“Ahalik eta Hezkuntza Lege onena” edukitzeko plan pilotua proposatu du Hezkuntza Plazarak
Planak hiru ardatz izan behar dituela adierazi du: ikastetxeetako hizkuntza proiektuak, herrietako hezkuntza proiektuak eta euskal curriculumaren eguneratzea. Plataformako ordezkariek agerraldia egin dute larunbatean Donostian, proposamena aurkezteko.
"Ahalik eta Hezkuntza Lege onena" edukitzeko plana proposatu du Hezkuntza Plazarak, larunbatean plataformako ordezkariek egindako agerraldian. EAEko Hezkuntza Legea aurkeztuko dute laster, eta Hezkuntza Plazarak adierazi du lege proposamenak Hezkuntza Akordioaren filosofian oinarritu behar duela, "hezkuntza sisteman beharrezkoa den jauzia emateko".
Hezkuntza komunitateko hainbat kidek hartzen dute parte Hezkuntza Plazara-n. 2020an aurkeztu zuten, Euskal Herriko oinarrizko hezkuntza akordioa lortzeko asmoz. Larunbateko agerraldian Euskal Herriko ikastola, ikastetxe eta eskola txikitako zenbait irakasle eta guraso azaldu ziren, besteak beste.
Bide horretan, hiru ardatz garatu behar direla uste du plataformak: ikastetxeetako hizkuntza proiektuak, herrietako hezkuntza proiektuak eta euskal curriculumaren eguneratzea.
Hizkuntzari dagokionez, ikastetxe bakoitzak bere hizkuntza proiektua garatu dezakeela aldarrikatu du, ikuspegi soziolinguistikoa, historikoa, soziala eta kulturala txertatuta: “Gure egoera diglosikoa kontuan hartuta, euskara ikasteredu orokortua bihurtuko duen proiektu integrala izan behar du”.
"Herri bakoitzak bere hezkuntza proiektua" adostu behar duela defendatu du. Udalek, ikastetxeek, eragileek eta herritarrek hezkuntzan parte hartu behar dutela azpimarratu dute, herri hezitzaileak garatzeko. Plataformaren iritziz, herriz herri elkarlana sustatzeko espazioak sortu behar dira, eta espazio horiek lagundu dezakete "publikotasun eredu berri batean" oinarritutako hezkuntza sistema lortzen.
Testuinguru berrira egokitutako curriculuma
Azkenik, euskal curriculuma eguneratu behar dela aldarrikatu du; izan ere, hamabost urte igaro dira euskal hezkuntza komunitateak Derrigorrezko eskolaldirako euskal curriculuma diseinatu zuenetik. Hezkuntza Plazarak azpimarratu du ordutik hona Euskal Herrian "aldaketa ugari" gertatu dela eta "mundu ikuskera berria" ekarri duela horrek. "Testuinguru berri horretan, euskal kulturaren transmisioa nola bermatu adostu behar da".
Datozen hilabeteetan bilerak egingo ditu Hezkuntza Plazarak hainbat eragilerekin, "euskal hezkuntzaren bidean jauzi egiteko".
Aurrekoan idatzitako Irakasleon figura artikuluaren harira, kontu esanguratsu bat landu nahiko nuke. Artikulu horretan aipatu bezala, jende askoren ahotan dabil irakasleon lan karga baxua dela (gehienbat hezkuntza publikokoena), eta ditugun pribilegioak gehiegizkoak direla. Ez... [+]
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Palestinan bideratzen ari den genozidioa salatu dute Euskal Herriko Unibertsitateko ordezkariek. Hainbat neurri hartuta ditu EHUk eta tartean, batzorde bat sortzeko proposamena egina dio errektoretzak Palestinaren aldeko unibertsitate mugimenduari, aurretik ere unibertsitateak... [+]
DBH, Batxiler eta Lanbide Heziketan irakasle izateko ez dela zertan irakaskuntzan formakuntzarik jaso, aski dela ikasgai horretako edukiak menperatzearekin. Hori legeztatzeko eskatu diote Espainiako Gobernuari hainbat erkidegotatik, eta gaia lehen planora ekarri berri du ELGAk,... [+]
Ikama ikasle antolakundeak deituta, ikasleak Palestinaren alde mobilizatu dira astearte honetan, Hego Euskal Herriko hainbat ikastetxe eta unibertsitatetan. “Denon erantzukizuna da egoerari buelta emateko salaketa egin eta mobilizatzea”.
Aintzane Mariezcurrena Afan elkarteko psikologoak nabarmendu du “oso garrantzitsua” dela txikitatik alzheimerrari loturako zalantzak argitzea eta gaiaz hitz egitea, haurrek beldurrik izan ez dezaten.
DBHko 4. mailan eremuka irakastea planteatzen duen curriculum agindua bertan behera utzi du Kataluniako Auzitegi Nagusiak, aurrez Batxilergoan egin zuen gisan. Eremukako proiektuen aurkako salaketa Aspepc DBHko irakasle katalanen sindikatuak jarri zuen.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Hilotan, euskara sarritan izan dugu albiste. Txarrerako, euskaltzaleon artean nagusi den aldarte ezkorra ikusita. Baina euskararen egoera txarra dela ez da kontu berria, datuen bitartez beste zerbait iradoki den arren.
Har dezagun, adibidez, hizkuntzak irabazi ei dituen... [+]
Irailaren 1ean hasi dute ikasturtea Ipar Euskal Herrian, euskarazko eskaintzari dagokionez, hainbat berrikuntzarekin. Esaterako, Sohüta eta Luhusoko haur eskola publiko banak euskarazko murgiltze eredua eskainiko dute, eta Hazparneko Armand-David laborantza lizeoak euskaraz... [+]
Gordin esan dute Aiaraldeko ikastetxeok: euskalduntzea “arriskuan dago” eta ikastetxeek, bakarrik, ezin diote aurre egin “egoera larriari”. Autokritika egin, eta hamar konpromiso hartu dituzte, hezkuntza komunitateek praktikara eramatekoak. Era berean,... [+]
UEUk eta BadaLabek ikertzaile gazteei zuzendutako diziplinarteko ikerketa-proiektuen II. deialdia egin dute. Honen helburuak dira ikertzaile euskaldun gazteen arteko harremanak sendotzea eta ezagutza-arlo ezberdinetako ikertzaileak elkarlanean aritzea. Irailaren 22ra arte... [+]
Testuliburuen mailegutza, berrerabilera edota bigarren eskuko azokak ugaritu badira ere, ikasmaterialak gastua izaten jarraitzen du etxe askotan, dirulaguntzak dirulaguntza. Eskola-itzulerak batez beste 400 eta 500 euro arteko gastua ekarriko du Hego Euskal Herriko etxeetan,... [+]
Bost sexologoren formazioa jasoko dute Nafarroako hamabi ikastetxetako irakasleek: sexualitatea ikasleekin lantzeko edukiak eta proposamen pedagogikoak eskainiko dizkiete. Skolae programaren segida izango da, nolabait.