek kritikatu dute “prentsa askatasunaren aurkako erasoa”. Debekua 45 egunekoa da momentuz,... [+]


2024-05-03 | ARGIA
Esan erran irratiaren 25 urteko ibilbidea jasotzen duen dokumentala gaur estreinatuko dute Larraintzarren

Nafarroako euskara hutseko irratiak 25 urte bete ditu eta Dialeko azkenak dokumentalean bildu dute bere ibilbidea. Maiatzaren 3an Larraintzarren estreinatuko dute, eta hurrengo asteetan Aizarotzen eta Erason egongo da ikusteko aukera.


2024-04-29 | ARGIA
Aldatu Gidoia-k euskara ez zokoratzea eskatuko dio Eusko Jaurlaritzari maiatzaren 18ko protestan

Maiatzaren 18an, Gasteizen, egingo da mobilizazioa Aldatu gidoia euskararen alde lelopean. Kanpainan parte hartzen ari diren eragileek Eusko Jaurlaritzari eskatu diote euskararen aldeko politikak ezartzeko ikus-entzunezkoetan, eta EITBn beharrezko baliabideak jar ditzala... [+]


Eguneraketa berriak daude