Aernnovako EEEaren auzia epaiaren zain gelditu da
EAEko Auzitegi Nagusira iritsi da Aernnovako EEEaren aurkako inpugnazioaren epaiketa, eta auzia epaiaren zain gelditu da. Epaitegiaren aurrean elkarretaratzea egin dute Aernnova, ITP-PCB eta Tubacexeko langileek.
Abokatuetako batek positibo eman ostean, epaiketa bertan behera gelditu zen martxoaren 16an. Atzerapen horren ostean, EAEko Auzitegi Nagusiak astearte honetan batera aztertu ditu ELA, USO eta LAB sindikatuek aurkeztutako hiru inpugnazioak; hirugarrena enpresa batzorde osoaren izenean.
Orain, epaiaren zain gelditu da Aernnovako EEEaren auzia, eta hilabete barru aterako da ebazpena.
Aernnovako langileentzat greba eguna izan da gaurkoa. Gainera, epaiketa egiten zen bitartean, Auzitegi Nagusiaren aurrean mobilizatu dira, Bilbon, Tubacex eta ITP-PCB enpresetako langileen babesarekin. "Enpleguaren aldeko borrokak auzitegietan jarraitzen du", ohartarazi du Aernnovako enpresa batzordeak. "Fabrikan, kalean eta auzitegietan enplegua defendatuko dugulako".
Otsailaren 1ean, Aernnovako zuzendaritzak Berantevillako fabrikako 82 langile kalean utzi zituen. Horietako 55 nahitaezko kaleratzeak izan ziren, beste hamalau aurre-erretiroak eta beste hamahiru pizgarridun bajak.
🔴 Aernnovako EEEaren auzia epaiaren zain gelditu da, eta ebazpena hilabete barru aterako da.
📣 Epaitegiaren aurrean elkarretaratzea egin dute Aernnova, ITP-PCB eta Tubacexeko langileek.
➡️ https://t.co/btwySM1RfS pic.twitter.com/JC57Xpf5Xi
— Arabako ALEA (@ArabakoALEA) April 13, 2021
Kaleratzeak egiteko debekua
Sindikatuek aurkeztutako inpugnazioen arabera, sektore aeronautikoaren krisia pandemiaren ondorioa da, eta, beraz, koiunturala da. Hortaz, Enplegua Erregulatzeko Espedientearekin Aernnovak "Covid-19arekin lotutako kaleratzeak egiteko debekua urratu" duela argudiatu dute. Zuzendaritzak uztailean iragarri zuen plantillaren %20 kaleratzeko asmoa; hots, pandemiaren erdian. "Baina gero enpresak egiturazko arazo bati buruz hitz egin du", kritikatu dute langileen ordezkariek.
Auzitegi bereko hainbat aurrekari judizial direla eta, epaileak ebazten badu Aernnovako EEEa pandemiak eragindako krisi koiunturalarekin lotuta dagoela, espedientea baliogabetzeko aukera legoke. Hala ere, zuzendaritzaren defentsaren oinarria egiturazko arazoak argudiatzea izan da, EEEa eta kaleratzeak justifikatzeko.
Enpresa batzordeak kaleratutako lankideak lanera itzultzea eskatu du, eta epaileak erabaki hori hartzea espero du. Hala ere, hiru aukera ditu epaileak: kaleratzeak legezkotzat jotzea, bidegabeak direla ebaztea edo kaleratzeak indargabetzea.
Laudioko fabrikako jardunaren zati bat tokialdatu nahi du zuzendaritzak, 39 behargin kaleratuz.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.