Adostasunaren alde, mobilizazio handia deitu du GuraSOSek otsailaren 23rako Donostian

  • Mobilizazio handi bat iragartzeko baliatu du GuraSOSek larunbat eguerdi honetan Donostiako Paseo Berriko Oteizaren eskultura parean deitua zuen agerraldia. Otsailaren 23an manifestazio handi bat iragarri du Gipuzkoako hiriburuan. 17:00etan Antiguako tuneletik abiatuko da, “Esan baietz adostasunari” aldarripean.

Usurbilgo Noaua @noaua
2019ko urtarrilaren 28a
“Gizarteari eta herritarroi begirunea, errespetua izateko, dagokigun duintasuna aintzakotzat hartzeko” eskatu du GuraSOSek. (Argazkia: Noaua)

“Hondakinen kudeaketa eredua baino askoz gehiago dugu jokoan otsailaren 23an. Gizarte eredua dugu jokoan, demokraziaren kalitatea, duintasuna eta gizarte bezala dugun etorkizuna. Horregatik denok esan baietz XXI. mendeko Gipuzkoako demokraziari”. Gizarteko sektore guztiak, gipuzkoar guztiak deitu dituzte manifestaziora. Herritarra erdigunean jarri, eta kezkatzen duten gaien bueltan, benetako informazioa helarazi, hitza hartu, benetako parte hartzea bultzatu, eta elkarrizketaren bidetik adostasunera heltzea eskatuko da; hitz gutxitan, demokrazia osasuntsuagoa izatea aldarrikatuko dute gipuzkoarrek, otsailaren 23an Donostian.

Herritarrak, elkarrizketa, adostasuna

Gipuzkoako Foru Aldundiari, Batzar Nagusiei eta eragile politiko guztiei hainbat eskaera luzatu dizkiete. Gizartea ez dezatela erabili ezta baztertu ere. Parte hartze nahiz erabakitze eskubidea nahi dutenean bakarrik ez dezatela erabili. “Gizarteari eta herritarroi begirunea, errespetua izateko, dagokigun duintasuna aintzakotzat hartzeko” eskatu du GuraSOSek.

Interes guztien gainetik, erdigunean herritarrak jartzea galdegin diete agintari politikoei. Herritarrekin elkarlanean aritzea. “Erabaki ezazue, gatazka edo elkarrekin adostasun bila ibiltzea”. 

Geroz eta arduratsuagoa, kezkatuagoa ageri den gizarteari “leku bat egin behar diozue” adibide gisara aipatu dituzten hainbat gaien bueltan; ingurumena, etxebizitza, pentsioak, osasuna, heziketa, berdintasuna… “Gai hauen guztien aurrean gure lekua izan nahi dugu, gure kezka azaldu eta elkarrizketaren bitartez akordioak lortu”, adierazi du GuraSOSek.

Gizarteari eragiten dioten gaietan “parte hartze zuzena eta aktiboa izan nahi dugu”, adierazi dute. Eta benetan parte hartu ahal izateko, “benetako informazioa eta aukerak jarri behar dira mahai gainean”.

Bilera astelehenean

Otsailaren 23ko manifestazioaren berri emateko agerraldi berean, beste iragarpen bat egin du GuraSOSek. Astelexen honetan (urtarrilak 28) Gipuzkoako Batzar Nagusietako lehendakariari bilduko dira. “Hor gure proposamena argi eta garbi azalduko diogu. Aprobetxatu esateko Markel Olano jaunari eskua erabili daitekeela pultsoa botatzeko gizarteari edo eskua erabili daitekeela baita ere bostekoa emateko gizarteari eta jendarteari”.

Albiste hau Noauatik hartu dugu eta Creative Commons lizentziari esker ekarri dugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Gipuzkoako erraustegia  |  Hondakinen kudeaketa

Gipuzkoako erraustegia kanaletik interesatuko zaizu...
2019-02-13 | Zero Zabor
Kanaldude telebistak Zubietako erraustegiari buruzko mahai ingurua eskainiko du zuzenean Andoaindik

Ostegunean, 14, izango da mahai-ingurua Andoaingo Urigain kultur etxean. Kanaldudek zuzenean eskainiko du 19:00etatik aurrera, baina saioa aurrez-aurre ikusi eta entzutera datozen herritarrei aurretik Ipar Haizea elkarteak pintxo-potea eskainiko die, 18:30etan.


Bi ertzainen aurkako epaiketa bihar, Gipuzkoa Zutik kanpaldian legez kanpoko atxiloketak egin izana egotzita

Bost urteko espetxe zigorra eta sei urteko inhabilitazioa. Zigor eskaera horiekin iritsiko dira bi ertzain asteazkenean Gipuzkoako Lurralde Auzitegira, 2016ko Gipuzkoa Zutik kanpaldian bi lagun legez kanpo atxilotzea egotzita. ARGIAk bi gazteen abokatuarekin hitz egin du eta epaiketan “bi munduren arteko talka” irudikatzen saiatuko direla adierazi du.


2019-02-11 | ARGIA
Erraustegiaren enpresek iritzi publikoa kontrolatzeko antolatu duten komunikazio plana argitaratu du GuraSOSek

Zubietako erraustegia eraikitzen ari diren enpresek (Urbaser, Meridiam, Altuna y Uria, Moyua, Murias eta LKS-Mondragon) komunikazio talde bati eman diote Gipuzkoak Ingurumen Gunea eufemismoz bataiatutako erraustegi konplexuaren irudi ona gizarteratu eta sortu diren kontrako iritziei gaina hartzeko ardura. GuraSOS elkarteak eskuratu du oposizioko taldeen aurkako diskurtso bat egituratzen ari den kabinetearen agiri konfidentziala eta igandean Lasarte-Orian egindako ekitaldi jendetsuan erakutsi... [+]


2019-02-08 | ARGIA
Erraustegiaren aurkako aldarria Donostiako norian

Gipuzkoa Zutik taldeko kideek Donostiako udaletxearen aurrean jarrita dagoen norian "erraustegia ez" dioen pankarta zabaldu dute. Dani Blancoren argazkia.


2019-02-08 | Usurbilgo Noaua
Otsailaren 23ko manifestazioa girotzeko ekitaldia eta mahai-ingurua iragarri ditu GuraSOSek

Otsailaren 23rako Donostian adostasunaren alde deitu duen manifestaziorako girotze lan betean da GuraSOS. Gogoan izan, hilaren 23an manifestazio handi bat iragarri du Gipuzkoako hiriburuan. 17:00etan Antiguako tuneletik abiatuko da, “Esan baietz adostasunari” aldarripean. “Hondakinen kudeaketa eredua baino askoz gehiago dugu jokoan otsailaren 23an. Gizarte eredua dugu jokoan, demokraziaren kalitatea, duintasuna eta gizarte bezala dugun etorkizuna. Horregatik denok esan... [+]


2019-02-07 | Usurbilgo Noaua
OEITeko medikuen agiri berria: "Erraustegi ondoan bizitzeagatik dioxina-maila altuak odolean"

Osasuna eta Errausketa Ikerketa Taldea (OEIT), hondakinen errausketak osasunean duen eraginaz diharduten mundu mailako ikerketa ezberdinen datu kezkagarriak plazaratzen dabil astero, sare sozialen bidez. Azken hamabostaldian beste bi ikerketako datuak plazaratu ditu.


2019-01-24 | ARGIA
Errausketaren Aurkako Mugimenduak larunbatean batzar berezia egingo du Zubietan

Larunbaterako, urtarrilak 26 goizeko 10:00etan hasita, batzar berezia dauka deituta Errausketaren Aurkako Mugimenduak. Zubietan burutuko den bileran hiru urteotan egindako lanen balantzea egiteaz gain zaborren errausketaren aurkako mugimenduak bizi duen egoera aztertuko dute eta 2019ko lan ildoak zehaztuko.


2019-01-21 | Usurbilgo Noaua
Minbizi eta sortzetiko malformazio kasuak gorantz erraustegietatik hurbil, OEIT-n azken datuen arabera

Osasuna eta Errausketa Ikerketa Taldeak hondakinen errausketak gure osasunean izan dezakeen eraginari buruz, mundu mailan argitara emandako ikerketen datuak plazaratzen segitzen du sare sozialen bidez. Aste honetakoan, “Porta D, 2009 Systematic review of epidemiological studies on health effects associated with  management of solid waste” ikerketako datuak dakartza. Datu kezkagarriak, beste behin.


2019-01-18 | Zero Zabor
Madrilgo Auztegi Gorenak behin betiko baliogabetu du erraustegiaren kontratua eteteko Bilduko agintarien erabakia

Bildu agintean zela, GHK-k 2013ko azaroan Zubietako erraustegia egiteko kontratua bertan behera uzteko erabakia hartu eta enpresa multzoarekin adostu zuen eman beharreko kalte ordaina. Hiru urte eta erdi beranduago, 2017ko urtarrilean enpresa taldearen eta GHKren arteko tratua bertan behera utzi zuen Donostiako 1. Administrazio Auzietarako Epaitegiak. Auziak epaitegietako bidea osorik eginda, azkenean Madrilgo Auzitegi Gorenak erabaki du ez onartzea EHBilduk horri jarritako helegitea.


2019-01-11 | Usurbilgo Noaua
"Errausketaren osasun arriskua ofizialki onarturikoa baino askoz handiagoa izan daiteke", OEITeko medikuek ohartarazi dutenez

Osasuna eta Errausketa Ikerketa Taldeak (OEIT) astero sare sozialen bidez artikulu ezberdinak argitaratzeari ekin zion urte amaieran. Eta horretan segitzen du osasun eta medikuntza arloko profesionalen ikerketa taldeak, abiatu berri dugun urte honetan ere. Egunotan, “Errausketa eta dioxinak. Konpondu gabeko arazoa” izeneko idatzia argitaratu dute.


Eguneraketa berriak daude