ARGIA.eus

2020ko uztailaren 11

Absolbitu egin dituzte Kukutza eraitsi zuteneko protesten harira auzipetutako bi gazte

  • Bilboko zigor epaitegiak absolbitu egin ditu Ertzaintzak 2011ko irailean –Kukutza gaztetxea hustu eta eraitsi zutenean– atxilotu eta desordena publikoak egotzita epaituak izan ziren bi gazteak.

Jon Torner Zabala @jtorner
2013ko maiatzaren 16a
2011ko irailean hustu eta eraitsi zuten Bilboko Errekalde auzoko Kukutza gaztetxea.

Fiskaltzak 22 hilabeteko kartzela zigorra eskatzen zuen haientzat.

Otsailean, Kukutza III gaztetxea hustu eta eraitsi zuteneko istiluetan zauritu, atxilotu eta auzipetutako lagunei babesa eman asmoz, Ni ere egon nintzen. Elkartasuna ez da delitua kanpaina abiatu du Kukutzarekin Elkartasun Taldeak. 2011ko irailean Ertzaintzak 80 lagun eta 100 baino gehiago zauritu ziren. Iñaki Carro abokatuak otsailean zioenez, ordura arte egindako bi epaiketetan argi geratu zen Ertzaintzaren bertsioa ez datorrela bat benetan gertatutakoarekin. Atxiloketak "bidegabeak eta justifika ezinak" direla gaineratu zuen.

Kukutzako kideen hitzetan (pdf), bi gazteak absolbitu dituen epaiak bat egiten du aurreko biekin, "poliziek deklaratzen duten guztiak ez duelako inolako sinesgarritasunik". Diotenez, ertzainen kontraesan ugari jaso ditu sententziak.

Gazteek azaldu dutenez, epaiak bertan behera uzten ditu Rodolfo Ares Jaurlaritzako Barne sailburuaren, Iñaki Azkuna Bilboko alkatearen eta orohar, Ertzaintzaren jarrera txalotu eta gazteena kritikatu zuten ordezkari politiko guztien teoriak. "Erantzun judizial honek Ertzaintzak dioena gezur hutsa dela berresten du".

Bestalde, Kukutzarekin Elkartasun Taldeak esan du "zoritxarrez" Ertzaintzaren jokabideak "zigorrik gabe geratzeko bidea" daramala: "Hainbat zaurituk aurkeztutako salaketak artxibatuak izan dira, ezin izan dituztelako erasotzaileak identifikatu; burua estalita zeramaten eta haien kideek eta Barne Sailak ere ezin izan dituzte identifikatu".

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Bilbo

Bilbo kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude